fbpx

Tag: 邱福龍

邱福龍出手 幫龐景峰畫新歌封面《勝者之戰》

邱福龍出手 幫龐景峰畫新歌封面《勝者之戰》

睇資料,龐景峰係錢家班成員之一,佢今日會喺動漫節首發歌曲《勝者之戰》同表演功夫。睇過首MV,節奏感強,都打得幾勁吓,龐景峰都幾好身手,而更難得嘅係,邱福龍幫首歌畫咗幅封面宣傳圖,五官面相同本尊有幾分似,呢種Crossover都幾少見。

Read more ›

邱福龍Q版CosRider系列 Hot Toys開賣

邱福龍Q版CosRider系列 Hot Toys開賣

很想要吧?我全部都想要!這是我的心底話。Hot Toys聯乘邱福龍製作嘅Marvel CosRider系列終於開賣喇,Iron Man、黑寡婦、蟻俠、滅霸同蜘蛛俠五個角色,全部以Q版形式呈現,7月19日開賣。龍少仲喺面書出埋人物設定圖畀大家睇,計我話,淨係設定圖都可以出套Postcard添食喇。

Read more ›
離晒譜! 點解《新著龍虎門》出現《山海逆戰》稿件?

離晒譜! 點解《新著龍虎門》出現《山海逆戰》稿件?

嘩,離晒譜,咁都可以犯錯?有無搞錯!究竟我睇緊《新著龍虎門》定《山海逆戰》?呢個錯出現喺今期第1106期書末「創作解說」裡面,去到「摩羅圖謀」嗰Part,文字無錯,但配圖卻係《山海逆戰》其中一頁黑白稿件。兩本公仔書份屬兩間漫畫公司,理應河水不犯井水,各有各做,因乜可能出現呢個咁另類嘅Crossover呢?龍少公司有鄺志德嘅人?希望下期書可以畀到讀者一個合理解釋,千其唔好當無咗件事就算。

Read more ›
邱福龍《龍神》雷射畫板開訂 全四款各售$150

邱福龍《龍神》雷射畫板開訂 全四款各售$150

真心Mode,翻睇邱福龍舊作《龍神》,依然覺得非常好睇,啲畫功真係勁到呢,睇到我嘩嘩聲。話咁快《龍神》珍藏版仲有兩期就出完,呢個時候推出雷射畫板非常啱數,全四款,每張$150,限量150塊。家陣開訂,有買趁手呀喂。

Read more ›
《山海逆戰》242期出專刊特別版 一書一立體海報$68

《山海逆戰》242期出專刊特別版 一書一立體海報$68

《山海逆戰》呢幾期劇情好緊張,除咗姚一烙夠搶眼之外,勾徹究竟俾邊個捉咗呢?好想知,下期真少昊估計會正式出場,所有謎團會逐一解開喇,好有追看性,龍少繼續加油呀喂。龍少咁落力,作為讀者嘅我哋都好應該課多啲金嘅,嚟緊第242期《山海逆戰》會推出專刊特別版,有兩個封面版本選擇,各一書一3D立體海報,各限量200本,各售$68,希望大家多多捧場。最好就兩個版本都買晒喇,呢句我幫龍少講嘅。

Read more ›
邱福龍《山海逆戰》第235期出口罩特別版

邱福龍《山海逆戰》第235期出口罩特別版

留意番,嚟緊第235期《山海逆戰》會推出口罩特別版,有A同B兩款選擇,同為一書一盒裝《山海逆戰》口罩加一張福龍週記Postcard,各售$88。雖然袁國勇教授話香港疫情接近清零,但大家都唔好掉以輕心,為人為己為抗疫,一定要Keep住戴口罩呀。

Read more ›

邱福龍《山海逆戰》加價至$25 連續兩期送口罩

邱福龍《山海逆戰》加價至$25 連續兩期送口罩

雖然明知大家唔會為區區兩蚊棄書,但循例都要講番聲Remind吓,下期第233期《山海逆戰》將會加價至$25,大家去書報攤買書記得畀啱價錢呀。而龍少都好識做,第233期同第234期都會送番個《山海逆戰》口罩,每期十款隨機送出,叫做回饋讀者咁喇。

Read more ›
邱福龍《山海逆戰》勾徹Figure 有初版上色圖睇

邱福龍《山海逆戰》勾徹Figure 有初版上色圖睇

繼續睇住相先喇,講咗N年,邱福龍《山海逆戰》勾徹Figure尚在只聞樓梯響階段。製作公司M3 Studio喺面書Post咗張相,話係初版上色圖喎,仲話龍少都有抽空修改喎。咁……大家惟有繼續睇相止住癮先囉。

Read more ›
邱福龍《龍神》復刻珍藏版第四期開訂

邱福龍《龍神》復刻珍藏版第四期開訂

Wow,又來了,邱福龍《龍神》復刻珍藏版第四期正式開訂,老例分兩個版本,精裝版一書一威力王鐳射封面卡,售$168;平裝版一書一龍神鐳射封面卡,售$128。「收藏家港漫專區」開訂,有買趁手。

Read more ›
邱福龍宣佈 《山海逆戰》233期加價至$25

邱福龍宣佈 《山海逆戰》233期加價至$25

邱福龍剛喺面書話宣佈:「《山海逆戰》233期即五期後將會加至25元,希望不會影響銷路⋯⋯十分不好意思!」加兩蚊之嘛,又使乜唔好意思呢?每個禮拜轉番飲熱飲一次已經喺番度,撐開龍少嘅,一定唔會為區區兩個大洋棄書,所以一定唔會影響銷路,我話嘅。加油呀,龍少!

Read more ›
網圖分享:亞傑多二創 大拳老都睇《天妖玄奇》

網圖分享:亞傑多二創 大拳老都睇《天妖玄奇》

亞傑多係一個非常盡責嘅港漫從業員,除咗期期都撚盡十二成功力幫和仔大人同邱福龍畫封面外,得閒仲會玩吓二創,幫其他港漫宣傳。就好似《天妖玄奇》創刊咁,佢將創刊號封面Key入《封神紀‧黑天龍》第10期封面,變成──大拳老都捧黃玉郎場呀喂。我笑點低,笑咗。

Read more ›

龍少就是強 《天妖玄奇》第二期封面釋出

龍少就是強 《天妖玄奇》第二期封面釋出

買封面都抵!龍少畫嘅封面真係無得輸的!黃玉郎剛喺面書釋出《天妖玄奇》第二期跨版封面,係咪好靚呢?第二期有另一主角姬發出場,黃玉郎話畫足38頁喎,希望大家多多捧場。

Read more ›
邱福龍 x HKMB推出《山海逆戰》口罩

邱福龍 x HKMB推出《山海逆戰》口罩

終於輪到龍少了,邱福龍聯乘HKMB推出《山海逆戰》口罩,Fans必買。口罩有兩個唔同包裝盒選擇,一,角色篇,二,Q版篇,各包五個款式共30個獨立包裝口罩,各限量2800盒,各售$68。我最鍾意于若蘭嗰款,Q版勾徹嗰款都唔錯。

Read more ›
畀掌聲!陳笑洛替《天妖玄奇》書名題字!

畀掌聲!陳笑洛替《天妖玄奇》書名題字!

喺今期第42期《龍虎5世3世仇》書末,黃玉郎正式幫《天妖玄奇》推出跨頁廣告,除咗欣賞龍少精湛畫功外,大家都可以留意吓頁底「天妖玄奇」四個書名大字,係咪寫得好靚呢?呢四個大字出自字畫雙絕陳笑洛之手,蒼勁有力,絕對比一般排版用電腦字有Feel,唔該畀啲掌聲。

Read more ›
《天妖玄奇》普通/草圖之外 加推限量特別紀念版

《天妖玄奇》普通/草圖之外 加推限量特別紀念版

啱數嘅,黃玉郎講過話會推出多啲特別版整旺個市吖嘛,所以嚟緊3月25日創刊嘅《天妖玄奇》除一如以往嘅普通版同草圖版外,仲會加推一個「收藏家港漫專區」獨有嘅限量特別紀念版,開訂細節待定。問天加姬發始終有一定吸引力,加埋龍少畫封面更加難抗拒,有無C-Hing打算買晒三個版本?

Read more ›