fbpx

Tag: 郵局

日本郵局超懷舊《多啦A夢》郵票    肥嘟嘟慶祝50週年

日本郵局超懷舊《多啦A夢》郵票 肥嘟嘟慶祝50週年

為咗慶祝《多啦A夢》,即係《叮噹》成立50週年,官方同日本郵局合作推出84円嘅郵票,用返1970年至1971年嘅多啦A夢同郵票設計,懷舊得嚟好特別,當年嘅叮噹仲肥嘟嘟好可愛。另外同日仲有63円郵票推出,有叮噹帶你去旅行,全部一式十個,今日開始發售,唔少日本朋友已經去咗買,有朋友住日本可以托佢幫手嘞。

Read more ›

日本「喵版哥斯拉」扭蛋      東京郵局期間限定

日本「喵版哥斯拉」扭蛋 東京郵局期間限定

日本人好鍾意哥斯拉,睇真啲,其實佢同喵星人都有幾分相似。最近就見到呢款貓版哥斯拉扭蛋,由8月23日起喺日本東京郵局嘅專用扭蛋機「ガチャポス」度可以搵到,一式五款,每款都有裝兇作勢嘅哥斯喵,好可愛,入嚟有多啲相睇。

Read more ›
日本郵局「瑪利奧紀念郵票」 今日發售好想買!

日本郵局「瑪利奧紀念郵票」 今日發售好想買!

日本郵局成日出特別版郵票,Mario之前2006年都出過8bit版郵票,最近又有新款,今次唔玩懷舊玩彩色,主題係Super Mario Bros.,今日開始喺日本發售。一套彩色郵票,每個82円,一套賣820円,有齊大叔、公主同Luigi,瑪利奧大叔企喺郵筒旁邊扮寄信嗰張仲好可愛添!今日仲會有主題郵票紀念郵戳,即係有埋日期嘅郵局印仔,好有紀念價值。發行數量2000萬枚,好想買!

Read more ›
【郵便喵】日本郵局出喵星人郵票    貓奴要買齊兩套

【郵便喵】日本郵局出喵星人郵票 貓奴要買齊兩套

日本郵局成日都有特別版郵票出,上年10月出過一個狗狗系列,而家已經斷晒貨,啱啱官方又宣佈會推出第二彈,今次主角改為一班可愛嘅喵星人,分52円同82円兩款郵票,一套有10個唔同款式,分別賣520円同820円,4月22日開賣,相信應該勁快賣斷,雖然唔係住喺日本,但香港貓奴應該都好想買返套儲!

Read more ›
【奇遇】喵星人收聖誕郵件 郵局要求出示身份證

【奇遇】喵星人收聖誕郵件 郵局要求出示身份證

呢單新聞好好笑,英國有位媽咪想寄個倒數聖誕嘅月曆(Advent Calendar)比呀女Brittany Maher-Kirk‥‥‥隻新收養嘅喵星人呀Ted,收件人佢仲寫埋「Ted Maher-Kirk Lindsey」。點知郵差派件當日屋企無人,於是佢哋要落去郵局攞返,但弊在攞郵件要身份證明,但喵星人Ted乜都無。最後呀女失敗而回,要親身打去郵政總局解畫。郵局方面都好幽默,仲問佢點解唔帶埋隻喵落去郵局,呀女就解釋因為喵星人無身份證啦,同埋因為有長期病所以唔適宜出街,最後當然係成功拎返份件啦,喵星人終於收到自己張咭好威威!當事人就將件事放咗上Facebook,吸引好多人討論,郵局之後接受訪問,話無正式統計過過去有幾多郵件係寄比喵星人嘅,不過佢哋就建議寫收件者嘅時候,可以寫埋寵物主人個名,咁主人就可以代收,亦唔駛勞煩喵星人收件嘅時候打手印嘞。

Read more ›
集郵有理由   超人75週年出郵票首日封

集郵有理由 超人75週年出郵票首日封

集郵呢啲嘢,我無做好耐,唔好亂諗,講緊嘅係加拿大郵局最新推出嘅一套超人Superman紀念郵票,原來今年已經係Superman誕生75週年,又原來,Superman係由加拿大人Joe Shuster同美國人Jerry Siegel喺1938年共同創造嘅,所以唔駛奇怪今次點解關加拿大事。除咗郵票,官方仲推出埋紀念畫集、首日封同postcard,有無朋友住加拿大?WhatsApp叫佢寄份比你啦。

Read more ›