Tag: 阿狗

右貓的HeHe味「22個吻身體的含義」圖 用盡鄭健和筆下角色

網絡有流傳所謂嘅「22個吻身體的含義」,甚麼錫頭髮等於「思慕」、錫額頭等於「祝福或友情」、錫耳仔等於「誘惑」、錫鼻樑等於「貪玩」等等,世界各地好多網友都為此作畫,香港代表有右貓,畫咗幅「Kiss 22 Title」,裡面全部用晒漫畫角色,包括《殺道行者》嘅信義同尼路喇、《西遊》嘅天羽狩同小羽喇、《封神紀》嘅阿狗喇等等。一向有瀏覽開佢面書,一向都知佢鍾情鄭健和,經常將鄭健和筆下角色萌化,萌得靚又確實畫得好靚。今次「Kiss 22 Title」一樣無令人失望,畫得好精緻,係有幾格HeHe味多咗少少,有埋對照圖俾你邊賞畫邊估吓佢畫緊邊個角色,又係過癮啫。

Read more ›

華英雄+阿狗+立花正仁+鐵縱橫 ACG聯乘Figure陸逐有來

如果你係死忠港漫迷的話,一定要巡巡動漫節ACG TOYS攤位,事關該公司繼續聯乘各大港漫角色,而華英雄、阿狗、立花正仁同鐵縱橫已經入晒飾櫃,有辦你睇。記住,是次展出嘅只不過係「商討中」、「待定」、「審批中」嘅未完成品,未完成品已經咁靚,成品有幾精雕細琢可想而知。暫時,我就最Like阿狗Figure,碌砲夠大碌,好有型呀喂。

Read more ›

《大軍閥》送完三期海報,必儲!

為報答讀者不離不棄,和仔大人專登連續三期送張跨頁海報,分別係第34期嘅《殺道行者》信義、第35期嘅《封神紀》阿狗同第36期嘅《大軍閥》洪非凡加平安妹妹。三張海報都係水準極高之作,硬要我揀的話,我會揀平安妹妹嗰張,無論構圖、落色、人物表情、姿體動作同表達出嚟嘅氣氛,都略勝其餘二張一籌。老實,《大軍閥》唔係精裝書,無硬淨書脊唔方便收藏,所以我一路都無儲開,但呢三期因為附送海報,所以我決定珍而重之,放入書櫃,唔知大家又點睇?

Read more ›

巨人化的阿狗 見人就噬

起條題叫〈阿狗變巨人〉,其實想話《封神紀III》抄襲《進擊之巨人》,鄭健和已經喺「和仔專欄」響晒口,大家都知《封神紀III》就快完結,係估唔到主角會變成怪物咁解啫。

Read more ›