Post Tagged with: "金正恩"

【金正恩切洋蔥時間】外國Redditor狂P圖    金仔變肌肉猛男
by / on 20/09/2015 at 4:31 pm

【金正恩切洋蔥時間】外國Redditor狂P圖 金仔變肌肉猛男

又到金正恩時間,有佢就有改圖,最近外國Redditor網友瘋狂玩呢張金正恩被囡囡圍嘅圖,廣告大家一齊P圖,睇相見到張原圖入面金正恩大人被5個女兵圍住,又撟手又喊晒,後面仲有一班吶喊嘅男女兵,網民發揮想像力,幫金正恩換咗個著三角褲嘅肌肉型男,又串佢切洋蔥搞喊晒啲女兵,之後仲將啲女兵key晒做鬼妹,哦!勾結外國勢力!

Read more ›

【偶像級數】有片 金正恩減肥後 髮型不變網民好俾面
by / on 08/08/2015 at 11:45 pm

【偶像級數】有片 金正恩減肥後 髮型不變網民好俾面

阿獨裁肥仔金正恩,成日悶悶哋都搞新嘢,又話嚟個咩平壤時間早半粒鐘……我諗,佢真係食飽飯就冇乜嘢做,據外國媒體所講,佢最鍾意飲175歐元一支嘅「Cristal champagne」,又鍾意食神戶牛同埋「Emmental cheese」,不過食咁多越嚟越肥就唔健康啦。於是有網民幫佢減咗肥,嘩,個髮型冇變,但成個韓國偶像咁樣,果然,你的樣子如何……

Read more ›
【恥笑mode啟動】金正恩又出動   大膽軍官掩嘴狂笑
by / on 16/06/2015 at 7:26 am

【恥笑mode啟動】金正恩又出動 大膽軍官掩嘴狂笑

北韓嘅金正恩一出動,網民就會全力關注。最近官方又發咗幾張相比媒體,相中嘅金正恩同一班著住軍服嘅官員出巡,金正恩笑到見牙唔見眼,企喺後面嘅軍官都掩住個嘴大笑,相片嘅角度令人好易誤會佢係笑緊金正恩。網民都好擔心佢嘅安全,另外亦好關注金正恩嘅髮型,睇相見佢頭髮又長咗,唔再中間發界,改為梳起有少少拱嘅造型,同之前日本網民2月時笑佢似「ゾゴック」嘅造型好相似,睇嚟佢見反應好想繼續keep呢個造型。據知當日佢參觀緊當地嘅蕃茄園,希望個軍官無比人秋後算帳。

Read more ›
【日網民唔信】北韓潛艇導彈試射 金正恩頭髮亂了笑得率真
by / on 09/05/2015 at 8:14 pm

【日網民唔信】北韓潛艇導彈試射 金正恩頭髮亂了笑得率真

今朝北韓又有新圖發佈,就係話潛水艦「彈道導彈水下試驗發射」成功,金正恩笑得好開心好滿足……但係,呢幾張圖……就有網民質疑係假嘢,首先阿智將同發射嘅地點距離太近,之後就係北韓應該冇咁高性能嘅武器,最後就係話水花太少,重作。

Read more ›
金正恩又瀨嘢!登山chok爆 大合照發現又PS
by / on 22/04/2015 at 7:11 am

金正恩又瀨嘢!登山chok爆 大合照發現又PS

北韓金正恩又帶歡樂比大家!事緣早幾日佢同一班飛行員一齊登上海拔2750米嘅白頭山,亦即係我哋所講嘅長白山,佢仲懶型咁影咗幾張chok相,零下4度唔戴帽唔戴手套,仲話登山所創造嘅精神力,比核武嘅威力更強大!好嘞,之後佢就同一大班飛行員合照,不過啱啱就有人懷疑呢張官方合照相又被PS大執過,事關企喺後面嘅一排飛行員點解可以企到咁高?理論上山頂唔會有個咁高嘅位比後排人士企,仲啱啱好見晒啲樣,實在太假嘞,零分重作!

Read more ›
金正恩又被瘋狂改圖        按床褥好enjoy潛力無限
by / on 07/03/2015 at 4:27 pm

金正恩又被瘋狂改圖 按床褥好enjoy潛力無限

北韓領袖金正恩呢幾年佢的確帶比網民無限歡樂,好似最近幾日網上又瘋傳佢嘅惡搞圖,原圖係佢雙手按床想測試床褥嘅硬度,可能呢張相實在太有潛力,網民忍唔住開始瘋狂惡搞,出賣色相去到好盡嗰類型有大量,仲有好似跳舞呀、飛天騎雀呀,甚至瑜伽都玩埋一份,睇見佢微微笑得嚟好enjoy嘅樣,已經充滿娛樂性。入嚟有條link,一click入去就睇倒最新改圖,星期六日消閒一流!

Read more ›

日本網民話似「ゾゴック」 金正恩修眉新髮型
by / on 20/02/2015 at 12:26 pm

日本網民話似「ゾゴック」 金正恩修眉新髮型

走喺潮流尖端拮手位嘅北韓領導人金正恩,又有新髮型喇,今次唔玩中間分界之餘,仲修短咗兩邊眉毛,完全表現出獨特嘅個性同審美眼光。有人話佢似街霸嘅軍佬,不過日本網民就話佢係「ゾゴック」至真。我o依家冇嘢想,淨係想快啲有改圖睇啫。

Read more ›
金正恩又被惡搞    高人出手變悟空/比卡超
by / on 08/01/2015 at 7:18 am

金正恩又被惡搞 高人出手變悟空/比卡超

呢位巴西藝術家Butcher Billy我好鍾意,之前惡搞過宮本茂甚至毛主席,仲威到任天堂官方雜誌都搵佢合作。最近佢又搵倒嘢玩,就係玩北韓領袖金正恩,金正恩變咗麥當勞叔叔、瑪利奧、孫悟空、比卡超甚至變形俠醫,全部都好正,維持佢一貫水準。不過最正都Billy係網站嘅留言,佢話今次明益鍾意博出位嘅金正恩,比佢試吓做世界知名嘅角色,仲話叫奧巴馬要送返啲美國物業比佢做回禮。係囉,串咪串,駛怕佢,最多咪攻擊埋你個網站,怕你呀?

Read more ›
金正恩冬季Look 參觀潛艇基地食Buffet
by / on 16/12/2014 at 5:50 pm

金正恩冬季Look 參觀潛艇基地食Buffet

  呢位北韓領導人金正恩,可以話係潛力無窮,每次發佈新相都引嚟網友發揮無限創意,唔知今次呢輯幾時有改圖……話說早前佢就冒住風雪去潛艇基地巡視,期間仲坐喺碌架床煲煙,仲有得食吓自助餐。當然唔少得大量軍官陪佢笑吓玩吓啦,再喺啲低科技模型前面指指點點,真係樂也融融,雪人都融化了。

Read more ›
網圖分享:筆伐表態,港漫人的心聲(十)
by / on 06/11/2014 at 9:30 pm

網圖分享:筆伐表態,港漫人的心聲(十)

又係嗰句,一石激起千重浪,如果無記錯的話,自馮展鵬創作第一張習總撐黃傘嘅霸氣畫作並掟上面書後,各大中小港漫人紛紛效法,短短個零兩個禮拜跟風者眾,難得所有畫作都用番同一個色Tone兼配合番同一主題,唔係畫領導人就係畫有重大影響力嘅政治人物。至今,周恩來、金正恩、馬丁路德金、甘地、捷古華拉、英女皇、毛澤東、奧巴美、鄧小平、習近平、彭定康、孫中山、華國鋒甚至V煞先後登場,睇個勢仲有排畫。好,學生有學生繼續訓街,港漫人有港人繼續畫,大家努力撐落去喇,唔好俾佢停,加油呀!

Read more ›
斗膽!北韓金正恩官方照    驚現《多啦A夢》露骨動作
by / on 06/11/2014 at 7:08 am

斗膽!北韓金正恩官方照 驚現《多啦A夢》露骨動作

之前誤傳北韓領袖金正恩病危,原來只係虛驚一場,可惜。北韓官方早前發咗張官方相,金正恩又去出巡,今次去咗孤兒院院探訪,不過亮點唔係佢手上面揸住嗰支煙,而係喺佢身後面嘅多啦A夢公仔同埋騎喺佢背上嘅灰狼!呢個咁露骨嘅場面自從早兩日有外國媒體報導後,引起網民熱烈討論,有人話呢隻可憐嘅多啦A夢代表住北韓受欺壓嘅人民,今次擺明係人民暗暗起革命。不過講返轉頭,點解喺孤兒院要煲煙?

Read more ›

金正恩貓抓板    斷正誅九族?
by / on 24/09/2014 at 7:07 am

金正恩貓抓板 斷正誅九族?

北韓有無人養貓嘅呢?如果有,敢唔敢放呢個金正恩貓抓板喺屋企?呢個挑釁程度極高嘅貓抓板,身高45.7厘米,同金正恩一樣偏矮,個樣仲用3D印刷,真嘅一樣。除咗北韓領袖金正恩,戰鬥民族俄羅斯嘅Vladimir Putin都有份。網上有得買,開價接近港幣5萬,好貴。

Read more ›
金正恩又被網民惡搞    參觀潤滑油廠變玩屎
by / on 08/08/2014 at 11:51 am

金正恩又被網民惡搞 參觀潤滑油廠變玩屎

每次見到北韓領袖金正恩,我就知又有笑料發生喇。今次金正恩又比人瘋狂改圖,事緣佢去咗參觀一間潤滑油工廠,仲一臉天真笑容咁影咗張相,於是網民就開始惡搞喇。例如潤滑油變咗篤屎、金正恩變咗潤滑油、旁邊職員變喪屍‥‥‥玩玩吓金正恩仲變咗去接生,好正!星期五臨近放假睇,心情特別舒暢!

Read more ›
北韓金正恩又發威   美教徒聖經遺留酒店 斷正即拉
by / on 07/06/2014 at 11:23 am

北韓金正恩又發威 美教徒聖經遺留酒店 斷正即拉

北韓金正恩又發威,今次受害者係一位美國教徒。美國政府剛剛證實呢單消息,說話呢位29歲住喺美國俄亥俄州嘅嘅男子Jeffrey Edward Fowle,日前走去北韓旅遊,走嘅時候留低咗本聖經喺酒店,咁就出事喇!因為喺北韓擁有聖經會被處死或者終身監禁!而家佢被北韓以「反共和國敵對行為」拘留,而佢已經係第三位被北韓軟禁嘅美國公民。等你哋仲成日話要去北韓旅行,都係留返喺地球安全啲。

Read more ›
新片速報 超正北韓金正恩Game 懷舊橫向動作騎馬殺敵
by / on 14/05/2014 at 6:33 pm

新片速報 超正北韓金正恩Game 懷舊橫向動作騎馬殺敵

打《魂斗羅》大嘅我哋,對橫向動作遊戲始終有份情意結。如果用金正恩做主角,似乎仲相當吸引!呢隻名叫《Glorious Leader!》嘅遊戲,廠商就話將會推出PC版同手提電話版,未知真定假,但就已經有片睇,金正恩要發射導彈,仲騎獨角獸殺入敵陣,仲單挑美國坦克車,炸爆自由女神像!最後,最抵死,係NBA球星洛文出場……

Read more ›