Post Tagged with: "鄺彬強"

網圖分享:Eric Ng的面書版「七十二大圖集」
by / on 29/06/2017 at 12:00 pm

網圖分享:Eric Ng的面書版「七十二大圖集」

好早知道大好人Eric Ng會聯同曹志豪推出《七十二行》實體畫集,畫集會喺書展出版,有三十幾個畫手參與,另有四十幾幅插圖,會集畫、相同文字於一身,我係好拭目以待嘅。書展未到,畫集未有得睇,但可以睇住面書版迷你「七十二大圖集」先,Eric Ng力邀眾畫手用Q版畫香港老行業,每星期Share十張畀大家欣賞。靚畫固然好睇,睇完,你又估唔估到畫緊乜老行業?

Read more ›

繼續慈善 鄺志德+鄺彬強+胡紹權靚畫競投
by / on 12/06/2017 at 9:45 am

繼續慈善 鄺志德+鄺彬強+胡紹權靚畫競投

好事唔怕多講,早幾日鄺志德喺面書出Post搞畫作慈善競投,作品屬跟佢學畫嘅學生手筆,可視之為「業餘組」;今次輪到「專業組」出場,三幅畫作包括胡紹權《石破天驚》、鄺彬強《君臨盛世》同鄺志德《暗黑風雷》,幅幅都靚到啪啪聲,裱起佢掛牆絕對唔失禮。全部底價$500,6月12日中午一時截止競投,所得善款全數捐畀「沙律貓狗之家」,請大家多多支持,報告完畢。

Read more ›
漫畫星光大道週年同樂日 主筆親筆畫板曝光
by / on 19/01/2017 at 11:00 am

漫畫星光大道週年同樂日 主筆親筆畫板曝光

之前介紹過「香港漫畫星光大道週年同樂日」喺呢個禮拜六舉行,大家有無興趣?個心仲係十五十六?依家黄玉郎、馬榮成、邱福龍、阮大勇、李志清、鄺彬強、馬星原、Cuson、陳某、黃國興、鄧達軒等主筆親筆畫曝光,會唔會吸引力大增?唔只我你他等港漫迷,就連雪晴都話:「粒粒巨星……阮生嗰張我都好想抽中…想要」,我呢,就最鍾意邱福龍嗰張嘞。

Read more ›
鄺志德玉皇朝新作 鄺彬強+鍾英偉回歸
by / on 18/10/2016 at 11:30 pm

鄺志德玉皇朝新作 鄺彬強+鍾英偉回歸

真係引死人,就好似唧牙膏咁,逐啲逐啲唧出嚟,早三兩日前咪報導過鄺志德會搞新書嘅,家陣有啲多進一步消息,佢喺面書釋出疑似人設一張,兼留言曰:「新書每週例會,由6:00pm在玉皇朝公司再轉戰深水埗愛民生飯店,11:00pm五小時會議結束,腦震盪大豐收,鄺彬強同鍾英偉非常有火,敬請期待,壹壹壹捌!」Wow,有主筆鄺彬強,仲有編劇鍾英偉,呢個組合有料到呀喂。留言一出,八方呼應──Kai Yip Wong:「感動~~彬強番來,鍾Sir都返來了~~~1118好意頭,一定撐硬~~~」、Kin Kong:「天子群英會。」、Thomas Choi Yo:「阿偉都返嚟了!天子大集結喎,加油。」個人認為最啱聽都係Chan Howard呢句:「神兵F?乜書都好,一於整本勁作搞旺個市!」係囉,玉皇朝既為港漫龍頭,唔應該出咁少書嘅,有咁大搞咁大啦唔該。同埋,我想講,鄺志德識得幫襯民生飯店,識食也!

Read more ›
大渡新歲聚餐 加送鄺彬強親筆畫板
by / on 15/01/2016 at 9:30 am

大渡新歲聚餐 加送鄺彬強親筆畫板

仲十五十六諗緊參唔參加大渡主辦嘅新歲聚餐呀?Fine,畀多個誘因你,會員一科水食飯,到時即送鄺彬強親筆畫板一張,屬非賣品,有錢都買唔到。家陣多塊畫板喎,唔知大家點睇呢?仲唔拿拿臨打電話報名?

Read more ›
大渡1月出《極渡川流》 創刊號送雙節棍
by / on 13/01/2016 at 4:00 pm

大渡1月出《極渡川流》 創刊號送雙節棍

大渡有書出,1月將會出版《極渡川流》,由鄺彬強同方家輝聯合編繪,睇書名真係唔知講乜,連書種都猜測唔到,不如睇番大渡喺面書點樣介紹:「人的命運儼如山川河谷走向的河流,時而風平浪静,時而波濤洶湧。落入河道中的人是孤軍作戰,還是能匯聚百川之力而扭轉人生?龍太陽及龍邪神兩兄弟在同一『河道』上出發,分開卻又碰上,為了到達自己理想終點,雙方只能以『極渡』方式盤踞在川流不息的『河道』上,互相踐踏下,最終誰可制霸,操縱别人的人生?」兩兄弟一正一邪為理想為事業為女人手足相殘嘅故事?拭目以待。值得一提係創刊號會隨書附雙節棍,咁重手筆,唔知到時賣幾多錢呢?

Read more ›

大渡2016年頭炮《操戈》 原稿釋出
by / on 25/12/2015 at 9:30 am

大渡2016年頭炮《操戈》 原稿釋出

大渡好耐都無新書出,2016年頭炮如無意外係鄺彬強《操戈》,大渡面書剛剛拋低咗幾個字曰:「龍,一種古老傳説中的神獸!操戈……本是同根生…….!!兄弟相爭…….不同生也不共死………!!大渡……2016年全新作品…….《操戈》!!」好多感歎號跟尾,真係咁多嘢感歎?都有架,就如讀者LI Yiu Ping所言:「讀者期待的是《自強不息2》,不是什麼《操戈》新作,大渡的行政管理是怎麼搞的?」九成說中我心底話,係囉,點解唔出番《自強不息》啫?剩番嗰一成係──我又咁睇,家陣連書都未出,做乜咁快睇死呢本《操戈》呢?望過吓啲原稿,都幾靚吖,支持港漫,唔好咁快蓋棺論定喇。

Read more ›
大渡2016年出新書 頭炮鄺彬強《龍‧太陽》
by / on 02/12/2015 at 10:15 pm

大渡2016年出新書 頭炮鄺彬強《龍‧太陽》

好咯,大渡終於有新書出咯,仲要係我好Like嘅鄺彬強,書名叫《龍‧太陽》,書名好老土?又好幾期貨仔?喂喂喂,作為港漫死忠Fans,我哋唔得咁架,家陣書都未出,懇請唔好咁快柴台。至於故事係乜?大渡喺面書專頁拋低以下簡介:「科技日新月異的世代之下,人類早已忘記生命何以能夠跨越幾億萬年環境變異不斷進化。22世紀末,世界上出現了一群頂尖的人類~~~『龍』,他們不斷强化、進化、優化自身的原始力量,目的只為應付史上最殘酷、最致命、最龐大的「天敵」來臨!」睇個勢應該屬科幻技擊,家陣有幾幅原稿畀大家先睹為快,畀心機彬強呀,支持你呀。又,懇請大渡舵手,千其咪好似徐大寶本《孟蘭猛鬼》咁,出晒廣告最後又無影呀。

Read more ›
大渡再炒冷飯 重出《自強不息》精裝本變薄裝
by / on 27/10/2015 at 3:15 pm

大渡再炒冷飯 重出《自強不息》精裝本變薄裝

呢次我都唔幫大渡舵手,有無搞錯呀?繼《集結號》啄開四期重出貽笑大方後,加陣輪到《自強不息》由原本精裝版本變薄裝重出,究竟邊個諗呢條「絕世好橋」架?大渡喺面書專頁拋低一句:「《自強不息1》薄裝雙週刊,十一月出版!」即惹來網友批評──Andrew Tang:「有冇搞錯呀!繼集結號後又炒冷飯!不如執咗間公司去啦,雖然《自強不息》好好睇,但唔好咁過份啦!唔通遲啲《中華英雄2015》、《一零八》又走去翻炒冷飯出薄裝咩?」、Edward Wong:「如果真係將之前出過的改做周刊,此做法叫令人反感,一啲都唔自強不息。」──另有網友黃家文又咁話:「若果之後有《自強不息2》,這樣出薄裝就正常不過。」Exactly講中我心聲,睇過《自強不息》嘅我當然唔會買,要買,都等彬強畫《自強不息2》先喇。

Read more ›
未封筆 鄺彬強推出相架畫板
by / on 09/10/2015 at 10:00 am

未封筆 鄺彬強推出相架畫板

都好,仲以為鄺彬強真係「淡出」港漫界添,家陣見佢推出連相架簽名畫板,證明佢唔係完全退隱江湖,希望唔係封筆先吖,我個心都定一定。入番正題,相架簽名畫板一套兩款,有幾靚畀埋有相你自己睇,size係25cm × 28cm,每套裝$160,指定大渡特約店接受訂購。係彬強Fans嘅,快啲致電落訂喇,限量生產架。

Read more ›
鄺彬強「淡出」 《自強不息》推出無期
by / on 15/06/2015 at 2:30 pm

鄺彬強「淡出」 《自強不息》推出無期

收到鄺彬強「淡出」港漫嘅消息,個心真係戚咗一戚,司徒劍僑無咗影,家陣又到鄺彬強離開,咁係咪意味住大渡散Band呢?迄今大渡出過咁多本漫畫,我始終最鍾意《自強不息》,《欲望之翼》雕到天花龍鳳都只能排第二,依家《自強不息2》出版無期,確實好Sad。Sad完,要問嘅係,乜嘢叫「淡出」?完全抽身?轉職幕後?封筆?鄺彬強喺面書答得好玄:「《自強不息2》今年內應該也不會出版,而戰譜20期完結後,彬彬會淡淡的離開港漫,至於會否回來……那是很遙遠的事!將來,有誰知……?!或許在FB內寫寫彬彬自我的港漫回憶錄,不一定有禮,但至少一定夠真^^喜歡!重要的是,縱然離開港漫,彬彬仍然是大渡一員,熱愛漫畫的心也依然不變!」唔明,既云「淡淡的離開港漫」,但又「仍然是大渡一員」,有無知情人士答到我呀?而為此,佢亦自製啲貼紙打算送畀讀者,送禮方法彬強話未諗掂喎,想要的話,惟密切留意佢面書有喇。

Read more ›

《戰譜》聽日創刊 第二期廿呎長內文晒冷
by / on 05/03/2015 at 10:06 pm

《戰譜》聽日創刊 第二期廿呎長內文晒冷

講咗N年嘅《戰譜》聽日終於創刊,大渡視《戰譜》為2015年重頭作,創刊號推出兩個版本屬意料中事,勁在事先張揚第二期會推出超長特別版,仲要老早預訂,第二期大鑼大鼓過創刊號,都算前無古人咯。

Read more ›
大渡移師酒吧 開新書發佈會
by / on 06/01/2015 at 10:00 pm

大渡移師酒吧 開新書發佈會

好,好得很,真心Mode要讚大渡,上次搞Event同讀者一齊食雞煲盡興一晚,今次就移師Relax 99酒吧搞「2015年大渡新書發佈會」,估計到時仲過癮,做讀者嘅我同你,可以同班主筆一齊摸酒杯底、打Snooker同掟鏢,離距離全接觸,呢啲機會真係可一不可再。

Read more ›
鄺彬強新作主角造型曝光 邀請讀者幫手諗書名
by / on 08/12/2014 at 10:30 am

鄺彬強新作主角造型曝光 邀請讀者幫手諗書名

  大渡新書一本接一本,鄺彬強2015年有新作出,主角造型接二連三曝光,感覺明明係古裝,都有滲少少科幻Feel,望落都幾順眼吓。故事背景設定喺南北朝時代,講北齊最強武者一生英雄事跡,過癮在書名未定,仲希望讀者幫手諗諗咁話喎。

Read more ›
大渡搞交流會 有相影有獎抽有嘢食有書睇
by / on 10/10/2014 at 10:00 am

大渡搞交流會 有相影有獎抽有嘢食有書睇

大渡搞一周年讀者交流會,真係Good到無可再Good,可以坐定定同司徒劍僑、袁家寶、曹志豪、鄺彬強、黃水斌同少傑六大主筆打番個老邊,食飽影靚相,影完相抽獎,抽完獎睇新書《欲望之翼》,諗吓都開心呀。

Read more ›