fbpx

Tag: 金像獎

塵阿力繪金像獎提名巡禮宣傳畫(二)

塵阿力繪金像獎提名巡禮宣傳畫(二)

曲終人散,雖然知道改為網上直播,但都估唔到今年香港電影金像獎快到唔夠20分鐘玩完,對於得獎名單,大家有無異議?話說塵阿力原來唔只替提名最佳女主角嘅蔡思韵繪畫宣傳畫,仲畫埋提名女主角嘅鄭秀文同鄧麗欣,Total四幅。畫係靚,可惜以上三人悉數落選,點都好,人向前望,Sammi同Stephy,要加油呀。

Read more ›

塵阿力繪金像獎提名巡禮宣傳畫

塵阿力繪金像獎提名巡禮宣傳畫

今年唔舉辦實體頒獎禮嘅香港電影金像獎,邀請塵阿力繪畫提名巡禮宣傳畫,畫嘅係提名最佳女主角嘅蔡思韵。有麝自然香,對於畫手,呢個係實力嘅肯定,畀啲掌聲塵阿力唔該,我先,啪啪啪啪啪。

Read more ›
【有片】門小雷手繪電影系列  古天樂《尋秦記》+《殺破狼‧貪狼》

【有片】門小雷手繪電影系列 古天樂《尋秦記》+《殺破狼‧貪狼》

都唔記得嚟到第幾彈喇,總之就彈彈都咁正喇,門小雷聯乘FoolClub嘅手繪經典電影系列畫,今次畫新鮮出爐嘅金像獎最佳男主角古天樂。畫作裡面仲有兩個影帝添,左面係《尋秦記》,右面係《殺破狼.貪狼》,神髓出晒嚟。

Read more ›
赤柱朝聖 阮大勇開「海報師畫廊」

赤柱朝聖 阮大勇開「海報師畫廊」

自奪香港電影金像奬「專業精神獎」後,阮大勇呢個港產片海報之父多咗個稱號「海報師」,係實至名歸嘅,所以佢新開嘅畫廊都索性以「海報師」命名。佢喺面書留言曰:「下午開始海報師畫廊開幕,是我意想不到的事情。赤柱,這片小天地亦是我整合家庭及工作的好地方。」仲歡迎大家3月24日起入去參觀,呢個禮拜六有節目喇,一於入赤柱探吓佢嫩人家。

Read more ›
新片速報 製作片段曝光 LEGO人再整金像獎 名人爭住影

新片速報 製作片段曝光 LEGO人再整金像獎 名人爭住影

鍾意LEGO嘅,應該都會聽過LEGO神人Nathan Sawaya嘅大名,佢經常有LEGO展覽,啱啱過去嘅奧斯卡仲一口氣整咗20個LEGO版奧斯卡金像獎送比在場演員,大家都好鍾意佢嘅作品不停拎住喪影相。最新消息係佢申請緊喺Lego Ideas投票量產,好大機會成功,另外入嚟仲有3秒嘅time lapse短片睇佢點砌呢個金像獎,好正。補充多兩句,呢個LEGO版金像獎每個要用50塊LEGO砌成,今次Sawaya係應《The Lego Movie》團隊邀請而製作,事緣佢喺一個月前仲整咗隻LEGO版金像獎送比副導演Phil Lord,放上Twitter後大受注目,所以高手出招整多幾隻。

Read more ›
奧斯卡最佳電影LEGO版   里安納度四方面

奧斯卡最佳電影LEGO版 里安納度四方面

奧斯卡金像獎頒獎典禮3月3日喺洛杉磯舉行,今次外國Yahoo好聰明,將9套入選為「最佳電影」嘅影片海報變晒LEGO版,香港呢排好Hit,里安納度主演嘅《華爾街狼人》當然有份,LEGO嘅四方面又幾襯里安納度本人。至於喺有「英國奧斯卡」之稱嘅BAFTA頒獎禮捧走唔少獎嘅《GRAVITY》都係大熱之作,係時候做定功課到時扮吓嘢。

Read more ›