Post Tagged with: "鄧達軒"

Wing Law中秋義賣 邱福龍贈親筆畫表揚
by / on 05/09/2018 at 8:45 pm

Wing Law中秋義賣 邱福龍贈親筆畫表揚

大好人Wing Law又做善事喇,嚟緊會喺「兄弟二手漫畫店」舉辦「關懷弱勢社群·同心同行愛心義賣」,港漫薄裝散書每本$10,日漫套裝漫畫每本$10起。一如以往,籌得善款會捐畀深水埗明哥,惠及基層。好事傳千里,Tommy、鄧達軒、林業慶同邱福龍都贈親筆畫畀Wing Law,以表讚揚,呢啲咪好人有好報囉,請大家多多支持喇喂。另,提埋大家,為環保出一分力,請自備手推車同環保購物袋。

Read more ›

書展必搶《七十二行》實體書
by / on 09/07/2017 at 1:00 pm

書展必搶《七十二行》實體書

今年書展,有一本書我係必買嘅,就係Eric Ng、Pen So同曹志豪擔頭嘅《七十二行》,唔使多介紹,淨係掟一咋參與畫手個大名出嚟,我諗都好難唔買。負責插圖嘅畫手有009、Alan Wan、Cha Cha Chan、Cody Chow、Cuson、Man Tsang、Noel Mok、Pariz Wong、Pen So、Peter Ng、Tony Yim、Yeung Siu、甘小文、白水、米奇、亞傑多、夏偉義、袁家寶、張君豪、曹志豪、梁光明、梁偉安、梁偉家、梁瑋豪、畢亦樂、陳科琳、葉明發、塵阿力、鄧達軒、蕭世順、戇男,主題當然係香港老行業,仲有文字介紹作補完,估計應該好襟睇吓。家陣封面曝光,型到一個點,唔買係你損失,我話嘅。

Read more ›
網圖分享:Eric Ng的面書版「七十二大圖集」
by / on 29/06/2017 at 12:00 pm

網圖分享:Eric Ng的面書版「七十二大圖集」

好早知道大好人Eric Ng會聯同曹志豪推出《七十二行》實體畫集,畫集會喺書展出版,有三十幾個畫手參與,另有四十幾幅插圖,會集畫、相同文字於一身,我係好拭目以待嘅。書展未到,畫集未有得睇,但可以睇住面書版迷你「七十二大圖集」先,Eric Ng力邀眾畫手用Q版畫香港老行業,每星期Share十張畀大家欣賞。靚畫固然好睇,睇完,你又估唔估到畫緊乜老行業?

Read more ›
漫畫星光大道週年同樂日 主筆親筆畫板曝光
by / on 19/01/2017 at 11:00 am

漫畫星光大道週年同樂日 主筆親筆畫板曝光

之前介紹過「香港漫畫星光大道週年同樂日」喺呢個禮拜六舉行,大家有無興趣?個心仲係十五十六?依家黄玉郎、馬榮成、邱福龍、阮大勇、李志清、鄺彬強、馬星原、Cuson、陳某、黃國興、鄧達軒等主筆親筆畫曝光,會唔會吸引力大增?唔只我你他等港漫迷,就連雪晴都話:「粒粒巨星……阮生嗰張我都好想抽中…想要」,我呢,就最鍾意邱福龍嗰張嘞。

Read more ›
有片:《海報師:阮大勇的插畫藝術》加推70分鐘加長版
by / on 02/11/2016 at 7:00 pm

有片:《海報師:阮大勇的插畫藝術》加推70分鐘加長版

《海報師:阮大勇的插畫藝術》有口皆碑,依家決定添食加推70分鐘加長版,有埋Trailer宣傳,片中鍾鎮濤話自己拍電影就最鍾意阮大勇畫嘅海報;祈文傑讚海報勁在似與唔似之間;張煒以「每一張都係藝術品」激讚;李香蘭佩服頭髮光暗位同觸感拿捏得好精準;莊澄讚最好嘅香港電影都係由阮大勇畫海報;鄧達軒話海報對香港電影有好大影響;林祥焜慨嘆時代進步都唔應該淘汰美好舊事物;馬榮成坦言抄過阮大勇唔少,結論係──「一手畫下一個時代傳奇」……咁多人讚,真係無藉口唔睇,睇過嘅,值得再睇;之前無睇,更加要睇。

Read more ›
抵到爛!$10一幅畫板!《10大名家傲畫集Boxset》唔買唔得!
by / on 10/12/2015 at 10:30 am

抵到爛!$10一幅畫板!《10大名家傲畫集Boxset》唔買唔得!

利申!本網站真係無收錢賣廣告,但乘住「邱福龍x黑漫畫漫想世界」展覽推出嘅《10大名家傲畫集Boxset》真係唔買唔得。原因有二,一,印象中,無一本畫集可以Gather到十個港漫人一齊參與,《10大名家傲畫集Boxset》就有齊邱福龍、馮志明、張萬有、梁偉家、葉明發、廖光祖、馬遜、梁瑋豪、戴慶賢同鄧達軒Total十人稿件;二,Boxset包42幅畫板,全部重新創作絕非舊作翻印,而價錢係$420,即係每幅畫板$10,$10呀大佬,仲唔係抵到爛?Boxset分限量50盒會場版同200盒展覽紀念版,價錢一樣,仲唔快快搶?

Read more ›

《黑漫畫4》12月17日見街 老馮+福龍〈霸刀戰無極〉
by / on 03/11/2015 at 9:00 am

《黑漫畫4》12月17日見街 老馮+福龍〈霸刀戰無極〉

嘩,咁快手快腳,即係好賣喇!《黑漫畫3》都未翻睇第二次,話咁快就有《黑漫畫4》封面睇咯,封面依舊由福龍操刀,依舊係齋買封面都抵嗰隻。下期《黑漫畫4》主題係「再見英雄」,除張萬有、葉明發、梁偉家、廖光祖、戴慶賢、鄧達軒同馬遜外,內文故事有霸刀20周年頭砲〈霸刀戰無極〉,由老馮負責主編同起稿,福龍客串,如此陣容,諗吓都覺得熱血沸騰呀。有乜特別版暫時未知,淨係知鐵定12月17日見街,一億個拭目以待呀。

Read more ›
梁偉家封面版《黑漫畫》 香港漫畫Show率先發售
by / on 24/06/2015 at 7:00 pm

梁偉家封面版《黑漫畫》 香港漫畫Show率先發售

集合邱福龍、鄭健和、馮志明、梁偉家、鄧達軒、戴慶賢同廖光祖六大主筆成一書嘅《黑漫畫》,鐵定7月4日喺西九龍中心舉辦嘅香港漫畫Show率先發售,全書64頁,限量500本,附送抽獎卡一大張,每本$38。暫時有梁偉家封面版創刊號率先流出,但唔知點解封面一出,即時惹嚟好多網民負評,呢個話封面唔吸引,嗰個又話封面無焦點,仲話如果本書唔賣得,梁偉家要負全責云云。嘩,使唔使講到咁嚴重呀,連內容都睇就判人死刑,好唔公道啫。我就覺得個封面幾靚仔嘞,家家唔使驚,大把人撐你呀。

Read more ›
專講外星人 《黑漫畫》七月創刊
by / on 25/05/2015 at 3:00 pm

專講外星人 《黑漫畫》七月創刊

睇《鐵將縱橫》撈埋「福龍週記」,老早知道呢本《黑漫畫》嘅存在,本漫畫有幾黑呢?內容講乜呢?有邊個漫畫家參與呢?大家一直都係估估吓。依家唔使估嘞,梁偉家率先喺面書披露詳情──《黑漫畫》7月創刊,實際日期未知,估計會夾喺香港動漫節推出;參與港漫人有7位,各佔一篇幅,內容統一圍繞外星人各有各講故事,包括鄭健和《模擬遊戲》、梁偉家《Calling》、戴慶賢《Alien》、鄧達軒《In the beninning there was nothing》、廖光祖《五度空間》,邱福龍同馮志明都會參與,但故事名稱未定。有書睇,仲要有獎抽,梁偉家喺面書留言曰:「另外收藏家老闆Dicky見我地搞得咁高興,竟然話要搞多啲嘢,佢話不如隨書附送一張精美抽獎咭,得獎幸運兒會獲得神秘禮品一份……」期待,萬二分期待呀。

Read more ›