fbpx

Tag: 邱福龍

邱福龍《山海逆戰》賀歲孖寶版$50 送補原貼紙+利是封

邱福龍《山海逆戰》賀歲孖寶版$50 送補原貼紙+利是封

邱福龍係抵讚嘅,抵我咁捧佢場,出錯咯,咪送番啲嘢甜吓真金白銀買書嘅讀者囉,之前有一格想交代勾徹臂骨盡碎但畫錯咗,佢決定送番張貼紙仔聊表心意喎。1月26日推出嘅《山海逆戰》賀歲孖寶版無加價,Total兩期內容售$50,無話屈多你十蚊八蚊,咁特別版當然有喇,不過就要喺「收藏家港漫專區」購買,又送補原貼紙又送雷射環保利是封又送福龍週記Postcard又盛,好難唔撐。

Read more ›

邱福龍《山海逆戰》彩色珍藏本第3期 12月8日見街

邱福龍《山海逆戰》彩色珍藏本第3期 12月8日見街

家居淺窄,儲單行本不了,儲珍藏本方為正路。提一提大家,邱福龍《山海逆戰》彩色珍藏本第3期鐵定12月8日見街,內容輯錄第21至30期內文,普通燙銀版$128,限量鐳射硬皮特別版$168,隨書附送炎帝人形公仔名片,又係時候畀錢龍哥使嘞。

Read more ›
邱福龍《山海逆戰》五週年 勾徹搪膠公仔11月29日有辦睇

邱福龍《山海逆戰》五週年 勾徹搪膠公仔11月29日有辦睇

五年,唔覺唔覺原來《山海逆戰》推出咗五年,而講咗唔知幾耐嘅勾徹搪膠人型公仔,亦成為五周年重點推介Product。邱福龍聯乘M3 Studio出品,唔知到時賣幾多錢呢?實物會喺11月29號喺「收藏家港漫專區」展覽。另,或者因為搪膠公仔本身Based on早期出場造型計,兼係Q版,當對比番呢幾期暴戾咗嘅勾徹,我即時有種怪怪感覺,唔知大家有無咁嘅感覺?

Read more ›
邱福龍《山海逆戰》五週年紀念號 首推雷射閃彩畫板

邱福龍《山海逆戰》五週年紀念號 首推雷射閃彩畫板

拖橋?我真係唔覺喎,真心覺得邱福龍撚盡十二成功力,呢幾期《山海逆戰》高潮迭起喎,嚴笑天死得咁樣衰,我都不知睇得幾暢快。時間過得飛快,11月5日出版嘅第258期係《山海逆戰》五週年紀念號,推出特別版好合情合理,全三款,各包聲稱全港首創嘅雷射閃彩畫板同專刊各一,各限量100套,各售$180。最好梗係三款買齊喇,我代龍哥多謝你。

Read more ›
姚昌明《漫‧画中人2021香港自由畫會作品展》 送福龍Tee

姚昌明《漫‧画中人2021香港自由畫會作品展》 送福龍Tee

之前報導過姚昌明會舉辦《漫‧画中人2021香港自由畫會作品展》,原來唔只有畫睇,仲有限量版邱福龍Tee同Postcard送,不過就暫時未知點送法。留意番,白Tee一件,上有大拳VS萬歲圖案,我好想要呀。

Read more ›
讀者不忿姜崢死要脅Cut《山海逆戰》 邱福龍開Post回應

讀者不忿姜崢死要脅Cut《山海逆戰》 邱福龍開Post回應

原來唔只我唔捨得,看來《山海逆戰》姜崢之死真係惹來好大回響。話說邱福龍喺面書開Post,話就長短手之死收到讀者傳真,內容話佢:「十分變態⋯⋯害死咁多好人,係咪為咗谷書而專登死人?」難得龍少無動氣,仲保證姜崢之死絕對有後著,兼好禮貌咁話:「希望呢位讀者唔好口中咁講cut我書。」就此事,可以睇到三點。一,《山海逆戰》係好睇嘅,唔好睇的話就死邊個邊個都無人理喇,證明此書喺廣大港漫迷心目中始終有好高地位,亦證明姜崢呢個角色週塑造得好成功,牽動到讀者情緒;二,讀者Including me係睇得好投入嘅,因為投入所以肉緊,因為肉緊所以先唔捨得姜崢死;三,龍少一啲都唔變態,有嘅係氣量,EQ亦高,不但無嬲嬲豬仲親自開Post回應,此舉值得畀Like嘅。But,不喜勿插,我想講嘅係,呢種作者同讀者嘅真摯互動無疑係好,但亦希望唔好動不動就以「Cut書」要脅,無謂影響龍少創作空間吖嘛,畀啲耐性,慢慢睇有何後著喇。

Read more ›

《山海逆戰》死重要角色 邱福龍賜死長短手姜崢

《山海逆戰》死重要角色 邱福龍賜死長短手姜崢

雖然早一個禮拜,邱福龍已經喺面書賣定廣告話要賜死姜崢,理應有晒心理準備,但睇完今期第248期《山海逆戰》,於我還是非常震撼同捨不得。我係好鍾意呢個角色嘅,長短手造型好破格,向于若蘭示愛講明自己叫過雞嗰幕好Funny,對烈山仁又有情有義,對刁蠻公主又敢愛敢恨,死喺宸胤一招外掛式「三極破星」之下,等於一人獨戰宸胤、夷鼓、于清、于若蘭、伯益、洛王、后瑩、貪龍同自己,都算死得轟轟烈烈了。尤其鍾意死前回憶嗰幾格,非常貫徹姜崢人物性格,臨死都掛住同后瑩做愛做嘅事。半邊身炸開,連視肉都幫唔到手,睇個勢係無任何翻生之餘地的了,拜拜了,長短手……

Read more ›
邱福龍《山海逆戰》珍藏本正式開訂

邱福龍《山海逆戰》珍藏本正式開訂

嘩,使唔使咁趕?呢頭仲關心緊長短手姜崢安危,嗰頭邱福龍已經決定推出《山海逆戰》珍藏本了。家陣正式開訂,平裝版燙銀封面售$128,精裝版限量雷射封面售$168,隨書送多張人形公仔卡,包頭1至10期薄裝書內容。煩惱了,書架又要預多個位擺呢套書了。

Read more ›
甘小文《山海4仔》快抽 少昊送阿儀畀阿叔

甘小文《山海4仔》快抽 少昊送阿儀畀阿叔

一地花生,究竟ATV係捧佢定玩佢?網民係真心Mode讚佢勇氣可嘉定笑佢九唔搭八?我都唔識講咯。甘小文抽水很快手,喺第245期《山海逆戰》「山海4仔」派咗阿儀出場,講假少昊當阿儀係禮物送畀阿叔,阿叔即刻心心眼加噴鼻血,咁即係……

Read more ›
邱福龍出手 幫龐景峰畫新歌封面《勝者之戰》

邱福龍出手 幫龐景峰畫新歌封面《勝者之戰》

睇資料,龐景峰係錢家班成員之一,佢今日會喺動漫節首發歌曲《勝者之戰》同表演功夫。睇過首MV,節奏感強,都打得幾勁吓,龐景峰都幾好身手,而更難得嘅係,邱福龍幫首歌畫咗幅封面宣傳圖,五官面相同本尊有幾分似,呢種Crossover都幾少見。

Read more ›
邱福龍Q版CosRider系列 Hot Toys開賣

邱福龍Q版CosRider系列 Hot Toys開賣

很想要吧?我全部都想要!這是我的心底話。Hot Toys聯乘邱福龍製作嘅Marvel CosRider系列終於開賣喇,Iron Man、黑寡婦、蟻俠、滅霸同蜘蛛俠五個角色,全部以Q版形式呈現,7月19日開賣。龍少仲喺面書出埋人物設定圖畀大家睇,計我話,淨係設定圖都可以出套Postcard添食喇。

Read more ›

離晒譜! 點解《新著龍虎門》出現《山海逆戰》稿件?

離晒譜! 點解《新著龍虎門》出現《山海逆戰》稿件?

嘩,離晒譜,咁都可以犯錯?有無搞錯!究竟我睇緊《新著龍虎門》定《山海逆戰》?呢個錯出現喺今期第1106期書末「創作解說」裡面,去到「摩羅圖謀」嗰Part,文字無錯,但配圖卻係《山海逆戰》其中一頁黑白稿件。兩本公仔書份屬兩間漫畫公司,理應河水不犯井水,各有各做,因乜可能出現呢個咁另類嘅Crossover呢?龍少公司有鄺志德嘅人?希望下期書可以畀到讀者一個合理解釋,千其唔好當無咗件事就算。

Read more ›
邱福龍《龍神》雷射畫板開訂 全四款各售$150

邱福龍《龍神》雷射畫板開訂 全四款各售$150

真心Mode,翻睇邱福龍舊作《龍神》,依然覺得非常好睇,啲畫功真係勁到呢,睇到我嘩嘩聲。話咁快《龍神》珍藏版仲有兩期就出完,呢個時候推出雷射畫板非常啱數,全四款,每張$150,限量150塊。家陣開訂,有買趁手呀喂。

Read more ›
《山海逆戰》242期出專刊特別版 一書一立體海報$68

《山海逆戰》242期出專刊特別版 一書一立體海報$68

《山海逆戰》呢幾期劇情好緊張,除咗姚一烙夠搶眼之外,勾徹究竟俾邊個捉咗呢?好想知,下期真少昊估計會正式出場,所有謎團會逐一解開喇,好有追看性,龍少繼續加油呀喂。龍少咁落力,作為讀者嘅我哋都好應該課多啲金嘅,嚟緊第242期《山海逆戰》會推出專刊特別版,有兩個封面版本選擇,各一書一3D立體海報,各限量200本,各售$68,希望大家多多捧場。最好就兩個版本都買晒喇,呢句我幫龍少講嘅。

Read more ›
邱福龍《山海逆戰》第235期出口罩特別版

邱福龍《山海逆戰》第235期出口罩特別版

留意番,嚟緊第235期《山海逆戰》會推出口罩特別版,有A同B兩款選擇,同為一書一盒裝《山海逆戰》口罩加一張福龍週記Postcard,各售$88。雖然袁國勇教授話香港疫情接近清零,但大家都唔好掉以輕心,為人為己為抗疫,一定要Keep住戴口罩呀。

Read more ›