Tag: 鐵達尼號

有片:惡搞《Titanic》 Keyboard扮鐵達尼號夠痴線

有片:惡搞《Titanic》 Keyboard扮鐵達尼號夠痴線

已經唔只Low cost咁間單,簡直將無厘頭發揮到極致。成條片用搞惡手法演繹番《Titanic》經典場景,打橫個Keyboard加幾條香腸扮鐵達尼號已經夠痴線,Jack同Rose喺船頭互攬吹風一幕,居然用Figure同雞代替,癲嘅,我真係笑咗。

Read more ›

【有無問題?】日本吹氣鐵達尼號滑梯 網民意見出現分歧

究竟有無唔恰當?大家可以自由發表吓意見。有日本公司整咗架鐵達尼號吹氣滑梯,高10米,仲可以出租。件事好多日本同外國媒體都有報導。其實呢件沉船意外當年導致超過1500人死亡,有人認為用佢嚟開玩笑唔係幾恰當,不過亦有唔少外國人認為玩吓無所謂吖,仲話外國都有好多鐵達尼滑梯。至於官方就一於少理,繼續喺網站有得租,個名都直接叫「タイタニックスライダー」(Titanic Slider),大家點睇?

Read more ›

「鐵達尼2號」2018年啟航 中國製造怕唔怕沉?

唔經唔覺,距離當年電影《鐵達尼號》上映已經19年,距離1912年嘅意外更加相距超過100年。澳洲公司 Blue Star Line就宣佈將會推出「Titanic II」(鐵達尼2號),而且會喺2018年正式喺海上航行。參考當年鐵達尼號嘅設計再加上最新科技,可以接載1500個乘客同900個船員,睇圖無論外形同內籠都好似電影《鐵達尼號》入面嘅場景。據知郵輪會喺中國製造,之前會去杜拜,唔,我就唔敢坐嘞,就算敢,都應該唔夠錢買船飛。

Read more ›

【神作】《鐵達尼號》破船LEGO超細緻 逃生乘客逐個睇

LEGO神人Ryan McNaught又有新作,今次呢件好正,係《鐵達尼號》沉船一刻嘅模型。話佢勁因為唔止架船夠巨型,用12萬塊LEGO砌成,仲因為入面每一個細節都做到足,超細緻,例如你可以見到就嚟跌落海嘅乘客,又或者喺海中划艇逃生嘅乘客,而破船嘅連接位都做得好精細,難怪要用足250小時先可以完成。不過今次Ryan唔係一個人整,佢仲搵咗朋友Mitchell Kruik同Clay Mellington一齊合作,好彩無搭沉船唧。

Read more ›

里安納度晒冷短片 3分鐘睇18套戲

呢度有無里安納度狄卡比奥(Leonardo DiCaprio)迷?近年佢嘅戲越做越好,有佢做嘅戲我幾乎都會入場睇。由當年嘅《鐵達尼號》賣靚仔,到今年嘅《大亨小傳》chok住賣演技,真係越老越有型。YouTube頻道Official Comedy啱啱就將佢咁多年嚟嘅精彩演出,集合成一條3分鐘嘅短片比大家一次過重溫,我最鐘意係《不赫島》(Shutter Island – 2010)同埋《娛樂大亨》(The Aviator – 2004),你呢?

Read more ›