Post Tagged with: "鄰居"

【有片】痴心喵星人經常送花俾鄰居   怕怕醜醜超可愛
by / on 06/05/2018 at 4:00 pm

【有片】痴心喵星人經常送花俾鄰居 怕怕醜醜超可愛

好sweet呀,呢隻喵星人經常送花俾隔離屋嘅鄰居,睇片見佢用口擔住朵花送到去鄰居門前,之後放低又唔敢望人,怕怕醜醜咁超可愛!唔知佢係送俾開門嗰位人類,定係對方屋企養嘅喵呢?

Read more ›

外國網民發現可愛鄰居      海牛郵箱間中「變裝」
by / on 21/12/2017 at 7:15 am

外國網民發現可愛鄰居 海牛郵箱間中「變裝」

屋企隔籬住咗個可愛嘅鄰居,生活都開心啲。外國有網民放咗幾張相上Twitter後好多人RT,佢嘅鄰居用緊一個巨型嘅海牛郵箱,本身已經好可愛,更可愛嘅係鄰居不時會同呢隻海牛變裝,有時著雨褸,有時扮聖誕老人,令佢每次經過都有期待,有驚喜。好多人留言叫樓主去讚吓鄰居,有人話自己屋企附近都有鄰似嘅創意鄰居,講真係幾開心嘅。

Read more ›
【賊仔喵】喵星人專偷鄰居底褲 主人寫字條尋物主
by / on 23/03/2016 at 7:13 am

【賊仔喵】喵星人專偷鄰居底褲 主人寫字條尋物主

外國嘅喵星人比較自由,經常可以出街玩,不過就好易出事。好似呢隻住喺紐西蘭嘅女喵星人Brigit,主人發現佢每次出街玩完都會帶啲男裝底褲同埋襪返屋企。最近佢哋準備搬屋,摷返晒Brigit嘅「戰利品」出嚟放上Reddit,好快就被瘋傳。主人Sarah Nathan寫咗張字條放喺每個鄰居嘅信箱,提佢哋留意吓自己有無唔見嘢,另一方面,佢哋將會搬去郊區,希望呢隻賊仔喵收心養性,唔好再犯案嘞!

Read more ›
日本創意投訴鄰居方法 WiFi改名:「啪啪啪太嘈嘞!」
by / on 30/10/2015 at 7:37 am

日本創意投訴鄰居方法 WiFi改名:「啪啪啪太嘈嘞!」

其實都係唔錯嘅方法!日本市區住宅密度比得上香港,咁住得近間房就自然特別應聲啦,如果隔籬房住咗一對情侶‥‥‥有時嘈起上嚟都幾煩惱。想投訴有咩方法?有日本人就發現自己搜尋屋企附近WiFi時發現有個好奇怪嘅名:「セックスうるさい」(啪啪啪太嘈嘞),外國都有人分享過鄰似嘅WiFi網名:「Stop being so fucking loud.」、「I can hear you having sex」,連狗仔都被投訴:「Your Dog Shits In My Yard」,睇嚟怨氣好重。不過重點係,被投訴者會唔會睇倒呢?咁發洩吓不滿都好過屈屈埋埋嘅。

Read more ›
【有片三連發】爆笑熊家庭潛入鄰居水池      清水浸完變濁池
by / on 01/09/2015 at 7:10 am

【有片三連發】爆笑熊家庭潛入鄰居水池 清水浸完變濁池

大熱天時有乜好得過跳落人哋屋企個水池玩咁爽?呢一家六口嘅黑熊最近就好唔怕醜咁走咗去隔籬屋後花園玩,一齊跳落比小朋友嬉水嘅泳池仔浸水不特止,仲玩埋人哋阿囝個私家滑梯。呢間屋嘅主人Tim Basso好有品,無出去阻止佢哋,只係離遠喺屋入面zoom埋去拍片,以免嚇親班熊仔。條片分成3 part,好快已經過咗5百萬點擊,睇住一大五細玩到好盡興,最正係玩完水之後拍吓蘿柚走人,而個水池就由之前清到見底,變到一片混濁灰濛濛,爽!一家六口沖完涼乾淨晒!

Read more ›
【小偷喵】專偷鄰居拖鞋 喵主開IG失物物主專用
by / on 26/08/2015 at 7:11 am

【小偷喵】專偷鄰居拖鞋 喵主開IG失物物主專用

呢隻住喺Portland嘅喵星人Snorri Sturluson好曳,最鐘意偷鄰居嘅嘢,特別係鞋,偷完拎晒返自己屋企喺主人面前炫耀,搞到主人超無奈。睇相見主人推出嚟嘅一車鞋,入面起碼有50隻唔同款嘅鞋,好誇張!為咗令鄰居搵得返佢哋嘅失物,主人幫呢隻小偷喵開咗個IG戶口,將佢平時偷返嚟嘅賊贓放上網,鄰居可以看圖搵失物。雖然佢IG上面嘅相一臉無辜,但千祈唔好比佢呃倒呀!

Read more ›

新片速報     變態鄰居夜晚碌保齡      樓下住客瘋狂被玩
by / on 12/04/2015 at 12:39 pm

新片速報 變態鄰居夜晚碌保齡 樓下住客瘋狂被玩

經常都會聽到樓上半夜三更有彈珠聲之類嘅雜音?住得高樓大廈都應該遇唔少,有人解釋過係因為鋼筋相撞產生嘅振動而造成,不過外國有YouTuber「Above Average」就好過份,專登做一系列怪聲玩樓下嘅鄰居,包括夜晚碌鐵桶、將粗鐵鍊掟落地、凌晨兩三點掟過百粒波子落地、碌保齡甚至怪叫。終於樓下鄰居頂唔順衝上去問,佢兩夫妻就扮無嘢,賤到極點,遇著啲咁嘅樓上住客,真係慘無人道。

Read more ›