fbpx

Post Tagged with: "鐵甲萬能俠"

【高熱火焰】45周年復活!《鐵甲萬能俠》新作即將推出!
by / on 26/01/2017 at 5:27 pm

【高熱火焰】45周年復活!《鐵甲萬能俠》新作即將推出!

嘩!1972年動畫開播嘅《マジンガーZ》,當年你未必出咗世,但一定知咩嚟,有玩超級機械人大戰嘛?有買超合金魂嘛?有聽水木大哥嘛?啱啱最新消息就係喺今年45周年大日子,呢套永井豪原作嘅作品將會有新作登場!暫名為《劇場版 マジンガーZ》,有張圖睇吓,係高熱火焰呀!我仲好想睇埋「兜甲児」新樣,仲有,「落屐陀—崩治!」其實,仲有最重要,如果有水木一郎再唱主題曲就正咯!嚟回帶喇!

Read more ›

網圖分享:狂人做總統 當Trump變成機械人
by / on 09/11/2016 at 9:00 pm

網圖分享:狂人做總統 當Trump變成機械人

呵!希拉莉(Hillary Rodham Clinton)真係輸咗比特朗普(Donald John Trump)喎,一個曾經建議起圍牆隔開墨西哥嘅狂人做美國總統,世界會唔會亂晒籠?點知呀,理唔到咁多就不如睇畫喇,Felix Ip作畫一幅,將特朗普變身機械人,仲留言曰:「……」省略號代表乜,自己詮釋。話時話,畫得咁靚,不如整番個系列作吖,將特朗普Key入18號大鐵人、鐵甲萬能俠、三人萬能俠等等,諗吓都覺得好笑。

Read more ›
【有片】鐵甲萬能俠課長再賣廣告 感動到高熱火焰
by / on 07/11/2016 at 12:37 pm

【有片】鐵甲萬能俠課長再賣廣告 感動到高熱火焰

又係佢,之前日本「マニュライフ生命(Manulife)」搵嚟「マジンガーZ」演出提早退休嘅課長,話佢好彩有投保,所以退休生活都可以好精彩。最新一輯啱啱登場,今次就係講佢嫁女喇,係,佢個女係人類嚟嘅,當佢搭的士時諗起阿囡婚禮時話爸爸係佢嘅英雄時,滴出一滴眼淚,感動到心口一陣火熱想出必殺技「ブレストファイアー」,而嗰滴眼淚就俾佢嘅心口蒸發咗喇……

Read more ›
7呎高鐵甲萬能俠 現身The One
by / on 25/06/2015 at 9:30 am

7呎高鐵甲萬能俠 現身The One

呢個禮拜日,如果行經老尖,不妨參觀吓「The One x 永井豪珍藏基地」展覽,同7呎高鐵甲萬能俠影番張相,掟番上面書威威,同場仲會展出鐵甲萬能俠2號、巨靈神、三一萬能俠、愛美神同大鐵牛,精品研究所同3米高鐵甲萬能俠頭像亦係焦點影相位,係永井豪Fans,萬勿錯過。

Read more ›
新片速報 女體化《マジンガーZ》鐵甲萬能俠變萌女第0話免費睇
by / on 03/08/2013 at 1:52 pm

新片速報 女體化《マジンガーZ》鐵甲萬能俠變萌女第0話免費睇

其實都有前科,之前都有《大空魔龍》試過。永井豪老師嘅經典鐵甲萬能俠1、2號,加埋巨靈神,喺呢套《ロボットガールズZ》動畫入面全部變晒做美少女!唔只,仲有阿修羅男爵都有份!呢套東映動畫喺網上發佈咗第0話,長5分鐘左右,發生嘅地方係練馬區嘅「光子力町」商店街(!?),佢哋仲連環出超必,大嗌出聲(仲係有迴音嗰隻!),鐵甲飛拳!我覺得都幾有味道,相當好睇!2014年1月正式開播。

Read more ›
教堂獵奇  驚現小魔怪/異形/鐵甲萬能俠雕塑
by / on 29/01/2013 at 12:35 pm

教堂獵奇 驚現小魔怪/異形/鐵甲萬能俠雕塑

外國人真係特別大膽,我以為教堂係神聖不可侵犯嘅地方,但係外國雕塑家Jean-Louis Boistel居然喺法國教堂Chapelle de Bethléem in Nantes整咗小魔怪、異形甚至鐵甲萬能俠嘅雕像,而教堂居然無詐型!我真係以為自己眼花,有機會真係要親身去開吓眼界,但Jean-Louis Boistel,神會寬恕你嗎?

Read more ›

新片速報 發聲效果速睇! DX超合金魂 鐵甲萬能俠Z
by / on 11/12/2012 at 8:38 pm

新片速報 發聲效果速睇! DX超合金魂 鐵甲萬能俠Z

聽日到貨喇!呢隻DX超合金魂好快就可以拎上手玩,喺呢個玩具迷個身最痕嘅時候,Bandai官方就新鮮熱辣發佈咗一條影片,睇到……應該係聽到到底點用個搖控嚟玩!片段中見到遙控發聲,兜甲兒大叫:「落劇托賓—治!」鐵甲飛拳!仲有背景音樂,仲要遙控發光……冇訂嘅,聽日出去睇吓,日本定價36,750日元,睇路啦!

Read more ›
DX超合金魂 鐵甲萬能俠Z 發光發聲露機件 香港HK$2XXX開訂!!
by / on 20/06/2012 at 5:24 pm

DX超合金魂 鐵甲萬能俠Z 發光發聲露機件 香港HK$2XXX開訂!!

我睇見張相,腦入面就不期然響起Aniki水木大哥唱嗰首主題歌……「麻賤~價沙~」我發覺自己份人好熱血,見到呢隻Bandai為慶祝鐵甲萬能俠Z(マジンガーZ)誕生40周年、超合金魂誕生15年嘅DX超合金魂,高30CM,對眼同心口識發光,仲有絕招、主題曲聲效,除咗訂之外,我仲可以做咩?可以做咩呀!答我呀!我哋一齊出旺角,學水木大哥,好肉緊咁指住個玩具舖老闆,大聲一嗌:「我要訂~~ 一隻玩 ~~ 同一隻儲!」

Read more ›