Post Tagged with: "雕像"

超型法國藝術雕像 「旅行者」身體缺失一部份
by / on 12/12/2019 at 7:44 am

超型法國藝術雕像 「旅行者」身體缺失一部份

又係欣賞吓藝術嘢嘅時候,日本Twitter最近熱傳呢位住喺法國嘅雕塑家Bruno Catalano嘅作品,佢嘅青銅雕塑全部都無咁一截,呢個系列叫《Les Voyageurs 旅行者》,係想表達人生旅途上每個人都會有缺失嘅一部份,好型,有無人好似我咁諗起《Avengers》?入嚟有多啲圖睇。

Read more ›

超正《銀河守護隊》浣熊、樹人1/4雕像 兇狠造型即日預訂
by / on 17/11/2018 at 3:36 pm

超正《銀河守護隊》浣熊、樹人1/4雕像 兇狠造型即日預訂

呢隻新加坡XM Studios出嘅《銀河守護隊》浣熊「火箭」Rocket同樹人Groost雕像的確幾正。特別係火箭懶係惡嘅兇狠樣,配埋重裝備武器,好正!1/4比例,賣新加坡幣1399,即係大概港幣8千蚊港幣左右,都幾貴,有興趣可以去返官網,噚晚開始開放預訂嘞。

Read more ›
日本「風中勁狗」實物化 網民自製迷你雕像
by / on 30/10/2018 at 7:43 am

日本「風中勁狗」實物化 網民自製迷你雕像

呢隻日本嘅「風中勁狗」之前喺日本熱傳過,強風之下依然向前行,個樣超型呀!估唔到有日本網民居然迷戀到幫佢整咗個迷你雕像,個樣超神似,不過就得兩隻腳,同埋點解睇落有啲似刺猬仔?

Read more ›
有片:超正!聶風火麒麟雕像開箱!
by / on 10/09/2018 at 8:22 pm

有片:超正!聶風火麒麟雕像開箱!

馬榮成喺面書透露,上年10月咁上下開始接受預訂嘅聶風火麒麟雕像,上星期已經開始派貨。家陣有開箱片睇,之前話嘅可拆眼罩普通頭、額頭有麒麟眼嘅入魔頭有找數;揮手刀、反手持刀等姿勢擺到好順滑;頭髮亦做到飄逸感覺,四肢比例唔錯;座下隻火麒麟亦做得好有氣勢,係唔知點解火麒麟身體唔做成火紅色,取而代之卻係類似鱷魚身體咁嘅顏色。整體嚟講,水準係好高嘅,一定吸睛,如果我可以擁有就好咯。

Read more ›
迪嘉港產映画Hong Kong Hollywood系列雕像第二彈開賣
by / on 27/03/2018 at 8:11 pm

迪嘉港產映画Hong Kong Hollywood系列雕像第二彈開賣

繼上次異形圖章後,迪嘉又有新嘢出啦,今次係聯乘Ligo Design嘅「港產映画Hong Kong Hollywood」系列雕像第二彈,一套四款各四吋高,包括周星馳《大話西遊》愛你一萬年、梁朝偉《東成西就》孖潤腸、秦沛「你大我呀」,至於馮淬帆,我唔記得邊套戲,係咪重演緊收縮水經典一幕,究竟係邊套呢?有無人答到我?

Read more ›
絕世好劍重鑄成功 步驚雲雕像再次開放
by / on 05/10/2017 at 10:00 am

絕世好劍重鑄成功 步驚雲雕像再次開放

時間過得真係好快,九龍公園漫畫星光大道個步驚雲雕像斷劍,原來已經係7月嘅事,而有關部門做嘢亦俾想像中快,10月頭已經整番好把絕世好劍。馬榮成喺面書登相可以佐證,雕像四周再無圍欄,重新開放俾遊客參觀打卡,恭喜晒。

Read more ›

《天下》Fans又要破財 聶風雕像不日推出
by / on 12/09/2017 at 2:59 pm

《天下》Fans又要破財 聶風雕像不日推出

如果你係《天下》Fans的話,儲定錢吖唔該,要有心理準備破嘞。事關馬榮成剛喺面書出Post兼出埋解構圖,話會推出聶風雕像──麒麟魔喎,1:4,屬收藏級,買雕像更送獨一無二珍藏紀念品一份,限量生產咁話喎。唔知賣幾多錢呢?希望唔好太貴喇。

Read more ›
日本Twitter熱傳古怪雕像      人型手掌網民話似《寄生獸》
by / on 03/09/2016 at 12:15 pm

日本Twitter熱傳古怪雕像 人型手掌網民話似《寄生獸》

藝術嘅嘢,有時都唔駛太考究嘅。呢兩日好多日本人喺Twitter熱傳呢輯相。喺紐西蘭嘅一楝建築物屋頂,放置咗個好奇特嘅裝置,有啲似人,又有啲似一隻手掌,好多日本人話諗起《寄生獸》,至於設計師本人就話,呢個裝置無附帶任何訊息,亦都唔代表乜嘢意思,唔解釋,呢啲咪型囉。

Read more ›
【感人】有片  森林失踪10日 義犬救女少主嚇走狼與熊
by / on 02/02/2016 at 7:15 am

【感人】有片 森林失踪10日 義犬救女少主嚇走狼與熊

呢幾日日本好多網民談論呢件事,話說4歲嘅俄羅斯女仔Karina有日走咗入西伯利亞森林想搵阿爸,同行嘅仲有佢隻狗狗Naida,點知就一齊失踪咗10日,正當佢媽咪以為個女凶多吉少嘅時候,狗狗Naida自己行咗返咗屋企,之後帶搜索隊用咗兩日時間搵返Karina出嚟,經入院治療之後阿女最終無事,事後阿女講返,嗰10日全靠狗狗Naida趕走想傷害佢嘅狼同熊,否則‥‥‥大家都俾呢件事感動,最近當地機場仲以佢哋嘅故事整咗個雕像擺設,日本好多人第一次聽呢件事,都覺得好感動,至今放上網已經有超過7萬個like,有網民仲將佢同澀谷車站嘅「忠犬八公」做比較,其實兩隻都係義犬,why not both?

Read more ›
【慎入】5千隻爬蟲砌雕像 日本怪伯伯展露神技
by / on 16/07/2015 at 7:09 am

【慎入】5千隻爬蟲砌雕像 日本怪伯伯展露神技

好恐怖!呢個日本武士雕像遠睇好精緻,近睇你會忍唔住大嗌WTF,然後鬧Gameover嘅編輯,因為個雕像係用咗5千隻爬蟲砌成,我仲好似見到我最怕嘅曱甴!呢個雕像由今年95歲嘅日本阿伯Yoneji Inamura喺1970年砌成,佢之後喺1975年再挑戰極限,用2萬隻爬蟲砌成千手觀音,之後可能自己都頂唔順,宣佈收山。而家呢兩件極品喺日本高知縣稲叢山嘅大會堂長期展覽,如果去開唔駛影相send比我哋嘞,有心。

Read more ›
限量1000件 《哈比人》矮人皇帝雕像 精靈寶鑽好燦眼
by / on 01/12/2014 at 7:10 am

限量1000件 《哈比人》矮人皇帝雕像 精靈寶鑽好燦眼

《哈比人:五軍之戰》要等到12月17日先有得睇,係時候翻睇第一集做定功課。第一集最搶眼除咗我最鐘意嘅咕嚕,仲有火龍同埋矮人族爭餐死嘅精靈寶鑽,最近Weta Workshop宣佈推出呢粒寶鑽,連埋矮人族皇帝Thror雕像同埋張皇椅,全球限量1000座,開價美金299,即係港幣2300左右,近睇皇帝Thror嘅面相幾精緻,但係啲鬍鬚就好假,最搶眼都係粒寶鑽,勁閃,唔知真嘅有無咁燦眼?

Read more ›

超人熱到溶    雕像頭部溶到無影
by / on 15/08/2013 at 7:05 am

超人熱到溶 雕像頭部溶到無影

最近日本熱到42度,人都熱溶,就算俾超人過到去,睇怕佢都會溶到好似圖中個雕像咁款。呢個超人雕像其實係由藝術家Steve Lawler同埋Eric Foenander共同製作,最型係個名,叫「Nobody can save us…」即係話無人可以救倒你,凡事靠自己罷啦,睇完我好有共鳴。又原來,Steve Lawler係喺香港長大嘅藝術家,不過而家長居喺新加坡,都啱嘅,今時今日,新加坡應該好住過香港。

Read more ›