fbpx

Tag: 鐵甲威龍

精品報價: THE LEGO MOVIE積木返貨 ONE PIECE FIGURE少量做特價

精品報價: THE LEGO MOVIE積木返貨 ONE PIECE FIGURE少量做特價

      今個星精品返咗隻烙印戰士幾靚仔, 係黃金時代篇靚仔版, 真係唔底得佢咁靚仔, 而且衫嘅質料好正, 可惜價錢比較高, 買起上嚟有少少心理障礙, 哎! 隻Q版鐵甲威龍都好正, 而且底座仲要係有發光LED嗰隻, 都係非常精品貨色, 相對返新黑版威龍, 我都係鍾意舊版有霸氣啲! 另外千值練KAZU ACTION MODEL 06都非常精美, 模型我就玩唔起喇, 做成超合金好似比較易擁有啲; 留意LEGO嗰邊, 有大量THE LEGO MOVIE積木返咗, 貨量唔太多, 小心! 此外仲有大量ONE PIECE FIGURE做特價, 不過全部都係三幾隻, 買唔到唔好話我冇通知。

Read more ›

新片速報 《鐵甲威龍》大阪列車捉痴漢

新片速報 《鐵甲威龍》大阪列車捉痴漢

呢套新嘅《鐵甲威龍》,香港反應好似一般般,喺日本就3月14日先上,佢仲同大阪警察合作拍咗兩段片做宣傳。首先就係列車痴漢出現,摸隔籬位OL,突然,鐵甲威龍就出現喇……之後,有位司機泊完車,突然,鐵甲威龍又出現喇……

Read more ›
唔用鎗用豆《Robocop》鐵甲威龍日本節分撒豆

唔用鎗用豆《Robocop》鐵甲威龍日本節分撒豆

早兩日係日本嘅節分,即係立春前一日,傳統就係撒豆趕鬼,今年喺東京都葛飾區柴又帝釋天就有《Robocop》嘅鐵甲威龍到場,唔用鎗,跟番日本傳統用豆嚟驅鬼。當然,套盔甲入面嘅唔係男主角嚟……電影3月先喺日本上映,至於香港,就2月13日,今次個造型係幾有型,但少咗份情懷囉。

Read more ›
一週碟報價:DVD Pro今晚收早 掃毒必買/ 鐵甲威龍REMASTER IN 4K

一週碟報價:DVD Pro今晚收早 掃毒必買/ 鐵甲威龍REMASTER IN 4K

  今日年三十! 先預祝大家新年快、身體健康! 每逢新年, 好多人都會買定一堆碟, 冇嘅! 周街冇嘢食‘冇嘢玩, 開門嘅又話新年Special, 其實就係得三兩樣套餐, 等你冇得揀, 我真係寧願抄個上海年糕、睇吓戲! 想買碟嘅留意! DVD Pro今日會傍晚前早收, 而初一二三會收爐, 其實一年裏頭佢哋只放呢三日, 年終無休, 希望大家放假都玩得開心啲啦!

Read more ›
香港版中文預告 《鐵甲威龍》2月13日港美同步

香港版中文預告 《鐵甲威龍》2月13日港美同步

之前報咗話2月7日喺香港上映,原來要遲多一個星期,要2月13日先港美同步上。《Robocop鐵甲威龍》,最新香港版中文預告啱啱有得睇,加咗中文字幕,但其實我最懷念佢嗰句:「You’re Under Arrest.」同嗰浸懷舊機甲味……電影由Jose Padilha做導演,慶幸嘅係中文譯名簡簡單單,唔係《新鐵甲威龍》、《鐵甲再威龍》、《鐵甲威龍重出江湖》,冇畫蛇添足,個字體又夠懷舊,舒服晒!

Read more ›
新鐵甲威龍《Robocop》最新預告 一招斷頸

新鐵甲威龍《Robocop》最新預告 一招斷頸

2月7日喺香港上映嘅《Robocop鐵甲威龍》,啱啱又有新預告!黑魂版鐵甲威龍一招斷人頸實在好功夫,不過就冇咗舊版嘅機械味道,多咗份電子味囉,劇情掂唔掂就真係要睇過先知。電影由Jose Padilha做導演,入唔入場?

Read more ›

新片速報《鐵甲威龍》遊戲 今個星期免費玩

新片速報《鐵甲威龍》遊戲 今個星期免費玩

新嘅《RoboCop鐵甲威龍》電影下個月有得睇,遊戲呢,今個星期有得玩喇。呢隻射擊遊戲會推出Android同iOS版本,睇畫面同玩法都玩得過,唔駛錢,消磨吓時間囉。

Read more ›
新鐵甲威龍《Robocop》劇照再加

新鐵甲威龍《Robocop》劇照再加

Joel Kinnaman做男主角,齋睇造型,係型咗,但少咗份經典味道。不過鐵甲威龍個故事其實幾好,下年1月新版上映,都想睇吓佢拍成點。《Robocop》今日又有新劇照發佈,新版由Jose Padilha做導演,希望唔只視覺效果有進步啦。  

Read more ›
新《鐵甲威龍》ED-209原型機 CG圖解構關節位

新《鐵甲威龍》ED-209原型機 CG圖解構關節位

  新版《鐵甲威龍》嚟緊出年2月7號香港上畫! 黑版威龍嘅Figure, 喺外國已經開始逐步上架, 香港嘅threezero都唔執輸, 戲中嘅ED-209原型機體, 亦都喺佢哋嘅fb曝光, 感覺都真係幾精細, 唔止腳趾關節, 節節郁得, 而且小腿仲有一種類油壓管設計, 可以拉長又縮短, 左右手亦採用咗連動式設計, 所以成隻嘢唔係齋碌葛咁企喺度, 擺吓Pose亦絕冇問題, threezero為咗晒嘢, 仲特登開咗個YouTube專頁, 用CG圖解構呢隻嘢。

Read more ›
新片速報 新鐵甲威龍《Robocop》火爆現身

新片速報 新鐵甲威龍《Robocop》火爆現身

下年1月,仲有呢套重拍版鐵甲威龍《Robocop》,當年都算經典,只不過後尾淪為電視劇越拍越爛。MGM重拍呢套80年代經典,由Jose Padilha做導演,Joel Kinnaman做男主角,啱啱又有新預告片,今次見到更多機械出場,睇睇吓又幾有型,不過我都係鍾意銀色。

Read more ›
【有片】女版《Robocop》fan made影片 舊款機械唔夠型

【有片】女版《Robocop》fan made影片 舊款機械唔夠型

外國YouTuber Comicbookgirl19喺今年嘅Dragon-Con、Comic-Con都女扮男裝著咗呢套《鐵甲威龍》戰甲出嚟,之後仲拍埋呢條短片。開頭我以為好認真地耍帥,點知班色狼拎出一本用新版《鐵甲威龍》做封面嘅電影雜誌出嚟……最尾都實在係幾好笑。BTW,新嗰套電影會喺下年1月上映。

Read more ›

型棍海報現身 新鐵甲威龍《Robocop》

型棍海報現身 新鐵甲威龍《Robocop》

鐵甲威龍《Robocop》可以話係經典,但第2集到電視劇集,拍到爛晒。MGM重拍呢套80年代經典電影,會喺下年上映,由Jose Padilha做導演,Joel Kinnaman做男主角,早前就出咗段官方預告,未睇可以入嚟回一回,今次就係官方海報,變咗黑色,係型咗,但冇晒鐵甲威龍嘅感覺。電影會喺下年1月上映。

Read more ›
新片速報 新鐵甲威龍預告《Robocop》初代平行時空?

新片速報 新鐵甲威龍預告《Robocop》初代平行時空?

「You are under arrest!」下年上映嘅新版鐵甲威龍《Robocop》,係MGM重拍80年代經典電影《鐵甲威龍》嘅新版,由Jose Padilha做導演,Joel Kinnaman做男主角Alex Murphy,一直都以為佢係重拍,即係Reboot啦,但呢條新Trailer就出現奇怪嘅事,就係片段0:28,電腦屏幕中出現咗好似初代嘅鐵甲威龍,咁到底係咪平行時空?初代會唔會正式現身?

Read more ›
Hot Toys玩發聲 合金製1/6《鐵甲威龍》系列

Hot Toys玩發聲 合金製1/6《鐵甲威龍》系列

新嗰套《鐵甲威龍(RoboCop)》就拍完,但黑魂鐵甲威龍大家好似唔多受落,反而都係懷念懷版夠金屬感。之前Hot Toys都展出過白模,今日官方就終於發相,除咗主角外,仲有ED-209,而且今次用合金製作之餘,都貫徹精細手工,大脾放到把槍,正!不過今次最勁係仲識發聲,講番經典對白喎,咁「You’re Under Arrest」唔少得啦?衝喇喂!  

Read more ›
高10呎《鐵甲威龍RoboCop》像 將豎立在底特律

高10呎《鐵甲威龍RoboCop》像 將豎立在底特律

新一套《鐵甲威龍》拍攝中,見到佢套黑色甲,基本上都冇晒嗰份經典感覺。始終都係舊嘅好,可能美國RoboCop迷都係咁諗。之前開始搞嘅「Detroit Needs A RoboCop」活動,造就呢隻高10呎嘅鐵甲威龍RoboCop像嘅製作,繼半身像之後,啱啱終於有全隻嘅半完成品睇到!

Read more ›