fbpx

Post Tagged with: "邱福龍"

《山海逆戰》勾徹似湯告魯斯/郭富城? 《火武耀揚》姜濤做角色原型得唔得?
by / on 07/01/2021 at 9:45 pm

《山海逆戰》勾徹似湯告魯斯/郭富城? 《火武耀揚》姜濤做角色原型得唔得?

邱福龍很勤力,每個禮拜都喺面書釋出《山海逆戰》封面,本周五出版嘅新一期書都唔例外,封面以大頭勾徹掛帥,兼老例地補多句「唔該亞傑多」。此圖一出,有Fans讚畫到真人一樣,有人話有美漫Feel,仲有人話勾徹個樣畫到有啲似郭富城、湯告魯斯添,我就覺得似碧咸多啲嘞,唔知大家覺得覺?歡迎大家留言講兩句。另,講開主角面相就純粹無聊諗,邱瑞新《火武耀揚》到依家都仲用緊明星臉做主角原型,例子有劉華係火武、金城武係耀揚、周柏豪係蝙蝠等等,計落都應該用咗超過廿年,家陣2021年了,可唔可以嘗試用吓新面孔呢?唔講邊個就講呢期紅到癲的姜濤,姜濤撈偏做古惑仔有無得諗先?瑞新,緊貼潮流吖嘛,諗諗佢吖。

Read more ›

復刻《龍虎門外傳之黑龍》開訂 特別版邱福龍畫新封面$188
by / on 05/01/2021 at 9:30 pm

復刻《龍虎門外傳之黑龍》開訂 特別版邱福龍畫新封面$188

死火,睇過未呢?印象中有買過,但內容又真係完全唔記得。復刻版《龍虎門外傳之黑龍》開訂呀喂,分兩個版本,一,普通版燙銀專銀封面,售$128;二,燙金專金版有邱福龍畫新封面,送多一幅石黑龍3D立體畫,限量200套,售$188。多本公仔書睇係好事,唔記得內容仲好,我直頭當新書睇,必買。

Read more ›
睇住先!邱福龍Q版勾徹Figure好快開訂!
by / on 31/12/2020 at 9:30 pm

睇住先!邱福龍Q版勾徹Figure好快開訂!

邱福龍開Post出圖交代Q版勾徹Figure進程,只簡單留言曰:「搪膠試作版!還欠千歲一條!」即惹來C-Hing們即時起哄──「儲錢等開訂。」、「表情似輸咗場波。」、「眼白怎麼了?」、「龍哥,個公仔有幾大個吖?」之聲不絕於耳,呢啲咪號召力囉。被問及何時開訂,龍少只回答一句:「快!」Fine,咁盡快啦,我都好心急想知成品如何呀喂。

Read more ›
邱福龍復刻版《龍神》開訂
by / on 31/12/2020 at 9:00 pm

邱福龍復刻版《龍神》開訂

印象中之前有買過,但借咗畀人無還定唔知點,總之家陣書櫃肯肯定無邱福龍鉅作《龍神》,若有所失。Fine,家陣話復刻,我當然舉腳贊成。復刻版《龍神》分兩個版本,一,精裝版,豪華硬皮封面,送龍神雷射卡,售$168;二,普通版,珍珠紙封面,送神中神雷射卡,售$128。「收藏家港漫專區」開訂,無得唔買,我一定買。

Read more ›
收藏家港漫專區收2021年會員 入會送會員卡+文件夾+匙扣
by / on 18/12/2020 at 9:30 pm

收藏家港漫專區收2021年會員 入會送會員卡+文件夾+匙扣

衰到貼嘅2020年就快過去,「收藏家港漫專區」開始招收2021年新會員,新入會會費$48,入會即送3D立體會員卡、《福龍週記》文件夾同磨砂Dark金屬匙扣各一;而舊會員續會呢,會費都係$48,加送《刀劍笑》3D立體三連卷。撐龍少,請快快入會。

Read more ›
《山海逆戰》第215期特別版開訂 包立體書籤$100
by / on 15/12/2020 at 3:45 pm

《山海逆戰》第215期特別版開訂 包立體書籤$100

《山海逆戰》第215期將推出特別版,特別版分A同B,各包特別封面專刊同一套四張立體書籤,各售$100,各限量300套。撐龍少,無得唔買,家陣開訂,有買趁手。

Read more ›

邱福龍《山海逆戰封面畫集:海之書》開訂
by / on 27/10/2020 at 7:00 pm

邱福龍《山海逆戰封面畫集:海之書》開訂

又係時候甘心情願地畀錢龍哥使喇,《山海逆戰封面畫集:海之書》每本$350,11月30日前訂購,送多份有龍哥親筆簽名嘅神秘禮物。另,買畫集加多$40,即可換購勾徹護國神將3D立體畫、月落星狂3D立體畫、《福龍週記》收藏版或《山海黑稿畫集》,四揀一,慢慢揀。報告完畢。

Read more ›
我的第二最愛 超靚《山海逆戰》第200期封面
by / on 24/09/2020 at 3:45 pm

我的第二最愛 超靚《山海逆戰》第200期封面

聽日出版嘅《山海逆戰》第200期,龍少喺面書釋出咗封面,真係好靚,構圖佈局人物擺位好華麗,每一條線都見到功力所在,一定要Save低起佢做Wallpaper。唔知大家有無呢鋪癮?我就咁嘅,每新一期《山海逆戰》拎上手,會先花一兩分鐘聞封面,然後睇福龍週記,最後先睇內文。不過芸芸咁多期靚爆封面之中,於我第200期封面只算第二最愛,第一最愛始終係第48期〈神魔鬥〉。Click入嚟睇睇第48期係點,睇吓大家同唔同意?

Read more ›
邱福龍事先張揚 《山海逆戰》唔會有300期
by / on 21/09/2020 at 8:15 pm

邱福龍事先張揚 《山海逆戰》唔會有300期

《山海逆戰》就快200期,大家好期待呀呵?邱福龍今日卻喺面書事先張揚,話唔會有300期,因為估計玩多一年咁上下時間就會大結局,期數同《鐵將縱橫》差唔多。一年有52個禮拜,照計數即係推出多五六十期就完。另,佢話完書之後想推出一個《山海逆戰》中編,估計六七十期左右,仲要係時裝背景!時裝?異獸、人面獸、大神、外星人等等等等出現喺現實世界係乜光景?有啲期待喎。龍哥,加油呀。

Read more ›
《山海逆戰》200期 加推跨版專銀黑稿封面紀念版
by / on 16/09/2020 at 10:30 pm

《山海逆戰》200期 加推跨版專銀黑稿封面紀念版

快喇快喇,邱福龍《山海逆戰》就快去到200期喇,恭喜恭喜。為隆重其事,龍少決定加推一個跨版專銀黑稿封面紀念版,限2000本,唔加價,繼續賣$23。幫襯「收藏家港漫專區」的話,會送多你一張明信片添。鍾意儲特別版封面嘅朋友,應該會大呼過癮。

Read more ›
邱福龍Venomized Iron Man人偶 實物+設計圖先睹為快
by / on 11/09/2020 at 2:45 pm

邱福龍Venomized Iron Man人偶 實物+設計圖先睹為快

擒日報導過邱福龍聯乘Hot Toys推出嘅Venomized Iron Man人偶,原來已經有實物睇。想打卡的話,今個禮拜尾可以去信和「Hot Toys Secret Base」朝聖。人偶Of course任影,正在仲有Backdrop展示龍哥嘅造型設計圖,先睹為快呀喂。

Read more ›

網圖分享:梁偉家畫港漫界前輩
by / on 10/09/2020 at 9:15 pm

網圖分享:梁偉家畫港漫界前輩

梁偉家又畫興大發了,喺面書登咗五幅畫作,畫嘅係港漫界五位前輩──上官小強、上官小寶、邱福龍、馮志明同馬榮成。雖然只係黑白稿,但人像大頭素描極神似,壽星仔、鐵縱橫、聶風、李小龍同橫刀等漫畫角色嘅神髓亦出晒嚟,值得畀掌聲,啪啪啪啪啪。

Read more ›
邱福龍 x Hot Toys推出Venomized Iron Man人偶
by / on 10/09/2020 at 8:45 pm

邱福龍 x Hot Toys推出Venomized Iron Man人偶

Wow,好型呀,真心好想擁有呀。邱福龍聯乘Hot Toys推出Artist Collection Venomized Iron Man 1:6特別版珍藏人偶,約35cm高,分特別版同普通版。特別版可以換右手,揸埋把魔化咗嘅長劍,售$2680。有幾型?都唔嘥咁多時間打字形容,自己睇相喇。我呢,覺得最型係條脷呀。

Read more ›
去收藏家港漫專區消費$8 送《山海逆戰》明信片
by / on 08/09/2020 at 10:15 pm

去收藏家港漫專區消費$8 送《山海逆戰》明信片

去現時點買Lego,食完個Tea再去信和「收藏家港漫專區」買漫畫,都唔知成為我幾多個禮拜六嘅節目。呢間我留過唔少腳毛嘅漫畫店原來已經開咗八年,為慶祝,聽日消費滿$8,即送一套8張邱福龍《山海逆戰》角色造型明信片,有著數,大家多多幫襯喇喂。

Read more ›
邱福龍 x Hottoys搖搖車 親筆宣傳畫
by / on 07/09/2020 at 7:00 pm

邱福龍 x Hottoys搖搖車 親筆宣傳畫

邱福龍聯乘Hottoys推出Marvel系列Q版搖搖車,暫時所見有星爵、死侍、黑豹、洛基同美國隊長。為此,佢畫咗五幅畫作幫手宣傳,車與畫皆正,唔知賣幾錢呢?唔知會唔會變成實體印製品隨車奉送呢?我好想擁有,係全部,五架車都想要晒。

Read more ›