【警訊】有片 日本醉酒男ATM提款 中國女從後偷撳多兩個「零」

騙徒手法層出不窮,不過日本呢宗騙案好獵奇,嫌疑犯係42歲嘅中國籍女士林小云同三位同黨,三人涉嫌喺東京新橋站偷走飲醉酒嘅日本男人20萬円現金被捕。據知當日林女士喺酒吧灌醉呢位男士,然後趁佢喺提款機撳2000円現金時,擅自喺旁邊撳多兩個零(!),然後拎走咗事主20萬円。件事喺日本好多網民討論,有人話:「不愧係中國人,諗得好周到。」不過更多人研究位事主:「點解佢撳2000円咁少?」、「飲酒無理由撳咁少錢」、「日本嘅經濟真係咁差?」不過警方表示原來去年已經有1600萬円因為呢種手法而被盜,唔係啩?有無警訊睇?有無Roller Girl?

Read more ›