Post Tagged with: "金色"

任天堂聯乘精工     金色限定版錶款超細緻
by / on 04/09/2019 at 7:35 am

任天堂聯乘精工 金色限定版錶款超細緻

之前Super Mario Bros都同精工Seiko合作過,最近任天堂同佢哋旗下年輕品牌Alba合作,推出咗三個系列嘅手錶,9月20日開始陸續推出。其中最吸引係金色限定款,售價15000円,另外鋼帶錶款旁邊仲做返任天堂手掣嘅設計,好正!入嚟可以睇晒所有款式。

Read more ›

PS4金銀機公佈 6月9日香港行貨到
by / on 06/06/2017 at 9:19 pm

PS4金銀機公佈 6月9日香港行貨到

之前流出嘅包裝,係真啦,不過唔只金色,仲有銀色!啱啱收到香港官方新聞稿,PlayStation 4將會喺6月9日推出全新金色及銀色主機(CUH-2000系列),500GB,$2,080。唔係Pro,仲要只有500GB……想有平買平嘅可以諗諗。  

Read more ›
流出圖片 PS4即將推出金色機
by / on 30/05/2017 at 8:53 pm

流出圖片 PS4即將推出金色機

如果唔係Slim版嘅話,之前外國出過限定版,咁手掣亦都有金色……不過今次就係Slim版嘅PS4 1TB Gold model,流出圖見到個包裝盒,似乎都真嘅一樣,仲有型號係「CUH 2015-B」,照睇,E3會公佈,如果係真的話。

Read more ›
【潮流教主】日本twitter熱傳 金色水煲手袋勇氣爆燈
by / on 13/04/2016 at 7:10 am

【潮流教主】日本twitter熱傳 金色水煲手袋勇氣爆燈

一睇呢位日本男士嘅造型同埋髮型,就知佢有潮流觸覺。最近日本twitter熱傳呢張相,相中男士自製個金色手袋,個款參考自舊式水煲,不過手抽位加高咗,應該可以揹埋上膊。拎住佢出街所需要嘅,就係一份勇氣。

Read more ›
可樂金罐勁浮誇     聯乘品牌Trussardi意大利限定
by / on 13/06/2015 at 12:20 pm

可樂金罐勁浮誇 聯乘品牌Trussardi意大利限定

之前Coca-Cola都同時裝品牌Marc Jacobs、Jean-Paul Gaultier、Moschino、Roberto Cavalli等合作過出特別版可樂,最新就係同意大利品牌Trussardi合作,推出浮誇到爆嘅金罐,用咗品牌最出名嘅蜥蜴紋,可樂LOGO亦圍咗金邊,睇落好搶眼。不過要買都唔易,暫時得知意大利會有少量上架,部份餐廳都會供應,另外嚟緊嘅米蘭展Expo Milano 2015都會有,除咗金罐,仲有兩款罐裝同埋兩隻紅色嘅樽裝,有朋友去開意大利記住搵佢幫手喇。

Read more ›
新片速報     自製金色Apple Watch     其實唔難
by / on 28/04/2015 at 7:14 am

新片速報 自製金色Apple Watch 其實唔難

經過旺角先達門口,成班阿叔阿姐追住問有無錶有無錶?好想答佢:「我有隻G-SHOCK呀!」呢排人人買Apple Watch,外國網友CaseyNeistat 好識諗,佢話佢得$399美金,但就想買隻18K金嘅Apple Watch,即係Watch Edition,香港最平嗰隻都賣緊港幣78,800,佢好快就諗倒方法,就係DIY嘞!自己喺屋企精心噴油,睇落唔難喎,尤其是砌開模型嘅簡直無難度。最後完成品一啲都唔失禮,係唔夠令面啫。條片2日已經過百萬Views,留名等睇有人喺淘寶買特別版Apple Watch金錶中伏。

Read more ›

《星戰》白兵變金   激罕紀念版只限會員預訂
by / on 14/08/2014 at 8:11 am

《星戰》白兵變金 激罕紀念版只限會員預訂

一諗起星戰同金色,我只會諗起C-3PO,估唔到白兵變金色原來都幾靚仔。呢個限量版白兵胸像,由美國Gentle Giant製作,目的係紀念公司成立10週年,想買極有難度,因為要先比$80美金成為會員先有機會預購,不過胸像都係賣$100美金,唔算貴。白兵旁邊仲跟咗隻Mouse Droid機械人,預計今年第四季推出。做唔做會員好?

Read more ›
iPhone 5S包裝盒曝光     Home掣有指紋掃描功能?
by / on 08/09/2013 at 11:56 am

iPhone 5S包裝盒曝光 Home掣有指紋掃描功能?

iPhone 5S你期唔期待?仲有兩日就到蘋果記招,緊唔緊張?興唔興奮?老實講我無乜,不過都會睇吓咁解。網上傳得最多係iPhone 5S會有金色版本同埋指紋掃描功能,啱啱內地網又有疑似5S盒流出,亮點係Home掣多咗個銀色圈,估計就係呢個位做到指紋掃描功能。咁同之前Fox News報導,話新機會有個銀環圍住Home鍵嘅講法又不謀而合,但係其實有指紋掃描,有無令你增加購買意慾?

Read more ›