Post Tagged with: "鉛筆"

日本「三菱鉛筆」街道石櫈精妙設計   展示鉛筆製作過程
by / on 06/08/2018 at 7:14 am

日本「三菱鉛筆」街道石櫈精妙設計 展示鉛筆製作過程

日本人嘅設計一向好細心,最近有日本網民發現「三菱鉛筆」嘅辧公室總部附近有啲好特別嘅設計,一張張石櫈上面有唔同嘅鉛筆設計,每張都唔同,原來係製作鉛筆嘅進程!有網民大讚設計好用心,有人留言話似朱古力百力滋,亦有人話尾部咁尖好容易篤親屁股,而官方都有留言回覆,話多謝呢位網民發現同埋分享。

Read more ›

日本神級鉛筆畫 螺絲/人像畫Twitter熱傳
by / on 25/10/2017 at 7:17 am

日本神級鉛筆畫 螺絲/人像畫Twitter熱傳

呢兩日喺日本嘅Twitter熱傳呢粒螺絲,之所以咁勁,因為佢唔係一張相,而係一筆一筆用鉛筆畫成嘅圖畫!放上網後大家都瘋狂RT,原作者係「大森浩平」,翻查返原來佢之前仲畫過人像,用一支鉛筆竟然可以畫出流水嘅效果,絕對係神級作品,入嚟有得慢慢睇。

Read more ›
日本百貨公司HB鉛筆激平 一包12支賣108円
by / on 04/01/2017 at 7:09 am

日本百貨公司HB鉛筆激平 一包12支賣108円

可能而家用鉛筆嘅機會真係少嘞,所以賣到咁平。最近有日本網民去咗上大岡嘅京急百貨店,發現一包12支嘅HB鉛筆,居然只係賣108円!即係10蚊港幣唔駛,堅平。更重要嘅係仲有大量貨!樓主一次過買咗3包,再影埋相返上Twitter,吸引好多人RT,不過咁樣傳一傳,相信批貨應該好快會賣晒嘞。

Read more ›
【童真】日本網民二次創作《叮噹》漫畫 鉛筆加鼻涕自創對白
by / on 04/04/2016 at 2:23 pm

【童真】日本網民二次創作《叮噹》漫畫 鉛筆加鼻涕自創對白

其實我唔捨得畫花啲漫畫書,但係睇吓人哋嘅作品都開心嘅。日本有網民最近放咗自己嘅「作品」上2ch,佢細個好鍾意喺《叮噹》漫畫入面用鉛筆加幾筆,有時幫啲角色加返下半身,有時幫叮噹加篤鼻涕、幫大雄擔支煙,仲會間中加幾句自創對白,好有童真,你細個有無咁樣玩過?

Read more ›
台灣都有鉛筆雕刻神人 雕刻大橋極像真
by / on 26/01/2016 at 7:28 am

台灣都有鉛筆雕刻神人 雕刻大橋極像真

鉛筆雕刻之前都睇唔少,Jasenko Đorđević同Salavat Fidai都係神級代表,最近仲多咗呢位嚟自台灣嘅李健竹,佢自稱為筆雕達人,最近好多外國媒體都有介紹佢,質素一啲都唔輸蝕比老外。李健竹好擅長雕刻唔同嘅橋,亦好愛台灣,喺佢IG見佢雕刻過台灣嘅虎尾鐵橋、 西螺大橋、關渡大橋同三仙台八拱橋,超細緻,而且像真度極高,佢仲會因應橋嘅顏色而選用唔同顏色嘅鉛筆配合,入去佢嘅IG有得慢慢欣賞。

Read more ›
【神級】有片 戰鬥民族鉛筆雕刻家 《星戰》尤達/黑武士超像真
by / on 16/08/2015 at 11:52 am

【神級】有片 戰鬥民族鉛筆雕刻家 《星戰》尤達/黑武士超像真

一山還有一山高,早幾日介紹嘅鉛筆雕刻家Jasenko Đorđević已經好勁,估唔到呢位來自戰鬥民族俄羅斯嘅Salavat Fidai仲強。戰鬥民族揸刀叻唔出奇,但揸把咁細嘅刀仔配合埋咁細緻嘅雕功,我諗喺俄羅斯都係極少數。佢嘅作品包括《星戰》嘅尤達大師、黑武士,Wall E、Batman、恐龍、骷髏頭、槍械、建築物‥‥‥題材好廣,入嚟有得睇埋佢雕刻過程嘅片,好震憾,原來要挑空一個心形真係一啲都唔易!

Read more ›

神級鉛筆雕刻家相集 難度勁高唔可以分神
by / on 12/08/2015 at 9:45 am

神級鉛筆雕刻家相集 難度勁高唔可以分神

喺鉛筆尖上雕刻嘅藝術家都有唔少,之前都介紹過日本嘅神級藝術家江原由香里,外國呢,就有呢位波斯尼亞嘅Jasenko Đorđević,用嘅工具係X-acto刀同迷你鑿,但就可以雕出超精細嘅圖案 – 螺絲、大笨象、吊頸台,佢自己都認難度勁高,稍一分神就好易整斷筆芯。佢仲透露自己係受另一位長居美國嘅鉛筆雕塑家Dalton Ghetti啟發而創作,後者嘅作品仲勁,絕對係神級,挑空筆芯整成心形吊飾都敢,勁!入嚟有回帶。

Read more ›
有片:超強雕功 鉛筆頭變Wall E
by / on 02/07/2015 at 11:00 am

有片:超強雕功 鉛筆頭變Wall E

鉛筆頭有幾大?大家心中有數,此君叫Salavat Fidai,厲害到用鉛筆頭雕個Wall E出嚟,望落都有八成似,細緻位都雕得幾足吓,係嫌對眼雕得唔夠大同埋整體比例拉長咗啲啫。其實除咗眼力,手力拿揑得準唔準繩都好關鍵,落刀一定要準,最怕雕到埋尾啪一聲斷咗,咁就喊都無謂,呢份手藝,值得畀Like。

Read more ›
有片    日本神奇鉛筆      永遠用唔完媲美《叮噹》法寶
by / on 04/04/2015 at 1:18 pm

有片 日本神奇鉛筆 永遠用唔完媲美《叮噹》法寶

唔係最新不過啱啱先見倒,呢支號稱永遠用唔完嘅鉛筆,由日本文具公司 Nakajima Jukydo製作,係咪好似《叮噹》入面嘅法寶?其實重點在於個鉛筆刨,入面有3個唔同嘅刨筆孔,其中有個係將支筆頭削幼,另一個就係將鉛筆尾挑空,咁就可以將用到好短嘅鉛筆駁埋一齊,咁以後支筆就用極都唔完嘞。令我諗起細過用過嘅子彈鉛筆,一粒粒可以換芯嗰款呢?入嚟有回帶。

Read more ›
立體畫神人   一支筆一隻手變魔術
by / on 13/07/2013 at 8:01 pm

立體畫神人 一支筆一隻手變魔術

我好鐘意睇立體畫,有啲似魔術,呃倒人但又令人睇得好開心喎。今次呢輯由神人AlessandroDD創作嘅立體畫,全部用鉛筆畫成,大部份只係見倒畫家隻手同埋支筆,但已經勁立體,例如條蛇畫畫吓好似識走出張紙咁,隻手插爛張紙忽咗變咗鬼爪,不過最神奇都係立體手掌上可以放倒魔戒,我諗極唔明點樣可以做倒,不過真係好好睇。

Read more ›
日本用家罰抄不求人 3D Printer生產發明
by / on 10/05/2013 at 3:21 pm

日本用家罰抄不求人 3D Printer生產發明

3D Printer可以製造好多嘢,之前就有人整咗好多槍械零件出嚟整槍,我就諗,如果普及之後,啲玩具廠商咪唔使撈?啱啱就有日本用家整咗個發明出嚟,雖然我細個都試過將3支鉛筆用橡筋箍埋寫字,但整個專用零件出嚟就真係太有心思,唔通呢位日本人佢日日都俾老師罰抄。

Read more ›

鉛芯筆變模型 用前先砌1粒鐘
by / on 02/01/2013 at 2:58 pm

鉛芯筆變模型 用前先砌1粒鐘

我相信好多人細個嗰陣都同我一樣,上堂悶悶哋,就會將自己筆袋入面啲筆拆開晒佢,再砌嚟砌去。如果當時有呢支模型筆,我諗啲時間會易消磨啲啲。呢支嚟自日本嘅模型鉛芯筆叫「Varacil」,係由As If Toy推出,賣945円。首先,你要好似砌模型咁從模型格剪出parts,之後再砌成一支筆。每支筆合共有22件,官方話要砌完需要40-50分鐘,不過我懷疑唔對住說明書,拆完之後未必砌得番……

Read more ›
可以選擇武器,用粉擦拍佢個死人頭啦。
by / on 11/04/2012 at 1:40 am

插死衰老闆!

或者,你Boss係個額頭鑿住個「囂」字、實為豬扒又自以為一級上菜嘅中到唔中嘅中女;又或者,你Boss係留住二撇雞髮線上移、對眼成日睥住你心口條事業線嘅大肚腩超極麻甩中坑。我明,你個心好唔妥佢,但睇錢份上,你唔敢出聲。

Read more ›