fbpx

Tag: 銀鈴

網圖分享:元始新主石黑龍

網圖分享:元始新主石黑龍

咁一代戰神蚩尤死咗喇,銀鈴無咗個大佬喇,翼龍無咗個老大喇,意味住新練成盤古天殛震同易筋經嘅石黑龍,正式加入咗黑社團做元始門門主。一切既成事實了,都無謂再挑剔劇情了,睇吓面書朋友仔Yeak Looi嘅畫作好過。老實,我覺得呢兩幅元始新主石黑龍直達專業水準,靚過真正嘅《新著龍虎門》內文多多聲。

Read more ›

有無搞錯!黑龍揸波救銀鈴?黑仔傑單挑白蓮四魔?

有無搞錯!黑龍揸波救銀鈴?黑仔傑單挑白蓮四魔?

睇完今期第1069期《新著龍虎門》,我未至於安已不,但嘴已O。因乜解究石黑龍單單用「愛」就可以幫銀鈴盡解無名毒,打個茄輪就搞掂會唔會兒戲咗啲?練金鐘罩十二關要有慈悲心,當勉強講得通,但慈悲心卻建基於男女之愛?唔係啩?佛家唔係一向講戒色慾嘅咩,咁出家做和尚托呀?呢個Point,我睇唔透。好喇,解毒就唔該正正經經解毒喇,又做乜要將銀鈴拋上天轉幾個圈呢,好喇,喺半空跌番落地,正正經經接番住佢咪得囉,又點解石黑龍要出揸波龍爪手呢?嗰兩句旁白「色心起,佛心去!」同「佛心消,十二關散,打回原形!」尤其礙眼。第二個令我O嘴之處,係黑仔傑出場,用義肢出蠱惑呢招確係幾有趣,但編劇究竟有無溫書?黑仔傑武值點會突然間標升咁多呀?揸住把爛鬼刀就能夠一人獨戰白蓮教四魔?四魔幾時變得咁渣斗?呢個位,我都睇唔透。

Read more ›
【編輯Blog】尉遲一:《石黑龍傳II》幾時完?

【編輯Blog】尉遲一:《石黑龍傳II》幾時完?

做甚麼事也好,只要開了個頭,好好醜醜都想完成下去,看港漫心態亦一樣,買了創刊號,如果畫面不太醜怪故事不太無聊橋段不太犯駁的話,我都會追看下去。同理,《石黑龍傳II》,正是洗濕了頭,看了頭三四期已經發覺不對路,但我還是決定逐期逐期捱下去,本本港漫我都翻看一次,惟獨《石黑龍傳II》提不起勁閱之再二。為何還要繼續每周枉花十五元?一,習慣了有始有終,最怕有頭無尾,幾爛的故事都好,怎樣也想知道結局如何;二,就當給面子予黃玉郎,畢竟上世紀九十年代,是他帶給我最大的娛樂,現在區區十五元還付得起,就當回饋他老人家。

Read more ›