Post Tagged with: "銀行"

【有片】喵星人入侵辦公室 日本銀行廣告晒貓
by / on 22/02/2016 at 7:14 am

【有片】喵星人入侵辦公室 日本銀行廣告晒貓

星期一又要返工返學,仲要有排都無長假期,好灰。如果有一日返工打開櫃筒、老細房門,發現全部都係喵星人,喵蹤無處不在,係咪好爽先?日本銀行Japan Net Bank新廣告「ネコ会議Cat Meeting」就係用呢個概念,影片出動咗勁多喵星人,不過我覺得如果老細變埋貓,我哋嘅生活應該會更好。

Read more ›

【洋蔥慎入】 狗狗催淚廣告 泰國銀行廣告片網上熱播
by / on 29/01/2016 at 7:11 am

【洋蔥慎入】 狗狗催淚廣告 泰國銀行廣告片網上熱播

泰國啲廣告經常有大量洋蔥,我認眼淺,今次睇咗一半已經眼濕濕,因為有我嘅死穴 ─ 小動物。影片喺YouTube已經有170萬點擊,一開始講個女仔做咗獸醫,原來以前嘅佢好怕狗,因為每朝早經過鄰居門口都會比佢隻狗吠,後來狗狗嘅主人過咗身,狗狗開始不吃不喝,最終女主角感動咗隻狗狗,令佢重燃生存意志。不過好景不常,最後狗狗遭遇意外‥‥‥照舊睇到尾先知係賣乜嘢廣告,今次係為銀行Krungthai Bank賣嘅廣告,話銀行可以幫小朋友實現佢哋嘅夢想,就好似呢位女仔想做獸醫嘅夢想最終會實現。雖然有啲迂迴曲折,不過6分鐘睇一套高質微電影式嘅廣告,一啲都唔會嘥。

Read more ›
【笨賊】打劫完銀行咬銀紙放Facebook 劫匪火速被捕
by / on 28/09/2015 at 1:20 pm

【笨賊】打劫完銀行咬銀紙放Facebook 劫匪火速被捕

玩Facebook出事都唔係第一次見,不過呢對啱啱打劫完銀行嘅劫匪,居然將啲相放上Facebook晒命,就真係笨賊都極點。28歲嘅John Mogan同24歲嘅Ashley Duboe,涉嫌打劫美國Asheville嘅一間銀行,事後John喺自己嘅Facebook上放咗大量炫富相,例如將叠錢塞入口扮食嘢、將叠錢扮電話放喺耳仔邊,仲攬住大叠錢同Ashley合照,警察火速做嘢,兩個而家喺拘留所等上庭。據知成面紋身嘅John喺銀行閉路電視嘅影像入面塊面無紋身,應該事前用化妝遮咗,但遮唔住佢想放上FB炫富嘅心,據悉佢啱啱先放監,之前都係因為打劫銀行而入獄,今次仲放埋FB,斷正,即啪啦。

Read more ›
新片速報    泰國得意狗狗廣告     300萬點擊溫馨熱播
by / on 29/05/2015 at 7:10 am

新片速報 泰國得意狗狗廣告 300萬點擊溫馨熱播

泰國廣告一向高水準,今次仲有靚女同可愛狗狗,難怪幾日已經過3百萬點擊,我都翻睇咗兩次。故事講男主角做咗件好事,請咗隻狗仔食串燒,之後隻狗仔就報恩,秘密為佢做返好多件好事。故事拍得簡單溫馨,主角狗仔又好戲,得意度拍得住日本SoftBank嘅白色秋田犬爸爸。最正係臨尾帶出嘅訊息:「簡單投資,就可以得到超乎想像嘅回報。」夾返個故事之餘,仲啱晒銀行用嚟sell人買基金。

Read more ›
新片速報 從天而降24萬任駛 催淚片3百萬點擊
by / on 29/11/2014 at 12:56 pm

新片速報 從天而降24萬任駛 催淚片3百萬點擊

突然從天而降24萬比你,你係咪會用嚟購物?外國呢個活動#MakeTodayMatter好感人,銀行TD Bank經常收到好多借錢嘅申請,今次佢哋揀選咗24個顧客,每人比美金3萬蚊佢,比佢哋實現一直想做嘅事,不過全部都係對社區有貢獻嘅善事,而且要喺24小時內即時行動!有人幫坐輪椅嘅鄰居喺門口搭建通道,令佢4年嚟第一次可以踏出家門,有人幫當地嘅小女孩重建自信。條片都幾催淚,雖然係商業活動,不過就吸引勁多人睇,好聰明。

Read more ›
有片  俄羅斯銀行計利息  跑得越多賺得越多
by / on 26/05/2014 at 9:32 am

有片 俄羅斯銀行計利息 跑得越多賺得越多

戰鬥民族嘅思考模式的確唔同啲。俄羅斯最近有間銀行Alfa-Bank,利息嘅高低視乎存款者做運動嘅次數。即係話越做得多運動,就可以得到越高嘅存款利息。要check住你有無作弊,就要靠健身app例如RunKeeper、Fitbit或者Jawbone UP,再配合埋佢哋自己研發嘅Activity網上平台,不過戰鬥民族鬥志咁旺盛,要得到最高嘅年利率6%應該無難度。

Read more ›