Post Tagged with: "阿傑多"

Post《三國誌異》第四期相上網 送文嘉宏x阿傑多畫板
by / on 24/01/2019 at 8:30 am

Post《三國誌異》第四期相上網 送文嘉宏x阿傑多畫板

剛剛睇咗《三國誌異》第四期,劇情緊湊,嗰隻甚麼闇靈一啖吞咗曹府家丁個頭,帶出劉宏指環嘅鎮邪之力……都係唔好劇透。入番正題,《三國誌異》繼續送畫板遊戲,今次輪到文嘉宏聯乘阿傑多出手,想要?老例,都係Post相寫兩句讀後感,再讚好面書專頁「Bookone壹本創作」,截址日期1月29日23:59分,名額一位,要抽獎架,希望幸運兒係你喇。

Read more ›

Post《三國誌異》第三期相上網 送鄭健和x阿傑多畫板
by / on 16/01/2019 at 6:46 pm

Post《三國誌異》第三期相上網 送鄭健和x阿傑多畫板

好事成雙!唔好畀佢停!繼第二期後,《三國誌異》第三期繼續有獎抽。老例,買完書影張封面相掟上網幫手宣傳,加兩句讀後感,再讚好面書專頁「Bookone壹本創作」,就有機會得到由和仔大人同阿傑多聯手砲製嘅簽名畫板一大張。截址日期1月22日23:59pm,名額依舊得一位,唔知我會唔會係幸運兒呢?

Read more ›
Post《三國誌異》第二期相上網 送鄭健和x阿傑多畫板
by / on 10/01/2019 at 3:52 pm

Post《三國誌異》第二期相上網 送鄭健和x阿傑多畫板

正呀喂!有獎抽呀喂!家陣買《三國誌異》第二期,影張相掟上網幫手宣傳,之後寫兩句讀後感,再讚好面書專頁「Bookone壹本創作」,即有機會得到由和仔大人同阿傑多聯手砲製嘅簽名畫板一大張。截址日期1月15日23:59pm,名額一位,大家識做啦。

Read more ›
《三國誌異》人物設計大賽 阿傑多+文嘉宏出示範作
by / on 14/12/2018 at 3:08 pm

《三國誌異》人物設計大賽 阿傑多+文嘉宏出示範作

擒日報導過話鄭健和搞《三國誌異》人物設計大賽,依家有詳細資料,一,創作角色須為三國時代正史或小說人物;二,一面書帳號限一畫作,上傳日期即日起至1月10日。為此,阿傑多掟咗幅《少布》、文嘉宏掟咗幅《祝融夫人》上網,作為示範作畀大家參考……死喇,示範作畫得咁靚,會唔會嚇怕一眾參賽者架?Anyway,大家自問手畫OK嘅,踴躍投稿喇。

Read more ›
一藝傳承 阿傑多開班教封面彩稿
by / on 16/11/2018 at 8:30 pm

一藝傳承 阿傑多開班教封面彩稿

一本公仔書嘅封面確係好重要,直到依家我都仲有鋪聞封面癮,尤其邱福龍《山海逆戰》,簡直期期封面都係精品,實在愛不釋手,賞之再三不為過。亞傑多又開班嘞,今次「一藝傳承」教嘅正正係「封面彩稿技術課程」,大家想唔想做佢弟子?

Read more ›
「獅子山羊」Tee不日推出
by / on 19/06/2018 at 9:45 pm

「獅子山羊」Tee不日推出

「獅子山羊」有精品就……快推出,Tee是也,阿傑多話暫時只印起小量,只會留俾自己同葉明發個女,如果質素無大問題就會正式量產同開訂。大家唔好心急,面相登咗相,有辦你睇可以止住咳先。我就覺得幾正嘞,個圖案好適合黑色Tee,唔知到時賣幾錢呢?

Read more ›

「獅子山羊」出Tee 出齊十二星座
by / on 22/05/2018 at 4:32 pm

「獅子山羊」出Tee 出齊十二星座

由阿傑多同葉明發扯頭纜嘅「獅子山羊」又有新點子,今次係出Tee,黑底,前幅有大大幅靚畫,後面有個小Logo,雖然講明「coming soon」,暫時只睇到嘅係相而非實物,但整體感覺係型嘅,絕對著得出街唔會嬲嗰隻。阿傑多透露如果搞得成,會出齊十二星座,一套十二件,又係值得珍藏喎,不過唔知賣幾錢呢?

Read more ›
阿傑多送小海報 推介面書專頁「獅子山羊」
by / on 16/05/2018 at 3:00 pm

阿傑多送小海報 推介面書專頁「獅子山羊」

開心!有嘢派呀!阿傑多剛出席咗深圳文化博覽會,兼特別印製咗介紹自家作品嘅小海報,有興趣嘅話,可以PM佢預留一張。大家可以望相,張小海報製作好精美吓,一啲都唔求其,好值得收藏。睇過佢面書啲留言,想擁有海報者眾,暫時亦未見佢話派晒,咁當然,有來有往,大家都支持吓佢個面書專頁「獅子山羊」,畀個Like喇唔該。

Read more ›
面書專頁「獅子山羊」頭砲 阿傑多x葉明發開漫畫班
by / on 02/05/2018 at 3:28 pm

面書專頁「獅子山羊」頭砲 阿傑多x葉明發開漫畫班

大家Like咗由阿傑多同葉明發扯頭纜嘅面書專頁「獅子山羊」未?未就唔該快手支持吓。而創業第一砲呢,就係呢個「爆熱漫畫創作班」,保證「將整個漫畫製作過程完全教學」。學費?無言明。「爆熱」呀,你仲有無一顆投身或認識漫畫嘅爆熱之心?唔好咁多藉口,仲有嘅話,WhatsApp佢哋喇。

Read more ›
阿傑多x葉明發搞工作室 即Like面書專頁「獅子山羊」
by / on 28/04/2018 at 4:51 pm

阿傑多x葉明發搞工作室 即Like面書專頁「獅子山羊」

之前報導過阿傑多會同葉明發會搞甚麼《天戰.幻戰.超擊戰》,家陣有啲眉目嘞。話說兩位開咗個工作室兼面書專頁「獅子山羊」,嚟緊會專注製作漫畫、海報同遊戲人設,估計《天戰.幻戰.超擊戰》就係是次成立工作室重頭計劃之一嘞。佢哋仲透露遲啲會招收會員,搞漫畫課程同交流會等等。一切尚在開初階段,大家依家需要做嘅除咗係拭目以待外,就係即刻加佢哋面書,唔該。

Read more ›
葉明發x阿傑多《天戰.幻戰.超擊戰》係乜?
by / on 17/04/2018 at 9:00 am

葉明發x阿傑多《天戰.幻戰.超擊戰》係乜?

好一句「Coming soon」,真係好吊人胃口呀,講嘅係葉明發面書留言:「天戰.幻戰.超擊戰——IPMINGFATxAGITO 2018」,係得咁多個字架咋,葉明發聯乘阿傑多,究竟會出啲乜書呢?港漫已經買少見少,純個人意願,不過我相信都係好多港漫迷心聲,最好就出廿蚊薄裝啦,仲希望係長篇咁隻。拭目以待,加油呀。

Read more ›

《山海逆戰》封面大師阿傑多 聯乘馬學偉開班教彩搞
by / on 05/01/2018 at 5:45 pm

《山海逆戰》封面大師阿傑多 聯乘馬學偉開班教彩搞

大家追開邱福龍面書,都會留意到福龍宣傳《山海逆戰》下期封面,都周不時會補一句:「唔該阿傑多。」係,《山海逆戰》啲靚靚封面就係出自阿傑多之手。家陣佢孖埋馬學偉搞畫班,教封面及彩稿技巧、畫面及背景氣氛、立體感構成同構圖技巧四大範疇,1月18日開班。有興趣跟猛人學嘢嘅,快啲PM佢哋報名喇。

Read more ›
馬學偉x阿傑多開班 傳承港漫技藝
by / on 18/08/2017 at 9:51 pm

馬學偉x阿傑多開班 傳承港漫技藝

開宗明義寫明「技藝‧傳承」,馬學偉聯乘阿傑多開班授徒,務求為港漫出培育新血,值得欣賞。馬學偉係《超神Z》彩稿大師,有豐富港漫製作經驗,阿傑多曾經幫過《天下》畫嘢,依家你哋睇到嘅《山海逆戰》同《西遊》封面,都係出自佢手筆,夠厲害未?課程共八堂,主要教封面及彩技技巧、畫面同背景氣氛、立體感構成同構圖技巧,有心投身港漫行列嘅,不妨留意吓,報告完畢。

Read more ›
葉明發x阿傑多《爆煉RX》 高水準之作
by / on 14/08/2017 at 10:00 pm

葉明發x阿傑多《爆煉RX》 高水準之作

葉明發喺面書發表咗新作《爆煉RX》,此故事仍係同阿傑多合作,總共十頁,零對白Bubble,零旁述,畫功細膩固然要讚,齋用畫面都講到如此充滿溫情嘅古仔,足見功力所在。最尾一頁有「My Hero」字眼,唔知有無諗多咗,關唔關嗱喳俠事?出新書?出新漫畫連載?出乜都好,拭目以待。

Read more ›
重現美好兒時回憶 撐《童時播放十六童人畫展》
by / on 27/12/2016 at 6:49 pm

重現美好兒時回憶 撐《童時播放十六童人畫展》

又有畫展睇,今次主題,有關方面用短短幾行字如此介紹──「一班童人,童心未泯,把童年時對電視播放過的動漫特撮角式,用自己喜愛的各種方式繪畫出來。」言簡意賅。童人有十六位,分別係Wolf Chung、Tony Yim、Daniel Chan、Carter Ma、默思、阿傑多、米奇、Fai Cheng、Andy Au、廖光祖、Jacky Wong、余志豪、Jimmy Ng、Felix Ip、Tommy Li同塵阿力。無錯,上述名字你未必個個都識,但佢哋畫嘅動漫特撮角色,相信大家都唔會陌生,而米奇同Tony Yim已經率先有辦你睇,自問都係「童人」嘅,呢個畫展千其咪錯過。

Read more ›