fbpx

Tag: 阮大勇

阮大勇以愛妻入畫 牛一放閃浪漫驚喜

阮大勇以愛妻入畫 牛一放閃浪漫驚喜

放閃呀,好倀眼嗰隻,我差不多盲了。係愛呀,愛妻號個愛呀,話說阮大勇為賀愛妻牛一,特登將愛妻化身成古裝俏女郎入畫。愛妻幸福滿瀉,留言話:「覺得有啲甜……有啲暖……有啲喜。你真係一個好Sweet嘅男人嚟嘅。」果真含糖量超高,估唔到阮大勇可以咁浪漫,而呢種浪漫,真係多多錢都買唔到,衷心佩服。

Read more ›

《美紙》第四期有七個封面 阮大勇畫Q版李小龍必買

《美紙》第四期有七個封面 阮大勇畫Q版李小龍必買

係,《美紙》咁厚咁大本,真係未必個個主題都啱睇的,但拎上手睇實體書嘅愉快感覺,又真係Loop手機畀唔到你的。鍾意睇文章者固然要買,就算你唔多鍾意睇字,但作為漫畫迷,今期第四期《美紙》都好應份買,因為其中一個封面Q版李小龍,正正出自阮大勇之手,其餘六個封面包括關錦鵬x梅艷芳、伍宇烈、Louis Vuitton Objets Nomades、Chloe X Corita Kent、Daniel Arsham同Peep Projects X Fashion Walk,又唔知啱唔啱你心水?

Read more ›
李小龍80週年誕辰 主題紀念電車出巡

李小龍80週年誕辰 主題紀念電車出巡

今年係李小龍80週年誕辰,海報師阮大勇之子阮繼增為此創作紀念海報,透過電車公諸同好。留意番,海報會喺8、80同160號電車車身出現,而當中嘅80號同160號,就連車廂內櫳都有相關裝飾佈置,所以千其唔好齋影車身就算,有時間嘅不妨跳入車廂,有排你打卡,大把位畀你致敬。

Read more ›
惜香港國際電影節取消 撐阮大勇限量紀念品

惜香港國際電影節取消 撐阮大勇限量紀念品

真係唔該晒呢場唔知斷唔斷到尾嘅瘟疫,搞到成個世界彎晒。第44屆香港國際電影節由原本嘅3月延至8月,又由8月延吓延吓延到正式取消,連帶阮大勇為電影節推出嘅限量紀念品都無乜人知。Anyway,有心捧「海報師」場的話,可以上網購買佢創作嘅Moleskine記事本同Two Moons Distillery Gin禮盒,畫嘅係「焦點影人」許冠文,好正,值得收藏。

Read more ›
《漫畫治賓3》8月見街 阮大勇畫封面

《漫畫治賓3》8月見街 阮大勇畫封面

綜合漫畫《漫畫賓治3》將於8月推出,每本$104,包漫畫1本、郵費同公文紙袋包裝,寄到你手,即係唔使出街撲書呀。值得留意嘅係,第三期封面係由有「海報師」之稱嘅阮大勇操刀,真真天大的面子了!唔該望吓相,係咪好靚先?希望大家多多支持本地創作喇。

Read more ›
阮繼增畫海報畫貼巴士 向張國榮致敬

阮繼增畫海報畫貼巴士 向張國榮致敬

「永遠懷念一代傳奇,Salute to our legend」,呢排搭巴士,見到巴士車身出現以上字句同張國榮海報畫,千祈唔好覺得奇怪。呢12幅海報畫全出自海報師阮大勇個仔阮繼增之手,畫中哥哥依舊星味不減,是滿滿的美好集體回憶。巴士路線眾多,行經港九新界,有機會見到的話,記得打卡掟番張相上網公諸同好,齊齊向一代巨星致敬。

Read more ›

阮大勇仿照《半斤八兩》畫新海報 記得打卡

阮大勇仿照《半斤八兩》畫新海報 記得打卡

瀏覽面書專頁「The Posterist《海報師:阮大勇的插畫藝術》」先知,原來阮大勇幫抗糖尿病藥「健諾胰」畫咗幅海報,呢排出街,大家不妨留意吓巴土車站廣告燈箱或者巴士車身,見到的話記得打卡。呢幅新海報,有無勾起大家甚麼回憶?對,就係經典《半斤八兩》海報嘞。

Read more ›
海報師畫廊2月16日結業 趕快打卡

海報師畫廊2月16日結業 趕快打卡

歡樂時光過得特別快,又係時候講拜拜,阮大勇喺面書開Post,親證海報師畫廊於2月16日結束,原因係「租約已屆滿,因時間有限未能親力親為,故此作出决定,並不情願下结束」。去過嘅,不妨去多趟買多件作品支持吓;未去過,趕緊機會打個靚卡,同偉大的海報師影張相,Say個拜喇。

Read more ›
阮大勇繪畫封面 沈西城推出《金庸逸事》

阮大勇繪畫封面 沈西城推出《金庸逸事》

飛雪連天射白鹿,笑書神俠倚碧鴛,金庸離世,預咗大把關於佢傳奇一生嘅書籍會陸續出現。果不出所料,《武俠世界》社長沈西城即出版《金庸逸事》,書未睇,但我一定會買,因為一,講明「涉筆金庸,還彼真貌」,極期待沈西城會爆金庸鮮為人知嘅生活瑣事或恩怨情仇;二,此書由「海報師」阮大勇繪畫封面,你話點可以唔買?

Read more ›
阮大勇x總廚推滋味醬 為商標Fans要儲

阮大勇x總廚推滋味醬 為商標Fans要儲

阮大勇畫海報叻,畫人像一樣咁叻。話說因為一餐飯,佢同「葡匯咪走雞葡國餐廳」行政總廚Michael Franco一見如故,阮大勇愛上總廚撚手廚藝,Michael Franco對海報師畫藝亦一見傾心。吹多兩嘴,兩人一拍即合,阮大勇決定為總廚畫咗幅極像真肖像,仲打算將肖像印成即將推出嘅葡國砵酒同南美特色滋味醬商標……係,大家個飾櫃會多咗樽醬And砵酒,感覺係怪咗啲,但既屬阮大勇作品,係Fans嘅,點都要儲。

Read more ›
網圖分享:阮大勇畫夏薩特+麥巴比

網圖分享:阮大勇畫夏薩特+麥巴比

阮大勇雖然話自己唔算好迷足球,但今晚法國對比利時四強大戰前夕,都畫咗兩幅畫,一幅係法國前鋒麥巴比,另一幅係比利時前鋒夏薩特。我呢個英格蘭死忠呢,個心就好想好想比利時贏嘅,因為感覺上法國高比利時0.5班波。英格蘭聽晚贏完克羅地亞後決賽對比利時,贏面都會大啲。係,場波未打架,但我已經當咗英格蘭入決賽架喇,嘻嘻。

Read more ›

網圖分享:阮大勇病榻畫碧福特+哈利簡尼

網圖分享:阮大勇病榻畫碧福特+哈利簡尼

阮大勇抱恙入院,閒來揮病床上的病筆,娛人娛己,一前一後,畫咗兩個英格蘭球星──門將碧福特同中鋒哈利簡尼。簡單幾筆,盡得神髓,值得拍掌。我呢個英格蘭死忠,在此希望得阮大勇妙筆加持,英格蘭可以奪世界盃威番次,亦望阮大勇早日康復,身體健康。

Read more ›
阮大勇自傳《一代畫師——阮大勇》 封面自己畫自己

阮大勇自傳《一代畫師——阮大勇》 封面自己畫自己

阮大勇好好好好好好火紅,這邊廂出《阮大勇的影畫藝術》,那邊廂又來一本《一代宗師──阮大勇》,每本$168。《一代宗師──阮大勇》屬自傳,今次唔只有畫睇,仲有佢70幾年人生歷程剖析,佢做過邊幾行?又點入行?啲電影海報點構思出嚟?鍾意睇文字書嘅你和我,呢本書好應該買;留意番,封面裡面個阮大勇係由阮大勇自畫,自己畫自己,破天荒第一次咁話喎。

Read more ›
上網買《阮大勇的影畫藝術》送明信片

上網買《阮大勇的影畫藝術》送明信片

好消息,有嘢送,上網買《阮大勇的影畫藝術》,即送T-dult網站獨家「天才與白痴」黑線稿明信片。送嘅,即係出面買唔到,仲講明數量有限,送完即止。大家等唔切書展現場買書的話,可以考慮上網買。

Read more ›
身為港人有必要擁有《阮大勇的影畫藝術》

身為港人有必要擁有《阮大勇的影畫藝術》

作為港漫迷、電影迷,甚至誇張啲講句,身為香港人,《阮大勇的影畫藝術》唔可以唔買,呢本電影海報畫集收錄阮大勇180幅作品,有啲原稿仲從未曝光,分分鐘每揭一頁,都幕幕美好回憶上心頭。畫集分兩個版本,一,影畫字封套版,$450,嚟緊書展優先開售;二,最佳拍檔原稿限量封套版,$450,限量300套,只限網上訂購,6月28日開訂,無計,後者封面一定靚啲,要搶。

Read more ›