Post Tagged with: "阿龍"

日本《街霸》最強手機座 阿龍阿Ken扮辛苦
by / on 20/04/2016 at 7:13 am

日本《街霸》最強手機座 阿龍阿Ken扮辛苦

想讚吓日本出嘅街霸產品一直都好正,之前有所有角色跪低嘅土下座扭蛋,早兩日又介紹過全部打傷晒面嘅Continue玩具,嚟緊仲有奇譚今個月底推出嘅呢套手機座,吸引在於每個角色嘅表情動作,例如阿龍阿Ken作狀好辛苦托手機,印度佬就雙拳出動,仲有百裂腿春麗同埋啱啱公佈《街霸5》嘅新增角色軍佬。但係點解軍佬會變咗扁面杯墊嘅?好似同其他唔係幾襯,不過勝在夠得意。

Read more ›

【想買】《街霸V》杯緣子 阿龍出昇龍拳Vega爬罐
by / on 20/02/2016 at 12:45 pm

【想買】《街霸V》杯緣子 阿龍出昇龍拳Vega爬罐

《街霸V》出咗幾日,連帶大手掣都賣得唔錯,日本嘅飲品品牌DyDo就宣佈推出呢套一式五款嘅咖啡連街霸角色杯緣子,睇落好正,有阿龍、春麗、Cammpy、Vega同司令,每人都做返自己遊戲入面嘅經典動作,仲要全部都可以放喺罐邊或者杯邊,買齊一套掛喺電腦芒前都幾型,3月1日開始發售,去開日本記住搵吓嘞。

Read more ›
港產阿龍Q版figure   出波識發光有聲效
by / on 24/12/2014 at 7:21 am

港產阿龍Q版figure 出波識發光有聲效

自從《Street Fighter V》公佈咗之後,大家都特別留意有關街霸嘅新聞,包括佢嘅周邊產品。噚日公佈nanoblock最新有軍佬同印度佬,啱啱就見倒呢隻香港玩具公司bigboystoys hk嘅阿龍Q版figure最新圖片,勁在個波動拳識發光亦會有聲效,配埋個街霸經典場景都幾正,而且係Capcom官方認可出品,暫時完成度已經達到95%,預計下年2月中即係新年前推出。希望唔好賣太貴,平平哋都可以考慮買返隻看門口。

Read more ›
遊戲主角玩溫情    剛拳拖阿ken阿龍
by / on 19/12/2014 at 7:16 am

遊戲主角玩溫情 剛拳拖阿ken阿龍

呢位藝術家Andry Rajoelina之前都介紹過,好鍾意畫動漫人物嘅背影,而且鐘意用親子做主題,超級英雄拖住幾個小朋友變晒慈父。最近佢又有新作,今次主題仲要係我哋最鐘意嘅遊戲人物!孖寶兄第、薩爾達、雷頓教授、古惑狼以至新啲嘅The Last of Us都有份,個個都扶老攜幼,最正係剛拳(Gouken)拖住小朋友嘅阿Ken同阿龍,師父配徒弟仔,好溫馨。

Read more ›
遊戲角色大兜亂    比卡超cosplay洛克人
by / on 14/05/2014 at 7:06 am

遊戲角色大兜亂 比卡超cosplay洛克人

真人cosplay睇得多,遊戲角色cosplay有無見過?設計師Jorge Vargas最近將經典遊戲角色大兜亂,炸彈人著咗街霸阿龍套衫玩波動拳、比卡超cosplay洛克人嘅Rush、瑪利奧Peach公主換咗街霸Sakura套衫露長腿。製作好認真,有幾幅我都諗咗陣先知佢cosplay緊乜嘢角色。睇落有難度。

Read more ›
阿龍Wallpaper 爆芒救星
by / on 01/08/2013 at 1:29 pm

阿龍Wallpaper 爆芒救星

  其實我真係唔明, 點解依家啲手機會咁易爆芒? 記得以前部Nokia, 跌到連電、連鼻屎都飛埋出嚟, 再喺地下打十幾個跟斗, 但一插返電, 又好似乜事都冇; 我知! 你叫我買返部Nokia吖笨……不過講到爆芒最高境界, 都係玻璃裂晒, 但又照用到Touch Screen, 雖然用得幾樣衰吓, 不過喺imgur見到呢張相, 我忽然覺得成件事合理晒! 之前都有《Naruto》嘅佐助示範過用千鳥爆芒,今次如果咁啱你又玩爆芒, 可以試試佢喎!

Read more ›

Kidslogic出超可動阿龍/豪鬼 史上最真最重質感
by / on 26/07/2013 at 9:00 am

Kidslogic出超可動阿龍/豪鬼 史上最真最重質感

  香港製造Egg Attack系列, 一向大把擁躉! War machine之後下一隻係乜? 今次動漫展中終於現真身, 原來係Iron Man Patriot, 而且仲係成隻重新做過晒, 一樣會着燈; 我都知好多人開始話佢食老本, 隻隻變化唔大, 所以今次就變俾大家睇, 場中見到一隻超巨型阿龍Figure, 超可動關節是全新開發, 更重要係好有皮膚質感, 加埋件真布做嘅衫, 我真係想打爆個櫃、即場攞隻返屋企!

Read more ›