Tag: 陳浩南

撐牛佬《古惑仔三十載之氣吞銅鑼灣》展覽 陳浩南立體人像限量50個

撐牛佬《古惑仔三十載之氣吞銅鑼灣》展覽 陳浩南立體人像限量50個

無計,假就每個禮拜都唔知有無一日,上個禮拜撐咗2022動漫節,再無時間撐牛佬展覽《古惑仔三十載之氣吞銅鑼灣》,今個禮拜喇,今個禮拜必到場打卡。認真,如果你係《古惑仔》死忠山的話,呢個展覽無得唔去,淨係嗰幾幅逐條線勾出嚟嘅大頭陳浩南線畫,齋睇相已經睇到我嘩嘩聲。咁撐得場呢,就唔該撳定錢,事關有太多精品要買嘞,包括仁義智勇口罩、30週年簽名板、盲盒手錶、紅酒、「陳浩南背影」龍之浮雕等等,而我呢,復刻創刊號紀念版必買,「陳浩南氣吞銅鑼灣」立體人像都應該會落訂,係驚得限量50套,訂唔到啫。

Read more ›

《古惑仔》黑線原稿畫集第五期出版 重溫太子點死

《古惑仔》黑線原稿畫集第五期出版 重溫太子點死

心已傷,嘴已O,想當年睇到「福田八壯士」一役呢段,個心真係噗噗跳,打不死嘅洪興武神太子真真正正死了,死得好好好好好壯烈,心底裡不期然狂媽陳浩南累死好兄弟!講咁耐,係想話畀大家知《古惑仔》黑線原稿畫集第五期太子篇已經出版,大家記得捧場,重溫太子人生最後一戰。

Read more ›
HKMB x《古惑仔》口罩 有陳浩南+太子+山雞+立花正仁+大飛五款

HKMB x《古惑仔》口罩 有陳浩南+太子+山雞+立花正仁+大飛五款

繼同玉皇朝聯乘後,HKMB再同牛佬合作推出《古惑仔》口罩,每盒$68。30片獨立包裝,內有陳浩南、太子、山雞、立花正仁同大飛五個款式。牛佬已經退出港漫界,口罩會唔會係最後的《古惑仔》精品?點都好,唔係貴,都會買番盒珍藏吓嘅。至於真正戴出街咯喎,嗯……都係要認真諗清楚先。

Read more ›
幫牛佬《古惑仔》主題冰室諗餸名 細細粒一口牛+陳浩南乳燜豬手有無得諗?

幫牛佬《古惑仔》主題冰室諗餸名 細細粒一口牛+陳浩南乳燜豬手有無得諗?

大約喺上年12月中,網上已經流傳牛佬會開《古惑仔》主題餐廳,仲有網民影埋相掟上網添。一路未知消息堅定流,到今日終於Sure咗嘞,牛佬確係開冰室,並喺面書開Post公開徵詢Fans意見,叫大家發揮創意,就住《古惑仔》漫畫內容同人物諗餸名喎。咁就Easy喇,來,我先,嗯,細細粒一口牛、立花正杏仁露、陳浩南乳燜豬手、洪興東英炒飯即係鴛鴦炒飯,得唔得先?

Read more ›
《古惑仔》陳耀評洪興歷屆龍頭 陳浩南最佳?

《古惑仔》陳耀評洪興歷屆龍頭 陳浩南最佳?

就快完嘞,去到尾聲嘅尾聲嘞,今期第2332期《古惑仔》講到梁家仁正式成為洪興龍頭,喺登基大典上拉開布幕,背藏一張陳浩南大頭照,莫非遺照乎?唔通我其實係估啱,死嗰個係陳浩南,跌落海嘅立花正仁最後救得番?呢Part劇情要讚一讚牛佬,究竟邊個死?係好吊到讀者癮嘅,亦造就我同同事嘅一餐飯輸賭。But,陳耀評歷任洪興龍頭一幕,我卻不敢苟同,陳耀評蔣天生聰明但自私,合理;評韓賓淨係識得睇住盤數同發老脾,唔覺;評陳浩南咁多屆龍頭當中算係最好,十萬個不同意。係陳浩南黐埋Baby炒股兼揩粉,先搞到洪興沉淪,福田一役八壯士係俾佢直接累死嘅;聯同二代覆灼地中海,搞到伊文華盲眼;話保住二代,點知世飛俾金尊貴劈開兩半、李志高變跛仔;為咗個仔游子健安全,居然戇居居走去同韓賓爭龍頭,差啲令社團分裂;Last一劑就更加無厘頭,無端端傾盡社團之力挑戰江湖黑道一哥之位,又係害死唔少兄弟之舉,分分鐘搞到賽雅要守寡。如果咁都配稱好龍頭,無話可說。唔知大家又點睇?

Read more ›
《古惑仔》南哥殺好友! 立花之死講唔講得通?

《古惑仔》南哥殺好友! 立花之死講唔講得通?

隨住《古惑仔》完結倒數,陳浩南同立花正仁一戰大局已定。我係估錯咗嘅,我估陳浩南死,但死嘅睇個勢係立花正仁,除非再扭橋,否則立花正仁都好難翻生。睇完今期第2329期,對於牛佬呢條二必死其一戲碼,大家收唔收貨?老實,於我,只係叫做勉強講得通。原因有二,一,暗黑之門啲殺手家陣好強咩?立花正仁係神人,以一人之力?返轉頭滅佢門都仲得啦,驚唔夠抽,搵埋佐維、大梵幫手咪唔得咩?Fine,就算反咬不成,要自保都應該綽綽有餘啩?二,既然立花正仁老早洞悉黑澤村陰謀,點解唔可以事先同陳浩南單聲,兩人夾檔扮打生打死,合演一場好戲坤殺手博文上釣咪得囉,使唔使真係以命相搏先?BTW,牛佬營造生離死別嘅氣氛確有一手,大飛一句:「亞南!留手呀!」盡顯激動之情;而立花正仁遺言:「南……我點會殺你!」唉,更加睇到我好Sad。

Read more ›

牛佬親證《古惑仔》4月中結束 咁多伏線點收科

牛佬親證《古惑仔》4月中結束 咁多伏線點收科

真正倒數喇,真係就快完嘞,今期第2320期《古惑仔》,牛佬咁寫:「呢一輪,周不時都有老友記追問敝刊幾時完結!之前,牛佬都唔敢肯定!但係去到依家,有少少眉目嘞──四月中之前,應該可以完結!」家陣係3月頭,即係話一個月多啲就完結,即係約10期左右。問題嚟嘞,10期書真係可以交代得晒咁多嘢咩?大飛殺唔殺到金尊貴同世飛報仇?丁瑤呢個老虔婆又點收科?方盛滿、大梵、梁小東、佐敦、李成克呢啲重量級角色去向如何?仲有最重要嘅陳浩南VS立花正仁二死一之戰,點都要預番三兩期慢慢打嘛?BTW,去到家陣,我覺得何小海會不自量力挑戰陳浩南而死,而佐維亦會壯烈犧牲,反而小馬唔使死,唔知我有無估錯?

Read more ›
《古惑仔》合併號$55 陳浩南半期做低戴軍堡咁快手?

《古惑仔》合併號$55 陳浩南半期做低戴軍堡咁快手?

自從牛佬宣佈完結後,《古惑仔》劇情去得火箭咁快,話晒老牌社團,但兩期唔夠洪興就搞掂和興和,蛇夫死咗都唔知自己衰乜;今期第2307加2308庚子孖寶合併號講到滅東英,梁小東熬底著草美國,堂堂東瀛虎戴軍堡仲弊,半期多少少就俾陳浩南拗斷頸陣亡,最尾嗰格交代到立花追殺雷霆,睇嚟呢隻狂雷虎下期都可以收工。心嗰句,去橋實在去得太快,角色死得實在太不明不白,作為死忠Fans幾乎對每個角色都有一定感情的我,有啲Bad feeling。急還急,還望牛佬可以撚盡十二成功力,讓所有要死嘅角色都死得有型啲、有頭有尾有啲。又,今期係合併號,兩期內容賣貴一倍合理,但$25開雙卻唔係賣$50,而係賣到$55,呢下好多讀者都覺得有少少太過。Anyway,下年都無機會再睇《古惑仔》合併號咯,我估好多讀者都唔介意畀多$5嘅。

Read more ›
《古惑仔》紅白靚酒系列$1440開訂

《古惑仔》紅白靚酒系列$1440開訂

《古惑仔》紅白靚酒系列有正式價錢,一Set共6支$1440,酒標見有大頭仔、山雞、包皮、陳浩南同大天二等最最最最始祖角色。係喇,幫吓手喇,鍾意就入多幾Set喇,話唔定牛佬成功開源,可以暫緩甚至撒銷完結《古惑仔》呢個決定。一諗起之後無《古惑仔》睇,我就Sad。

Read more ›
牛佬完結《古惑仔》 陳浩南立花正仁死其一

牛佬完結《古惑仔》 陳浩南立花正仁死其一

年尾流流,做乜搵啲咁嘅嘢搞呀?完全唔明牛佬點解要下個咁嘅決定,讓我等《古惑仔》死忠Fans傷透心。佢喺今期第2297期透露最快三四個月、最遲六七個月後完結《古惑仔》,事先張揚以陳浩南對立花正仁一戰作最後戲碼,講到明其中一個一定要死,嗚……就算完結,都唔使整死佢哋是但一個呀?唉,一諗起以後逢星期一同四,落街第一件事買煙買《古惑仔》嘅日子就快消失,我就好擔心,我驚會好唔慣,我真係有啲唔知點算好。各位C-Hing,不如我哋一齊集氣,跪求牛佬收回成命好唔好?

Read more ›
Pen So操刀《古惑仔》封面 路過銅鑼灣的陳浩南

Pen So操刀《古惑仔》封面 路過銅鑼灣的陳浩南

今期第2268期《古惑仔》有個不一樣的封面,操刀者Pen So,畫嘅係路過銅鑼灣嘅陳浩南。點解咁畫?Pen So喺面書曰:「收到邀請畫《古惑仔》封面,我第一時間決定畫銅鑼灣景物,之後再諗,南哥要做乜,好型咁企喺度?坐欄杆?我想寫實啲,有日常感覺,最後決定畫南哥過馬路,驀然回首,回想以前自己喺銅鑼灣嘅經歷……」無刀刀劍劍,無血腥,無色情,我諗如此零殺氣零江湖味嘅《古惑仔》封面,都只此一個咯。我幾Like,唔知大家點睇?

Read more ›

《古惑仔》搞笑劇情!佐敦俾陳浩南激到嘔血!

《古惑仔》搞笑劇情!佐敦俾陳浩南激到嘔血!

有時同人嗌交,我哋會話:「俾你激到嘔幾升血。」現實世界有無人嬲到噴血呢?唔知,但公仔書世界裡面有。今期第2221期《古惑仔》解開洪興陳浩南如何過三聯佐敦一戙之謎,俾襯家起咗成N億毒品尾注,佐敦先借醉鬧事搵李成克掃人場,之後醉到嘔,嘔嘅係血,牛佬仲要有咁誇張畫到咁誇張,畫到啲血柱呈放射狀噴出嚟。平時打交就話會嘔血啫,估唔到牛佬夠膽死畫「激到嘔血」,睇到呢格,我真係笑咗出嚟。話時話,雖則大家都係龍頭,但陳浩南始終老奸巨滑,講出古惑,佐敦仔又點會夠南哥鬥吖?呢場文戲,我Like呀。

Read more ›
牛佬《古惑仔》有感動位 韓賓陳浩南冰釋前嫌

牛佬《古惑仔》有感動位 韓賓陳浩南冰釋前嫌

話睇到喊就誇張咗,但睇完今期第2209期《古惑仔》,確實有少少感動,證明牛佬刻劃角色性格嘅功力寶刀未老。今期講韓賓終於知道陳浩南爭龍頭苦衷,韓賓打完陳浩南,質問對方有無當佢係好兄弟,陳浩南話有。韓賓臨尾補多句:「你陳浩南──永遠都係洪興嘅老頂。」兩兄弟冰釋前嫌。睇到呢個位,唔係吹水,我真係有少少起雞皮嘞,咁咪好囉,相信唔少讀者都同我同一個諗法,話晒做咗二千幾期兄弟,無理由咁樣反面架?家陣和好如初,一天光晒。

Read more ›
牛佬《古惑仔》又抽水 估唔到十三妹投陳浩南一票

牛佬《古惑仔》又抽水 估唔到十三妹投陳浩南一票

畢竟係三日刊,係有啲拖橋架嘞,但牛佬係好嘢嘅,喺適當時候抽水,再加一個估你唔到嘅三百六十度扭上扭上扭橋,成本公仔書即刻生猛番晒,追看性大大提高。今期第2197期《古惑仔》,我幾鍾意「洪興」白紙扇陳耀戙出嚟主持公道一幕,佢認為投票選老頂應該嚴肅處理,程序要均真,話:「最起碼,唔應該學似我哋特區選特首咁樣亂咁嚟,係咪咁講呀?」直頭係咁講喇,唔知「好打得」同一班高官睇完有無感想呢?又,最尾一格,十三妹居然調轉槍頭投陳浩南一票,激到韓賓死死吓,呢下真係估牛佬唔到,唔通十三妹、陳耀同陳浩南老早串通埋?為免被臥底浩然指證,夾硬扯韓賓下馬,由南哥一個人頂晒?

Read more ›
玩有獎問答遊戲 送陳浩南特別版Phoenix飛鏢卡

玩有獎問答遊戲 送陳浩南特別版Phoenix飛鏢卡

之前報導過嘅《古惑仔》聯乘Phoenix Dart推出飛鏢卡,原來仲有後續!唔淨只齋買卡,仲有得抽卡添,抽獎個獎呀,都係讚好兼玩有獎問答遊戲嗰類嘢喇。中獎者,即送陳浩南特別版Phoenix飛鏢卡一張,遊戲分兩輪,名額有6個。講明係非賣品,報告完畢。

Read more ›