Tag: 鄭健和

繼續撐 鄭健和《西遊珍藏本》卷二十見街

繼續撐 鄭健和《西遊珍藏本》卷二十見街

話晒都係和仔大人暫別港漫界嘅最後長篇作品,買開嘅又點會唔買?最新《西遊珍藏本》卷二十已經見街,售$128,送明信片一張。報告完畢。

Read more ›

《我和殭屍有個約會》創刊 梁偉家出圖宣傳

《我和殭屍有個約會》創刊 梁偉家出圖宣傳

買咗喇,今日《我和殭屍有個約會》創刊,唔貼內文圖費事劇透,只可以講成本書有幾分和仔大人味道,係鄭健和Fans不容錯過。至於整體質素,不過不失喇,唔算甚麼曠世巨著,都係嗰啲你估得到嘅套路,製作尚算嚴謹,睇完唔會呻笨,$25合格有餘⋯⋯

Read more ›
記得買書 鄭健和《西遊》珍藏本卷十六見街

記得買書 鄭健和《西遊》珍藏本卷十六見街

「豐林文化」有出Post,提醒我係時候要出旺角走一轉,買鄭健和《西遊》珍藏本卷十六。老例,售$128,隨書附送明信片一張。話時話,我真係好無記性,封面條女係邊個?我醒唔起呀。

Read more ›
鄭健和《西遊》珍藏本卷十五見街

鄭健和《西遊》珍藏本卷十五見街

唔明點解豐林文化同Bookone都無出Post宣傳,反而睇完今期第10期《妖怪道》書末宣傳圖,先知鄭健和《西遊》珍藏本卷十五已經見街。老例,售$128,隨書附送明信片一張,今期禮拜尾又要出旺角買書了。

Read more ›
《妖怪道》寫錯出版日期 Bookone出Post致歉

《妖怪道》寫錯出版日期 Bookone出Post致歉

Oh!今期第9期《妖怪道》嘅下期預告寫錯咗「《卷十》猿王爭霸篇3死亡獻祭」將會喺「九月二十三日星期四準時出版」,好明顯係睇錯日曆。聖人都有錯,最緊要有錯要認,何況並唔係大錯,Bookone亦已經即時喺面書出Post補鑊,有擔當,就畀番個Like和仔大人喇。記住,正確出版日期係九月三十日,下個禮拜四唔該繼續買書。

Read more ›
鄭健和《西遊》珍藏本卷十四見街

鄭健和《西遊》珍藏本卷十四見街

心諗點解有關方面咁耐都未出Post嘅?今期第6期《妖怪道》終於出咗宣傳廣告了。鄭健和《西遊》珍藏本卷十四已經見街,封面係捨身畀白狼嘅悲劇角色一虎,售$128。老例,隨書附送明信片一張,快啲買。

Read more ›

鄭健和《西遊》珍藏本卷十三見街

鄭健和《西遊》珍藏本卷十三見街

時間過得好快,唔覺唔覺又出書了,我都差啲Miss咗。鄭健和《西遊》珍藏本卷十三已經見街,封面係人見人愛嘅牛小妹,售$128。老例,隨書附送明信片一張,咪買漏呀。

Read more ›

提你買書!鄭健和《妖怪道》7月29日見街!

無乜特別嘢,提提大家聽日記得買書啫,《妖怪道》7月29日正式見街,記得捧和仔大人場呀喂。

Read more ›
《黑天龍》完結 鄭健和《妖怪道》7月29日見街

《黑天龍》完結 鄭健和《妖怪道》7月29日見街

鄭健和《黑天龍》今期第27期正式完結,黑龍無晒兄弟、愛人同朋友,去到尾都唔知救唔救得番白龍,好慘慘豬。書就完了,但大家可以放心,下個禮拜唔會少咗一本公仔書睇,7月29日《妖怪道》會緊接出版,屬《西遊》外傳,大家繼續捧和仔大人場吧。

Read more ›
《黑天龍》第27期完結 新作《西遊‧妖怪道》加價至$25

《黑天龍》第27期完結 新作《西遊‧妖怪道》加價至$25

事先張揚,和仔大人喺今期第23期《黑天龍》專欄透露,《黑天龍》將會喺第27期完結,仲話估計最後一期會加多四頁添。另,之後佢會推出新作《西遊‧妖怪道》,並加價至$25,希望大家繼續捧場喇。兩蚊啫,食茶餐A飲少次凍飲都喺番度,你無理由唔撐架?

Read more ›
提你買書 鄭健和《西遊》珍藏本卷十一6月1日見街

提你買書 鄭健和《西遊》珍藏本卷十一6月1日見街

時間過得好快,鄭健和《西遊》珍藏本卷十一將於6月1日見街,故事已經推進到〈妖怪大道篇〉大結局,售$128。老例,隨書附送明信片一張,提提大家咪買漏。

Read more ›

提你買書 鄭健和《西遊》珍藏本卷十5月5日見街

提你買書 鄭健和《西遊》珍藏本卷十5月5日見街

無乜特別嘢,純粹提醒大家記得買書咁解啫。鄭健和《西遊》珍藏本卷十將會喺5月5日見街,售$128,隨書附送明信片一張,咪買漏呀喂。

Read more ›
網圖分享:亞傑多二創 大拳老都睇《天妖玄奇》

網圖分享:亞傑多二創 大拳老都睇《天妖玄奇》

亞傑多係一個非常盡責嘅港漫從業員,除咗期期都撚盡十二成功力幫和仔大人同邱福龍畫封面外,得閒仲會玩吓二創,幫其他港漫宣傳。就好似《天妖玄奇》創刊咁,佢將創刊號封面Key入《封神紀‧黑天龍》第10期封面,變成──大拳老都捧黃玉郎場呀喂。我笑點低,笑咗。

Read more ›
《黑天龍》第26期完結 和仔大人續出《妖怪道》

《黑天龍》第26期完結 和仔大人續出《妖怪道》

短篇好,唔使夾硬拖長,有頭有尾有高潮就OK。據今期第8期《黑天龍》「和仔專欄」透露,《黑天龍》將於第26期完結,計番即係仲有四個月多啲就完。而和仔大人亦好有計劃,完書之後會推出《妖怪道》,屬長中短篇未知,再之後……佢話打算「放一個超級長假」喎,吓?個假唔好放咁長喎,太長時間無和仔大人書睇的話,我會周身唔聚財的。

Read more ›
鄭健和《西遊》珍藏本卷八 3月15日見報

鄭健和《西遊》珍藏本卷八 3月15日見報

留意番,鄭健和《西遊》珍藏本卷八提早喺3月15日見街,隨書附送明信片一張,故事已經去到〈妖怪大道篇〉第二輯,每本$128。大家咪買漏呀。

Read more ›