Post Tagged with: "酒店"

【新片速報】大阪酒店張床升得起 示範影片Twitter熱傳
by / on 05/05/2019 at 11:20 am

【新片速報】大阪酒店張床升得起 示範影片Twitter熱傳

日本嘅酒店出名細,所以呢種吊起嘅床其實好實用。日本Indie樂隊歌手吾龍最近喺Twitter放咗段片,喺大阪某間酒店住宿嘅佢,示範撳掣升高張床,段片喺Twitter好多人睇,有人話如果瞓埋上去升高就係一款刑具,不過吾龍自己就話親身試過,原來張床有重量感應,升到一半就停低咗,入嚟有片睇。

Read more ›

【日本網民分享】Miffy酒店Lobby圖    大量倒吊Miffy超可愛
by / on 19/04/2019 at 11:16 am

【日本網民分享】Miffy酒店Lobby圖 大量倒吊Miffy超可愛

復活節連放幾日假有無去旅行?日本有網民早前去咗Miffy嘅「家鄉」荷蘭旅行,仲分享咗幾張酒店lobby相,喺Twitter好多人RT。睇相見到大堂天花板掛滿Miffy燈,仲要全部係倒吊,震憾得嚟又好可愛!翻查資料,呢間酒店應該係荷蘭青年旅館Stayokay同Miffy Museum合作嘅主題旅館,入面其中一間4人客房以Miffy做主題,而大堂亦擺放咗大量Miffy燈,住完仲可以去附近嘅Miffy Museum參觀,鍾意Miffy嘅朋友係時候計劃下荷蘭之旅嘞。

Read more ›
日本攝影師鏡頭下的澳門      新舊對比超似科幻電影
by / on 25/02/2019 at 7:51 am

日本攝影師鏡頭下的澳門 新舊對比超似科幻電影

之前都出現過報道過,不過近日又再喺Twitter熱傳!張相影到舊街窄巷,仲見到少少睇落好似傾斜咗嘅新葡京酒店,新舊對比效果好特別,攝影師話好有科幻電影感,之後網民仲幫手改圖,入嚟有得睇埋佢喺澳門影嘅其他靚相。

Read more ›
【新片速報】酒店煎蛋員變機器       煎蛋過程Twitter熱傳
by / on 07/11/2018 at 7:50 am

【新片速報】酒店煎蛋員變機器 煎蛋過程Twitter熱傳

新加坡嘅人工出名高,最近有日本網民分享咗段片,地點係新加坡某酒店,早餐自助餐煎蛋嘅工作,竟然變咗由機器負責!睇片見由加蔥到倒蛋漿, 再到煎蛋然後拎起放上碟,雖然速度有少少慢,但的確可以取代到人類,唔知第時去酒店會唔會全部變晒做機械人? 入嚟有片睇。

Read more ›
北海道超正酒店早餐 魚子刺身任食自製海鮮丼
by / on 22/09/2018 at 8:36 am

北海道超正酒店早餐 魚子刺身任食自製海鮮丼

好吸引呀!鍾意食魚子嘅朋友,見到呢幾張相應該會好肚餓。日本漫畫家分享咗佢住嘅酒店嘅早餐,可以自製「海鮮丼」,材料有大大量嘅魚子、三文魚同吞拿魚蓉等等,啲魚子好似唔洗錢咁可以任裝,好吸引!地點係北海道函館嘅酒店「ラビスタ函館ベイ」,有網民話呢度嘅風呂都超正,睇返資料,呢到嘅早餐好出名,有大量刺身任選,入嚟有回帶。下次去開附近可以考慮住呢間。

Read more ›
日本首間Snoopy主題酒店 超型房間8月9月爆滿
by / on 12/08/2018 at 3:48 pm

日本首間Snoopy主題酒店 超型房間8月9月爆滿

唔講唔知,原來之前日本無Snoopy嘅主題酒店,不過8月開始有嘞,位於神戶市嘅呢間Peanuts Hotel同想像中嘅Snoopy酒店有啲唔同,入面嘅裝修超型,總共有18間客房,有齊Snoopy、Charlie Brown同他角色,入嚟有多啲相睇。不過暫時8-9月已經full晒嘞,嚟緊8月20日香港時間中午12點可以預訂10月至11月嘅房間,鍾意Snoopy嘅記住bookmark定嘞!

Read more ›

【新片速報】日本酒店升降床    網民入住拍片Twitter熱傳
by / on 10/05/2018 at 7:50 am

【新片速報】日本酒店升降床 網民入住拍片Twitter熱傳

香港地呎價咁貴,如果張床係呢種升降床就夠晒慳位嘞。最近有日本網民住咗間酒店,房間入面張床撳個掣就可以升降,佢玩得好開心,仲拍埋片放上網,好快已經過埋一百萬瀏覽。樓主話覺得有啲危險,一個唔覺意撳錯粒掣唔知會唔會夾死咗。不過睇返頂部同底部都留咗啲虛位,無事嘅無事嘅。

Read more ›
日本酒店超創意 「三文魚主題房」食玩瞓都係魚
by / on 19/04/2018 at 7:17 am

日本酒店超創意 「三文魚主題房」食玩瞓都係魚

香港人好鍾意食三文魚,如果你都係,可以考慮住吓北海道呢間三文魚主題房間,由門牌到床舖到拖鞋,全部都係三文魚圖案,留意床上面套衫,擺起都有條魚尾嘅,最過份都係個浴缸,點解多咗幾粒魚子嘅?食物方面當然都係全三文魚宴啦,對足全日瞓覺應該都會夢見三文魚。

Read more ›
學校改建酒店 體驗日本校園生活
by / on 28/06/2017 at 8:35 pm

學校改建酒店 體驗日本校園生活

日本嘅學校,我哋睇動漫、日劇就睇得多,但作為遊客,冇乜機會入到去睇啦。不過喺靜岡縣原來就有呢間「やまびこ荘」酒店。本身係一間喺1907年起好嘅學校,不過之後附近越嚟越少人,越嚟越少學生,所以喺1976年就改裝成為酒店,泳池、走廊、班房好多設施都保留學校嘅感覺,每人每晚3,456円,不過夜晚好似有少少……

Read more ›
【感人】創意酒店住客vs執房姐姐     連續10日用毛巾被舖砌公仔
by / on 26/04/2017 at 3:00 pm

【感人】創意酒店住客vs執房姐姐 連續10日用毛巾被舖砌公仔

每次住酒店都好感激執房嘅員工,外國有位男士出trip去阿塞拜疆,可能日日住酒店太苦悶,佢居然諗到同執房姐姐交流吓。第一日佢用枕頭、毛巾、遙控器砌咗個人形公仔出嚟,姐姐見到好開心,仲留咗張畫咗笑臉嘅紙仔俾佢。之後佢再接再勵,每日都創作一個公仔,仲越嚟越搞笑,越搞越大陣仗,每次都氹到執房姐姐勁開心,如是者玩足10日,入嚟有得慢慢笑,臨尾佢仲好有心思留咗份小禮物俾姐姐,好正,如果每個住客都咁窩心就好嘞!

Read more ›
日本酒店有地雷    和式個室變無門鎖會議式
by / on 29/10/2016 at 12:52 pm

日本酒店有地雷 和式個室變無門鎖會議式

世界各地都有害群之馬,日本都有,最近有日本網民喺Facebook見到有泰國人被騙,對方喺Agoda預咗咗日本山梨縣嘅一個房間,每日6300円,但係去到時發現中咗伏,網上張圖係和式個室,去到就變咗會議室改造嘅房,圖文嚴重不符,仲要連房鎖匙都無,只有地下嘅一條保險箱鎖匙。件事傳到去2ch討論區,網民都好嬲,有人留言話:「好過份」、「呢個係欺詐行為」,不過亦有人留言話:「好平嘅話就算啦」、「好好嘅旅遊回憶」。大家下次訂酒店記住要小心地雷嘞。

Read more ›

日本酒店實行「禿頭折扣優惠」   房租即時減500円
by / on 22/10/2016 at 12:10 pm

日本酒店實行「禿頭折扣優惠」 房租即時減500円

日本北九州呢間酒店最近實行「禿頭折扣優惠」,喺網上引起熱烈討論。職員接到顧客申請之後,經核實確定屬於禿頭,顧客就可以得到500円折扣,暫時已經有20人享用過呢個折扣。副主任話曾經試過有3個客人一齊嚟到申請,最後有一個被拒絕,「嗰個人露出既開心又寂寞嘅表情。」至於點解會有呢個構思?原來酒店清潔工人經常投訴排水渠纏滿頭髮好難清理,本身光頭嘅集團社長三浦孝司就諗,如果客人好似自己咁無頭髮就好嘞,於是引入呢個折扣計劃,由2014年8月開始逐步喺集團旗下嘅北九州酒店實行。而家酒店門口仲放咗光頭社長三浦孝司嘅公仔做吉祥物。網民嘅回覆都好正,例如:「全世界都應該實行,禿頭少頭髮嘅應該有優待!」 、「如果話俾折我會好絕望」、「唔會為咗500円拋棄尊嚴!」、「但係拒絕咗頭髮都唔會變得濃密喎!」

Read more ›
【成功上樓】汪星人死守酒店門口 耐力感動新主人成功被收養
by / on 10/08/2016 at 7:13 am

【成功上樓】汪星人死守酒店門口 耐力感動新主人成功被收養

又有動物成功上樓!今次呢隻汪星人Rubio用嘅係無比嘅耐性。6個月前,德國空姐Olivia Sievers出差去阿根廷首都,喺酒店附近佢發現有隻流浪狗狗,一向有養狗嘅佢買咗啲食物比狗狗,自此隻狗就愛上咗佢,每日喺酒店門口等佢、跟住佢。之後每次佢出差去阿根廷,都會喺酒店門口見到呢隻狗狗,然後照舊跟住佢出出入入,就算佢幫狗狗搵咗間新屋,但狗狗都係要返去搵佢。最後佢決定收養呢隻狗狗嘞,而家仲帶咗佢返德國居住。所以話,成功上樓真係要靠自己努力爭取架。

Read more ›
【奇遇】白兔毛公仔被遺留酒店 貴賓式招待FB熱傳
by / on 16/01/2016 at 11:35 am

【奇遇】白兔毛公仔被遺留酒店 貴賓式招待FB熱傳

  外國人特別有幽默感,之前都試過有機場職員執到隻毛公仔之後帶佢遊機場,仲影埋相製作相簿,等主人拎返公仔時送埋比佢,好窩心。最近愛爾蘭一間酒店 Adare Manor Hotel都接收到一隻被遺留喺餐廳嘅白兔毛公仔,為咗幫佢尋親,佢哋將隻公仔嘅相放上官方Facebook,之後連續兩日不停更新呢隻毛公仔喺酒店嘅動向,睇見隻公仔生活好闊太,又high tea又做facial,之後仲去埋全身按摩,網民都讚啲相同文字簡介好得意,吸引好多人like & share。最後妹妹同毛公仔終於團聚,酒店又變相做咗宣傳,Happy ending。但係白兔仔會唔會爽到唔願返屋企?

Read more ›
文青遊日本必住   新式書屋酒店港幣$280住一晚
by / on 29/10/2015 at 7:12 am

文青遊日本必住 新式書屋酒店港幣$280住一晚

文青注意!如果下次去日本旅行,想住得近近哋又平平哋嘅,可以考慮吓呢間書店酒店,嚴格嚟講佢嘅營運方式有啲似日本網吧,唔同嘅係入面無漫畫只有中文或者英文小說,坐埋去陣文青味湧晒出嚟。現時庫存有1700本英文書同日本書珍藏,佢哋計劃之後增加到3000本庫存。住一晚大概3800円至7000円,其實唔貴。

Read more ›