Tag: 郭芷瑜

《古惑仔》搵俱樂部會長 牛佬擺街市勇上檯

《古惑仔》搵俱樂部會長 牛佬擺街市勇上檯

喺牛佬筆下,街市勇呢個角色已經死咗,但同樣喺牛佬筆下,街市勇不但翻生,仲上埋檯添。事緣牛佬喺第1987期《古惑仔》專欄,公開夾硬屈街市勇做「古惑仔俱樂部」會長,此文一出,嚇到街市勇即刻喺面書留言──Jack Suen(街市勇):「嘩~牛師傅一大清早乜搵啲咁嘅野嚟嚇鳩我呀早餐都爭小小噴出嚟。」笑到我碌地……

Read more ›

牛佬幫讀者賣廣告 持咭會員幫襯九尾狐染髮有九折

牛佬真係好抵讚,睇得出佢係真心同讀者有良好溝通,不但密密更新面書專頁,更願意花時間同讀者隔空吹水,雖然真係只得一個吹字,但睇完公仔書仲可以同作者吹兩嘴,呢$18抵畀喇。擒日買最新一期第1923期《古惑仔》,驚見牛佬竟然幫讀者賣廣告,白紙黑字寫住:「呢一次,又有一單荀嘢益吓我哋『持咭會員』嘞!嗱,你哋聽過蔽刊忠實讀者九尾狐嘅大名架啦!呢位靚女,對蔽刊好有感情嘅,當佢知道牛佬成日為咗『持咭會員』四圍爭取福利之後,就慷慨大方咁話──《古惑仔》『持咭會員』嚟我間染髮屋光顧,九折優惠!」九尾狐之名,忠實讀者如我梗知係乜水,真名郭芷瑜,牛佬攞咗佢個名作為《古惑仔》九尾狐一角,同李成克一對,又疑似對佐敦仔藕斷絲連,係幾討好嘅一個女角色。斷估,九尾狐見到牛佬幫佢賣廣告,實開心到飛天,希望持咭會員多多幫襯佢,好生意喇喂!

Read more ›