Post Tagged with: "阿塗"

阿塗《明周》新漫畫地盤 《香港珍獸保育館》不日推出
by / on 06/03/2019 at 9:00 am

阿塗《明周》新漫畫地盤 《香港珍獸保育館》不日推出

阿塗有新地盤連截漫畫,面書專頁「明周文化MP Weekly」推出《香港珍獸保育館》,暫時出咗第一話〈網中人〉,並有留言曰:「各類『香港珍獸』將於 《明周》 出場,密切留意!」阿塗Fans萬勿錯過。

Read more ›

維園見!撐「阿塗x勁揪體——虢礫緙嘞廣東話@年宵」!
by / on 24/01/2019 at 9:00 am

維園見!撐「阿塗x勁揪體——虢礫緙嘞廣東話@年宵」!

望張宣傳海報,「阿塗x勁揪體——虢礫緙嘞廣東話@年宵」是甚麼來的?我登時滿腦問號,究竟「虢礫緙嘞」係乜?望真埋字頂注音,終於估到,原來係「戟瀝卡勒」。咁有幾虢礫緙嘞呢?真係去到維園先知。另,從佢哋改編《財神到》嘅歌詞嚟睇,估計到時Kit Man會即席寫獨一無二勁揪體揮春,而阿塗呢,則「造咗隻新貨等你認頭」,咁大家識做喇。

Read more ›
阿塗好創意 年宵出摺紙小攢盒+畫揮春
by / on 12/02/2018 at 3:43 pm

阿塗好創意 年宵出摺紙小攢盒+畫揮春

創意呀,我見到創意呀,阿塗將會喺維園年宵,出售中看中用兼中玩嘅摺紙小攢盒,外形四四方方,顏色大紅大橙,非常應節。係,係要摺嘅,吓?唔識摺紙,後面印埋說明書喎,咁都唔識的話,我都幫你唔到。另,當日阿塗會駐場畫揮春,無錯係畫,有字有畫嗰隻,有辦你睇,啲揮春祝賀語一樣咁有創意架。

Read more ›
努力!奮鬥!阿塗出2018年曆Postcard!
by / on 16/12/2017 at 10:00 am

努力!奮鬥!阿塗出2018年曆Postcard!

立法會通過修改議事規則、法定人數20人開得成會……即係點呀?即係見到阿塗張2018年曆Postcard就更加心傷囉,大大隻字寫住「努力!奮鬥!」又如何?氣餒呀!Anyway,阿塗會喺今日2:00pm開始嘅「暖暖漫展。冬日市集」擺Booth,大家課金買年曆Postcard唔該。同埋,佢已經事先張揚短期內都唔會擺攤,想搵佢簽名就要珍惜機會嘞。

Read more ›
行「暖暖漫展。冬日市集」買2018月曆
by / on 28/11/2017 at 9:33 pm

行「暖暖漫展。冬日市集」買2018月曆

我係幾鍾意行市集嘅,如果規模夠大,有心睇足夠磨一個下晝,嚟嘅有個「暖暖漫展。冬日市集」,如無意外我都會撐場。呢個市集聚集在一班港漫人包括草日、林競開、阿塗、阿柱@oic親子丼、肥佬、周小某、大Y、細Y、[email protected]賞味期限、星瓶靜和彭康等,我有啲識有啲唔識,屆時佢哋會Sell自家2018月曆同各類精品,當然梗唔少得簽名影相環節。同場加映,草日2018月曆原稿展,有埋畫展添,好難唔捧場。

Read more ›
阿塗搞「塗解廣東話簽名會」 帶定書搵佢簽名影相
by / on 25/10/2017 at 10:45 pm

阿塗搞「塗解廣東話簽名會」 帶定書搵佢簽名影相

無記錯《圖解廣東話》係今年7月書展推出嘅,因乜解究阿塗依家先搞「塗解廣東話創作分享會」呢?佢話驚無人到,所以喺面書整咗張「全場爆滿自High幻想圖」,真係好搞笑,咁大家真係要畀吓面捧場喇。買咗書嘅,屆時搵佢簽名影相斷估都無問題;未買書嘅,聽完分享會又有Feel嘅,咪即場課金實際支持囉。

Read more ›

阿塗書展出《圖解廣東話Cantonese.jpg》 留意簽名會
by / on 21/07/2017 at 10:00 am

阿塗書展出《圖解廣東話Cantonese.jpg》 留意簽名會

阿塗啲公仔不嬲Cute,估唔到連書名都改得咁過癮,今年書展佢有新書出,名為《圖解廣東話Cantonese.jpg》,連「jpeg」都用埋,好諗頭呀。書名OK嘞,咁內容呢?佢面書有內容簡介曰:「本書以插圖為要,附以中英註解,九淺一深,全宇宙首本七彩伊士曼粵語研習繪本!以漫畫人視角,為大家揭開廣東話俚語、諺語、歇後語 ……之神秘面紗。」一樣咁抵死啜核。想搵佢簽名嘅,唔該記得以下日期及時間──今晚周五8:00pm至9:00pm、聽日周六5:00pm至6:00pm,報告完畢。

Read more ›
謝曬皮少女吊飾 維園年宵Must入Item
by / on 24/01/2017 at 10:00 am

謝曬皮少女吊飾 維園年宵Must入Item

我愛謝曬皮!正!原來佢今年都有參與年宵,不過就係搭單,喺阿塗個「小學雞精班」攤位寄賣精品。謝曬皮啲畫有幾醜大家心中有數,但醜得嚟過癮卻又係事實。真心Mode,少女人型公仔、Card Holder、襟針我都有興趣入,至於吊飾咯喎,就更加係Must入Item喇,斷估呢個世界都無咁醜樣嘅公仔吊飾,物以罕為貴,唔入點得?

Read more ›
維園年宵撐阿塗 必入神獸小學雞硬膠公仔
by / on 23/01/2017 at 11:00 pm

維園年宵撐阿塗 必入神獸小學雞硬膠公仔

銅鑼灣維園年宵已經開皮,大家趁咗墟未呀?未來幾日打算行番個大運嘅,記得到117號攤位「小學雞精班」望望喎,事關阿塗會喺度擺檔。有乜Product?慢慢數──一式兩款純棉製圖解廣東話手拭巾、手挽側孭兩用「粵語九聲訣」Tote Bag、神獸小學雞硬膠公仔、靜雞雞入兩雞利是封、神獸小學雞吊飾、《大粵港諺語》海報同著作《鵰娜猩!頂硬上!》等等。全部自家設計產品,絕非疑似小巴路線牌抄襲之作可比。我就最鍾意硬膠公仔嘞,實在係Cute,擺喺檯頭唔失禮,要撐。

Read more ›
過年繼續爆粗 Studio Sorry推出粗口貼紙
by / on 16/01/2017 at 8:45 pm

過年繼續爆粗 Studio Sorry推出粗口貼紙

你係咪港豬?窮撚?偽毒?方丈?兵仔?腦細?憤青?碌柒?你為人是否戇嘟兼鳩屎?講嘢有無JM Tone?使唔使日日鳩食頹飯?是咪慘到冇房do嘢?係咪都好啦,見到「Studio Sorry」推出嘅粗口賀年貼紙,相信你都會即刻笑出嚟。係幾Funny嘅,顏色配搭亦幾搶眼招搖吓,貼紙一套三款,三款我都想據為己有,維園年宵阿塗攤位有售。廢話唔該,支持本地創作,科水唔該。

Read more ›
阿塗推出利是封 掂過碌蔗
by / on 09/01/2017 at 9:00 pm

阿塗推出利是封 掂過碌蔗

就快過農曆新年,阿塗推出「年年有餘」、「大吉大利」同「掂過碌蔗」三款利是封,當中我最Like後者,當碌竹係雙截棍咁舞,有氣勢,利是封背連埋接口可以拼出一個「掂」字,好意頭呀喂。價錢方面,預購價各款每包20個各$50,套餐價分兩個收費,「咪走雞」套餐有齊三款各20個,總共60個$120;「吹雞嚟買」套餐有齊三款各40個,總共120個$220,買得越多越平,支持吓阿塗啦喂。

Read more ›

動漫授權市場開動 雪晴水晶畫板有售
by / on 06/01/2017 at 10:30 am

動漫授權市場開動 雪晴水晶畫板有售

動漫基地《想入非非──老夫子漫畫作品展》完結,緊接有《動漫授權市場》,唔係展覽有乜好行?行攤位囉。屆時有二十個本地動漫同玩偶創作單位駐場,有茶敍,有Open-mic介紹會。創作單位包括jin x cafedebollo x La La Woodland、阿塗、Alice Hobbey Illustration、羅浩光、Devil Toys、多利繪、格子、香港插畫師協會、Intoxic Studio、江記、杜翰煬、Morning Gary、海洋創作有限公司、豬朋狗友、七十二行、彩虹守護者、森巴Family、快樂文族、The Art of Bonnie Pang同野士創工。當中的快樂文族有售雪晴水晶畫板、特價快樂生活手帳本同車仔鎖匙扣,而雪晴亦會喺1月11日6:00pm-6:30pm親臨動漫基地面見Fans,大家識做喇。

Read more ›
阿塗的聖誕賀圖 齊來數鹿數馬
by / on 26/12/2016 at 3:30 pm

阿塗的聖誕賀圖 齊來數鹿數馬

雖然過咗聖誕,但我覺得塗呢幅聖誕賀圖好諷刺,睇完如打翻五味架,百般滋味在心頭,好值得大家欣賞。佢喺面書言曰:「聖誕娛興題:圖中有幾多隻馬呢?(希望大家仲分到鹿同馬)」係,畀心機數吓喇,鹿同馬根本就好易分,除非有人特登唔分。

Read more ›
阿塗《鵰娜猩!頂硬上!》 OK便利店有售
by / on 13/10/2016 at 11:00 pm

阿塗《鵰娜猩!頂硬上!》 OK便利店有售

之前咪報導過阿塗本《鵰娜猩!頂硬上!》無出版社肯承印嘅,好喇,出版社呢Part搞掂,以為萬事周全喇,點知書就印咗出嚟,卻原來喺「三中商」三大書局一直無影。乜原因?唔講喇,唔使畫公仔畫到出腸,你明白的。想講嘅係,如果有心撐阿塗嘅,可以去OK便利店走一趟,估唔到OK會肯入書,雖然誠如阿塗喺面書所言「放得好隱蔽」,但點都要畀個Like。撐你呀!加油呀阿塗!

Read more ›
Fake晒!阿塗出冰清玉潔版《馬賽克!頂硬上!》!
by / on 24/08/2016 at 11:15 pm

Fake晒!阿塗出冰清玉潔版《馬賽克!頂硬上!》!

話說阿塗喺面書寫「悔過書」,大致講因為佢本《鵰娜猩!頂硬上!》書名有粗口諧音,所以俾大書局封殺,留言曰:「嗚呀~~小弟誠心知錯了!我衰!我賤!當初企圖以粗口諧音神獸譁眾取寵,以為可瞞天過海,藉此誤人子弟,『塗』毒青年。現在回望,此等卑劣行為,實在可恥!!今天我,覺今是而昨非,決定替封面打上厚格,易名《馬賽克!頂硬上!》,望全港最隻手遮天……吖唔係,係全港最偉大的出版發行零售書商能網開一面,俾次機會,一齊締造和諧社會。」並打趣謂《馬賽克!頂硬上!》係冰清玉潔版《鵰娜猩!頂硬上!》。講到似層層,正想留言鼓勵番佢幾句之際,竟發現《馬賽克!頂硬上!》只屬阿塗本尊惡搞自己之作,係佢自己喺電腦Print個假封面出嚟扮晒嘢,根本就無《馬賽克!頂硬上!》呢回事。呢鋪真係俾阿塗Fake晒,等我仲戥佢擔心添,如此另類嘅宣傳手法,又虧佢諗得到,好嘢!

Read more ›