Post Tagged with: "鄧俊棠"

網圖分享:《天姬戰》賀圖
by / on 03/06/2020 at 2:45 pm

網圖分享:《天姬戰》賀圖

我都仲未買鄧俊棠《天姬戰》 ,打算呢個周末出旺角買,家陣睇住賀圖先。不厭其煩講多次,《天姬戰》全一冊,170頁,售$68。請多多支持本地創作。

Read more ›

鄧俊棠《天姬戰》彩色漫畫珍藏本$68
by / on 19/05/2020 at 8:30 pm

鄧俊棠《天姬戰》彩色漫畫珍藏本$68

鄧俊棠之前喺《漫畫Buddy》連載嘅《天姬戰》,將會獨立成全彩色漫畫珍藏本登場,全一冊170頁,售$68。另有包一書、一文件夾同兩個卡通鎖匙扣嘅套餐,套餐價$150。嚟緊6月出版,請多多支持本地創作,報告完畢。

Read more ›
《漫畫Buddy》第二期今日見街 送貼紙每本$72
by / on 10/01/2017 at 10:30 pm

《漫畫Buddy》第二期今日見街 送貼紙每本$72

好嘞好嘞,講咗咁耐,《漫畫Buddy》第二期終於今日見街嘞,不過就要去特純漫畫店先買到,全書152頁彩色厚粉紙印刷,隨書附送貼紙一張,每本$72。數一數陣容,包括有Bryan Ng〈海武〉、李紅劍〈拔劍者》、Fai Cheng〈貓而騎士Kameow rider〉、金城〈人類修復計劃Restoration plan of human race〉、徐啟源〈初次之一口答應〉、海仔〈萬能鉸剪〉、陳明〈芳鄰〉、鄧俊棠〈天姬戰〉、簫海安〈魔幻月夜天〉同梁光明插圖式漫畫等等。都係老土嗰句,難得仲有熱血有心人肯出漫畫,我哋好應該支持吓,加油呀。

Read more ›
香港原創同人誌即賣會 撐《Comic O》一書18個故事
by / on 30/09/2016 at 9:15 pm

香港原創同人誌即賣會 撐《Comic O》一書18個故事

擒日介紹過「香港原創同人誌即賣會」,今日介紹埋屆時現場可以買到嘅同人誌畀大家Look Look──《Comic O》,全書有白水《No Flying》、009《不可挽回》、Jackson Ng《幸運者》、周蔭龍《可有記起愛?》、Triple Oddity《23:59》、徐啟源《火山口》及Pen So、鄧俊棠、謝森龍異等18個漫畫家參與,喺面書望過部份稿件,水準都好高吓。雖然唔知賣幾多錢一本,但一書有18個故事,仲要個個故事都百分百原創,有排睇啦老友。唔阻大家時間望靚畫,望完,唔知有無增加大家嘅購買意欲?

Read more ›
八大主筆合繪!撐港漫!撐《童年同樂》!
by / on 07/07/2016 at 10:45 pm

八大主筆合繪!撐港漫!撐《童年同樂》!

見識少,真係唔知道上年原來有本專「繪出70、80後情懷」嘅《童年同閱》,今年再接再厲,出第二期取名《童年同樂》,同樣屬綜合漫畫,內容有漫畫、四格同繪本有,都係講番啲快被遺忘嘅童年趣事,我等七十後屋村仔應該好啱睇。望望主筆陣容,有蚊張、姜智傑、鄧俊棠、Man藏、白水、思詩同棉棉蜂,封面由孫威軍繪畫。係,唔講大話,當中我淨係欣賞過蚊張、白水同孫威軍嘅作品,至於Man藏,係咪即係曹志豪?估中無獎!估錯勿插!話晒有八個主筆參與,成日將「支持港漫」掛喺口邊嘅你,係咪好應該課金捧捧場先?書展推出,每本$88。

Read more ›