國產「空氣」熱賣8百萬罐 用後頭腦清醒、心情舒暢?!

第一眼睇倒呢罐嘢已經嚇一跳,呢個陳光標自稱好人,用埋大大個嘜頭,以為係飲品?原來係新鮮空氣,吹漲!呢罐空氣來自佢話嘅國內一流空氣地區,例如井岡山、香格里拉、安徽五河縣等地。主席兼出品人陳光標聲稱每朝吸完先返工,用後頭腦清醒、心情舒暢,仲話:「吸了之後就像站在大海邊,有海風吹拂的感覺。」新鮮空氣5蚊罐,保存期一個月,由於最近北京空氣轉差,陳自稱10日賣出8百萬罐空氣。本週最獵奇非你莫屬啦標哥!

Read more ›