Tag: 鄺彬強

為鬧而鬧? 《新著龍虎門》2500期封面何罪之有?

為鬧而鬧? 《新著龍虎門》2500期封面何罪之有?

鄺彬強《新著龍虎門》來到2500期了,無論鍾唔鍾意呢本書都好,始終都係一個值得高興嘅里程碑,但觀乎各大中小討論區同面書專頁,我發覺贈興者極少,嘲笑者極極極極極極極多,嘲乜?嘲個龍虎三皇打手勢做「2500」嘅封面,甚麼——「好核突。」、「懶風趣。」、「好老土」、「隻手畫到唔知想點。」、「BL三皇」諸如此類。呢個封面真係咁肉酸咩?個人認為,橫睇掂睇都不但合格有餘,仲幾靚幾搶眼添⋯⋯

Read more ›

《新著龍虎門》總2500期慶典 龍喜卡+角色立牌+海報

《新著龍虎門》總2500期慶典 龍喜卡+角色立牌+海報

仲有兩期《新著龍虎門》就會踏入總2500期(新著1220期),咁話晒都係一個里程碑,搞番啲慶典活動唔過份。活動一,由1220期開始,普及版連續18期送龍喜卡,每期隨機送兩款,Total有36張,即係博你每期買兩本囉;活動二,限量立牌版$78,隨書送栢迪《龍虎門GO!!》角色立牌一個,由1220期開始至1223期止,先後推出角色為王小虎、石黑龍、王小龍同王風雷,四個角色我都鍾意,想要晒;活動三,《龍虎門》經典降龍十八腿海報限量立牌特別版第一彈,即係估計仲有二三四五六七彈,暫時未有定案。係呀,呢啲絕對係消費死忠嘅操作,估計唔會對升書有好大幫助,但一日死忠一世死忠,我點都係舉腳支持嘅。惟望鄺彬強可以搞番好本書,等我可以撐得再心甘情願啲。

Read more ›
鄺彬強撐「石子地攤」 送《壹喜一周年紀念特刊》

鄺彬強撐「石子地攤」 送《壹喜一周年紀念特刊》

好熱鬧,連鄺彬強都以實際行動力撐「石子地攤」呀,無條件送《壹喜一周年紀念特刊》俾讀者。十五少講到明「先到先得,送完即止」,即係派晒就無,即係叫你開攤首日好捧場喇,仲要早啲去添呀。

Read more ›
《新著龍虎門》1200期封面無氣勢 一連三期送Postcard

《新著龍虎門》1200期封面無氣勢 一連三期送Postcard

《新著龍虎門》來到1200期,無乜特別大鑼大鼓祝活動,簡簡單單送吓PostCard咁囉。嚟緊1200至1202期一連三期,分別會隨書附送普及版2款同書屋版1款Postcard,Total有9款,儲齊9款反轉背面可以合併成一幅大圖,都係博讀者買多幾個版本嘅伎倆,OK我接受喇。要彈嘅反而係,作為里程碑嘅1200期,個封面好似削咗啲喎。唔係畫得唔靚呀,而係無氣氛無氣勢囉,龍虎三皇加韋陀加王小鷹加王風雷加白仇各自擺Pose戙企,彼此零聯繫,係重新畫定用舊圖退地我唔敢肯定呀,但如此這般配個大紅底色封面就交貨,感覺係無乜點諗過,求求其其了事。Anyway,再講多句,作為死忠,封面都好小事,最緊要劇情,拜托,如果嚟緊故事走向可以「合理」番少少,我已經心滿意足了。鄺彬強,加油呀。

Read more ›
Wow!鄺彬強《新著龍虎門》蚩尤回歸+群英集結!

Wow!鄺彬強《新著龍虎門》蚩尤回歸+群英集結!

今期第1124期《新著龍虎門》惹來好大迴響,書末一個拳頭,配大大個「轟」字,再加一句反問:「還有誰?」著實讓一眾讀者樂上半天。連專欄都見到Q版蚩尤,蚩尤回歸畫到出腸架喇,於我係非常開心的,係吖嘛,無理由一代戰神俾條蛋散白朗三兩下搞死,仲要死無全屍,對上嗰Part戲,我係萬二分接受唔到的。家陣蚩尤疑似翻生,very fine,但希望彬強可以搞得好好睇睇,雖然知道好難,但懇請盡量唔好咁多犯駁,翻生?孖生兄弟?易容替死鬼定鏡花水月?條橋希望可以兜得唔好咁突兀喇。 另一個睇到我嘩嘩聲嘅場面,係「龍虎群英陣營集結」嗰頁,除咗王小龍、玉兒同大水牛,基本上齊晒腳,我承認我係易滿足,呢一頁足夠睇到我啲血熱晒架喇;But,諗深一層,呢鋪龍虎門精銳盡出,咁神武英明嗰邊得幾件十戰夠唔夠打架?齋數人頭都預見得到係人多蝦人少。王小虎、王風雷、石黑龍加多個白仇已經係SSS級,如果神武英明背後無其他高手支持,呢場交會變得強弱懸殊,太過正強邪弱的話,好睇極有限。

Read more ›
港漫主題茶仔 鄺彬強《新著龍虎門》變間檯圍板

港漫主題茶仔 鄺彬強《新著龍虎門》變間檯圍板

無記錯的話,三年前已經拜訪過「兩合特色餐廳」,茶仔格局但牆身同柱位都掛滿港漫高手畫作,打卡打到我手軟。疫情來襲玩殘食肆,老闆Eric Ng好好心思地將港漫畫作印製成落地屏風式圍板,以使檯與檯之間保持一定距離。除之前嘅栢迪、司徒劍僑、馮志明等人外,最新連鄺彬強嘅《新著龍虎門》封面都變成圍板,睇個勢又要去多一次打卡了。

Read more ›

鄺彬強出精采截圖 你今日買咗《新著龍虎門》未?

鄺彬強出精采截圖 你今日買咗《新著龍虎門》未?

瘋狂洗版,有Noise有Voice,易手後由鄺彬強扯頭纜嘅第1118期《新著龍虎門》係今日港漫界焦點,睇留言九成九都係讚,總算開到個靚頭,恭喜恭喜。我當然有買書喇,嗱,呢個Post啲截圖係出自鄺彬強面書,我無劇透呀……不過都忍唔住講少少,王小虎喺八號風球下用降龍十八腿力戰嘍囉,一招一式有板有眼,呢種招接招一氣呵成嘅感覺真係久違了,呢啲先係格與格之間、每個肢體動作都有關連嘅真正「連環圖」吖嘛。唔係講笑,我係睇得好開心的,仲翻睇咗兩次,都唔知幾多年未試過同一本港漫睇三次了。睇公仔書求開心,我想個個禮拜都咁開心,希望鄺彬強嘅製作團隊可以撚盡十二成功力,唔好再玩無厘頭死而復生、唔好無端端整死重要主角、唔好有爺孫戀、唔好再提飛昇甚至唔好再出老祖宗,回饋我等仍真金白銀買實體港漫嘅港迷漫喇。

Read more ›
鄺彬強揸旗 《新著龍虎門》推出三期賀圖特別版

鄺彬強揸旗 《新著龍虎門》推出三期賀圖特別版

係好好好好好期待嘅,鄺彬強重掌《新著龍虎門》,10月7日出版,我萬二分開心。新人事揸旗,梗係要搞吓特別版,嚟緊第1118、1119同1120一連三期會推出9+1特別版,每期包一書一唔同主筆嘅複印賀圖畫板三塊,參與主筆有柏迪、馮志明、司徒劍僑、黃水斌、胡紹權、葉明發、米奇、夏偉義同周勝,每期各售$138,畫板Size為15x15cm,9塊畫板儲齊,可以合併為1118期封面圖,都幾有心思。早鳥優惠,提早向「至Goal Club」預訂,送多塊阮大勇賀圖畫板,正呀喂。

Read more ›
鄺彬強+黎智昌版《新著龍虎門》 最新宣傳海報

鄺彬強+黎智昌版《新著龍虎門》 最新宣傳海報

鄺彬強開Post話接手《新著龍虎門》後,話咁快黎智昌面書就出咗幅宣傳圖,簡簡單單四個字「強者再臨」,好有氣勢咁款。Very good,希望你倆可以撚盡十二成功力,回饋我等仍真金白銀支持港漫嘅讀者。加油呀,一億個支持。

Read more ›
鄺彬強開Post 公開拉黎智昌埋班接手《新著龍虎門》

鄺彬強開Post 公開拉黎智昌埋班接手《新著龍虎門》

終於肯肯定落實了,鄺彬強剛剛喺面書開Post,簡簡單單留低幾隻字:「10月,期待大家多多支持!」拉頭纜者係鄺彬強本尊加黎智昌。真心Mode,希望《新著龍虎門》喺佢哋帶領下,可以做到「英雄不死,誓將重燃希望;陣容集結,必定掀起風雲」吧。

Read more ›
官宣《新著龍虎門》易手 鄺彬強接棒

官宣《新著龍虎門》易手 鄺彬強接棒

正式官宣了,今期第1113期《新著龍虎門》專欄「主編話」咁寫:「《新著龍虎門》本團隊由1047至今期1113,共創作了66期,到完成第1117期後,將交由另一團隊『壹喜多媒體有限公司』接手。負責人是曾經共事多年的鄺彬強。」得罪,坦白講,我諗Including me……好多讀者都會覺得呢個係天大好消息,希望鄺彬強可以將呢本曾經帶畀我無窮歡樂嘅公仔書起死回生喇。我喺度諗,如果……雖然都知無乜可能,可唔可以由1046期重新Reboot一次?當1047至1117期鏡花水月般無發生過?有咁嘅諗法,係咪好過份?

Read more ›

《天妖玄奇》換徐大寶做美術主筆 加兩Part床戲得唔得?

《天妖玄奇》換徐大寶做美術主筆 加兩Part床戲得唔得?

其實早幾個禮拜都已經吹緊風了,今個禮拜終於塵埃落定。今期第23期《天妖玄奇》書末專欄,已經由「彬彬有禮」改為「妖‧徐便講」,「徐」者,徐大寶是也,即係話美術主筆一職,正式由徐大寶頂替鄺彬強。Fine,久違了的徐大寶揸旗,唔知會唔會加番兩三番Part床戲呢?計落,嗯……海奇同姬發呢Pair唔錯,玄舞同問天就擺明會發展成情侶,尤其剛剛出場嘅九尾孤仙,直頭係淫娃妖精潛力股,有得諗喎。

Read more ›
黃玉郎+鄺彬強8月出新書《國士無雙戰國殺》!文敵都有份?

黃玉郎+鄺彬強8月出新書《國士無雙戰國殺》!文敵都有份?

睇完今期第17期《天妖玄奇》,劇情推進稍為明快咗多少,但仲係唔太睇得出主線脈絡喺邊,只隱隱感覺到風竹應該會因妒生恨變反派、問天同契爺玄舞會互生情愫、海奇應該會出賣姬發、金甲龍尊應該同天龍世子正式決裂開拖,而全書比劇情更驚喜驚奇者,盡在書封底廣告。驚喜者──黃玉郎加文敵加鄺彬強8月將推出新書《國士無雙戰國殺》,仲很精準地講實全書有386頁,保證一氣呵成云云,連頁數都有,斷估唔會唔成事啩?驚奇者──文敵?喂,文敵唔係已經魂歸天國咩?遺稿定點?好想知,希望下期「玉郎一週」可以開估。

Read more ›
鄺彬強《消失的十二守護》開訂 早鳥價$35

鄺彬強《消失的十二守護》開訂 早鳥價$35

叻叻叻!已經孭住一本《龍虎5世3世仇》喺身,估唔到鄺彬強仲有時間推出新書《消失的十二守護》。新書唔係傳統港式薄裝漫畫,睇封面畫風應屬兒童向,佢本尊咁樣簡介:「一本適合大人小朋友觀看的冒險漫畫故事書,功夫場面生動惹笑,全書充滿正能量!」正能量呀喂,即係大人細路啱睇。全書64頁,內容黑白,每本$48,早鳥價$35。向「至Goal Club」或「尋回‧漫畫檔」預訂,頭50位讀者多一個親筆簽名。報告完畢,希望大家多多支持。

Read more ›
網圖分享:Eric Ng的面書版「七十二大圖集」

網圖分享:Eric Ng的面書版「七十二大圖集」

好早知道大好人Eric Ng會聯同曹志豪推出《七十二行》實體畫集,畫集會喺書展出版,有三十幾個畫手參與,另有四十幾幅插圖,會集畫、相同文字於一身,我係好拭目以待嘅。書展未到,畫集未有得睇,但可以睇住面書版迷你「七十二大圖集」先,Eric Ng力邀眾畫手用Q版畫香港老行業,每星期Share十張畀大家欣賞。靚畫固然好睇,睇完,你又估唔估到畫緊乜老行業?

Read more ›