Post Tagged with: "重聚"

【有片】失散13年後重聚 喵星人與主人見面超感人
by / on 10/08/2018 at 7:02 am

【有片】失散13年後重聚 喵星人與主人見面超感人

唔見咗隻貓13年,好難想像居然有機會重聚。外國呢位女貓主人Janet Adamowicz喺2005年走失咗隻貓,當時只得4歲嘅Boo自己離開咗屋企,主人好傷心,周圍貼海報同埋登報紙尋貓,但都係搵唔到。估唔到事隔13年,佢居然接到64公里以外嘅動物協會嘅電話,原來職員透過貓身上嘅晶片搵到佢,無見13年,佢哋一見面即時認得對方,隻貓仲走去刷刷主人塊臉同埋喵喵叫,場面好感人。以後呢隻喵喵有好日子過嘞,要健健康康好好享受吓呀。

Read more ›

【超感動】貓貓走失18個月 領養新貓偶然重遇   5歲小主人真情爆喊
by / on 04/11/2015 at 7:11 am

【超感動】貓貓走失18個月 領養新貓偶然重遇 5歲小主人真情爆喊

只得5歲嘅小男孩Ronnie Cockroft喊住咁摸隻貓貓Phoenix,呢張相唔知感動咗幾億人,因為背後故事實在太巧合!原來Ronnie同呢隻喵星人Phoenix由細玩到大,感情好深厚,點知18個月前隻貓失咗踪,一家人用盡所有方法都搵佢唔到。隔咗年半,最後佢哋決定收養另一隻喵星人,但就喺佢哋揀定貓貓去領養所攞貓當日,等候手續期間,居然比Ronnie發現失!咗!踪!18!個!月!嘅!Phoenix!佢即刻開心到爆喊咗出嚟,經過晶片驗證身份,的確係佢哋嘅失貓(至於點解之前驗晶片搵唔到佢哋,就係因為佢哋啱啱搬咗新屋未登記番),於是,就梗係要帶Phoenix返屋企啦,同時,本來去收養嘅新喵星人,佢哋都同時領養埋,大團圓結局!連收容收都話估唔到Phoenix居然可以搵返舊主人,呢啲就係緣份嘞,唔好再俾佢走失喇!

Read more ›