Tag: 鄺志德

1060期《新著龍虎門》加推銀光版封面 石黑龍揸電單車

1060期《新著龍虎門》加推銀光版封面 石黑龍揸電單車

龍虎三皇吖嘛,有王小龍同王小虎,又點會少石黑龍一份。嚟緊《新著龍虎門》第1060期,照舊除普通版外,會加推銀光版第三彈封面特別版,構圖繼續係電單車。鄺志德剛喺面書釋出封面打稿,真係好正斗,睇個勢又要同一期買兩本書了。

Read more ›

《新著龍虎門》〈無名罪〉篇完結 《新著王風雷》暫時擱置

《新著龍虎門》〈無名罪〉篇完結 《新著王風雷》暫時擱置

今期第1057期《新著龍虎門》〈無名罪〉篇完結,大家點睇?我覺得OK喇,畀90分。玩世紀病毒呢條橋有新鮮感、非洲七兄弟幾搞笑、將火雲邪神降番Level就最醒目。咁Bug都唔係無嘅,蒼龍無端端弱化咗、王小虎兩頁練成天殘腿過份咗,呢啲小Bug我可以接受。不過無記錯的話,初初好似事先張揚話王風雷、金羅漢同東方無敵三死一,家陣三個都無穿無爛,何解?另,今期鄺志德喺專欄透露,鑑於「穿越故事未度好便推出,一定不會有好成績」,所以暫時擱置《新著王風雷》,仲話「請各位讀者密切注意《新著王風雷》創刊號出版日期,一定令大家有所驚喜。」吓?唔係啩?相信好多港漫死忠Including me都好想快啲有新書睇,千其唔好不了了之呀。鄺志德加油,支持你呀。

Read more ›
陳笑洛字畫雙絕 鄺志德買《未來戰士》水墨畫

陳笑洛字畫雙絕 鄺志德買《未來戰士》水墨畫

有麝自然香,好嘢自然多人欣賞,之前報導過坐鎮廟街嘅陳笑洛,字畫雙絕,鄺志德也甚欣賞,親臨檔口幫襯買番幅《未來戰士》水墨畫。另,佢又出Post話兩年前畫過一件港漫Tee,畫嘅係王小龍,無記錯靈感應該係來自《龍虎門》〈劫數難逃〉嗰期嘅封面,非常高質。很想要是常識吧,不過Sorry,無得買!因為佢話已經唔喺佢手,所以唔使問價,咁惟有睇咗當買咗囉。

Read more ›
《新著王風雷X新著龍虎門序章特刊》7月29日見街

《新著王風雷X新著龍虎門序章特刊》7月29日見街

Very fine,《新著王風雷》未出,先來一本《新著王風雷X新著龍虎門序章特刊》熱熱身。7月29日見街,售$23。內容都幾豐富吓,有《新著王風雷》人物設定圖、黑稿內文形式嘅穿越序章、《新著龍虎門》新一輯故事〈獵龍屠神〉預告、全新繪畫嘅〈龍虎相鬥〉海報,仲要玩埋光面精描黑線圖封面特別版添。我係拍爛手掌的,港漫要熱鬧啲,公仔書要出多啲,鄺志德加油,Yeah!

Read more ›
1053期《新著龍虎門》銀光版 王小虎揸電單車出場

1053期《新著龍虎門》銀光版 王小虎揸電單車出場

下期第1053期《新著龍虎門》,睇怕要買兩本了,因為除普通版外,仲有一個銀光特別版,將選取張萬有當年投稿嘅一幅「200分王小虎騎電單車殺出重圍圖」做封面。鄺志德剛剛喺面書登咗封面打稿,Wow,啲線條好密,王小虎又畫得幾英喎,頭髮填得好靚,仲有久違了的Nike眉,古早味出晒嚟,I like it。另,因書展同動漫節延期,鄺志德話原本準備好嘅精品唔知點處理好喎,幅王風雷畫板咁正,如果送畀我就好咯。

Read more ›
網圖分享:李健良畫狂王+王小龍+伯益

網圖分享:李健良畫狂王+王小龍+伯益

李健良人緣係好嘅,因為有《山海逆戰》邱福龍、《阿修羅》和仔大人同《新著龍虎門》鄺志德幫佢免費賣書展廣告。為此,良哥作畫一幅以表謝意,佢畫嘅狂王、王小龍同伯益,又係另一種味道。

Read more ›

鄺志德報料 動漫節出《新著王風雷》

鄺志德報料 動漫節出《新著王風雷》

真的很開心,港漫界好耐都未試過咁熱鬧喇,嚟緊又多一本公仔書睇喇。鄺志德分別喺今期第1051期《新著龍虎門》同面書賣廣告,話7月動漫節將會推出《新著王風雷》,屬外傳性質。都啱數嘅,龍虎群英中,除三皇外最受歡迎角色一定係頭髮永遠豎起嘅邪拳小魔王,今次仲要玩穿越橋添,王風雷揸住戰機返到日本慶長三年,聽落都幾有新鮮感,拭目以待。

Read more ›
第1049期《新著龍虎門》 雙版本加送王風雷海報

第1049期《新著龍虎門》 雙版本加送王風雷海報

鄺志德繼續谷書,嚟緊周四出版嘅第1049期《新著龍虎門》,除推出原色同黑金兩個版本外,仲加送多幅王風雷海報畀讀者,開心呀喂。

Read more ›
《新著龍虎門》第1047期封面釋出 鄺志德睇重王風雷

《新著龍虎門》第1047期封面釋出 鄺志德睇重王風雷

停咗一個禮拜無《新著龍虎門》睇,我心非常籮籮攣,所以呢排Mon到鄺志德面書實一實。剛剛,佢釋出第1047期《新著龍虎門》金版、銀版同草版封面打稿,畫得好靚呀喂,想買晒三個版本呀喂。另,佢又Post咗一幅王風雷圖,並留言曰:「好兄弟!久違了……在我手上,一定有你絕大發揮的空間!」睇個勢,成日話無機會出手嘅暗黑冰火螳螂,有機會升Grade了。

Read more ›
《新著龍虎門》新篇章〈無名罪〉 王小龍自毀滅亡咁大件事?

《新著龍虎門》新篇章〈無名罪〉 王小龍自毀滅亡咁大件事?

文化傳信繼續賣廣告,首先呢,係肯定咗書名叫番《新著龍虎門》,肯肯定多一次6月5日出版,分金、銀同草圖三個版本,三拉頁封面,全書44頁,各售$23。而1047期最新章篇呢,則叫〈無名罪〉,仲話「王小龍一念之差,禍及全世界,出路自得一條……自毀滅亡!」嘩,禍及世界咁大件事?仲要自毀滅亡添,唔係打算整死多一次王小龍嘛,驚驚!而製作班底呢,杜比做顧問、袁家寶加洪遠里做封面美術、編劇係李中興、創作監督係鍾英偉、美術主筆係龐重輝、鄺志德則身兼主編And監製二職。呢個陣容,大家點睇?

Read more ›
有啲亂!《龍虎門》Or《新著龍虎門》Or《XX龍虎門》?

有啲亂!《龍虎門》Or《新著龍虎門》Or《XX龍虎門》?

有啲疑惑,有無C-Hing可以指教吓?這邊廂鄺志德面書出圖話:「2020十陽聖火相傳,易筋無間延續」、「新著龍虎門1047期,君臨天下易筋經」;那邊廂文化傳信早前都有出圖話:「承蒙讀者老友記多年支持,龍虎門精神仍在延續,漫畫傳奇仍未完結」,卻並未出現「新著」二字。咁究竟嚟緊6月5日見街嘅,係回歸返以前簡簡單單叫《龍虎門》定繼續Keep住用《新著龍虎門》做書名?到時封面會唔會一併出現「新著第1047號」、「總2327期」、「XX創刊零號」等字眼?媽我好亂……

Read more ›

索取港漫畫家簽名畫板加海洋明信片 手快有手慢無

索取港漫畫家簽名畫板加海洋明信片 手快有手慢無

喺馬來西亞舉辦嘅Comic Fiesta 2019圓滿結束,咁關香港動漫Fans乜事?都關架,事關鄺志德、曹志豪、葉偉青、謝森龍異、梁偉家同Nekori為是次交流活動,各自畫咗一幅簽名畫板,另加海洋出版社製作嘅明信片,依家統統都可以送畀大家。很想要吧?老例都係要幫手開心Share帖子、寫低點解想得到獎品嘅原因之類大路嘢,手快有手慢無,大家識做喇。

Read more ›
多謝牛佬!Show三本《古惑仔》送A3封面畫!

多謝牛佬!Show三本《古惑仔》送A3封面畫!

今期第2242期《古惑仔》,係值得大家一口氣買三本支持吓嘅,原因有二,一,封面實在係靚,好耐都無用陳浩南原型即鄭伊健面相出現嘞,抵讚;二,牛佬話只要讀者喺面書展示三本2242期《古惑仔》,就會送今期封面伊健A3畫,係咪正先?話時話,下期輪到剛剛退休嘅鄺志德操刀封面,又係好靚,又係要儲。

Read more ›
鄺志德再報料 2018書展玉皇朝出《玉郎傳》

鄺志德再報料 2018書展玉皇朝出《玉郎傳》

書展將至,玉皇朝開始出招喇,鄺志德繼續喺面書報料,話今年玉皇朝打算推出《玉郎傳》,雖然封面未有得睇,但洋洋灑灑三幾百字有埋內容簡介。由60年代初涉畫壇開始,一路講到2018年動畫《神兵小將2》載譽重臨、玉郎巨星文化創意園正式動工等等,但好可惜,「有關多姿多彩的感情生活,原來是一個美麗的誤會。」噢!我最想睇嗰Part無影添。Anyway,黃玉郎一生咁多姿多彩,呢本文字書寫得越長越好,我期待嘅係一本厚厚磚頭書,無乜插圖都無所謂,最緊要多料爆。

Read more ›
鄺志德報料 玉皇朝出《龍神》完全版

鄺志德報料 玉皇朝出《龍神》完全版

鄺志德剛剛喺面書報料,玉皇朝將會喺2018動漫節推出邱福龍名作《龍神》完全版,上下兩冊,封面、內文、人設全輯錄,硬皮封面有埋皮盒收藏,每套附獨立編號,限500套。佢喺面書登咗幾幅內文稿相,依家隔住個Mon睇番,真係一啲都唔覺得Out,依舊靚到啪啪聲,如果唔太貴的話,絕對值得入手。

Read more ›