Post Tagged with: "邱瑞新"

《火武耀揚》加價至$20 汗青究竟幾多歲Die?
by / on 26/01/2017 at 9:00 pm

《火武耀揚》加價至$20 汗青究竟幾多歲Die?

剛剛睇完901-902期新春合併號《火武耀揚》,有兩樣嘢想講。一,瑞新喺書末話:「農曆年假期順延一星期,二月八日星期三隆重出版,調整售價,每冊二十元正。」終於同其他港漫睇齊賣$20,瑞新加價都算加得遲咯,一蚊唔夠下午茶餐A加杯凍飲,我決定繼續撐,唔知大家點睇。二,捉錯處,故事講到道理哥帶漏口仔拜汗青,靈位明明寫住「生於一九七四年六月十日,死於一九八二年九月九日,愛兒王汗青之靈位」,但書中汗青回憶一段又有對白寫:「我得十歲……得十幾咋。」照計1982-1974=8,即係話汗青應該得8歲就魂歸天國,睇怕瑞新一時唔為意,計錯數。

Read more ›

非常突然!《火紅年代黑骨棠》完結So Sad!
by / on 07/11/2016 at 8:35 pm

非常突然!《火紅年代黑骨棠》完結So Sad!

事忙,上周四出版嘅《火紅年代黑骨棠》,我剛剛先有時間睇,習慣先睇「瑞新週記」先嘅,睇完,好無心機睇內文,因為瑞新掉低咗幾句說話:「緣份有聚有散!瑞新響度向大家正式宣佈:下期《火紅年代》係最終回!即係故事暫完停刊!緣來緣去,自有天意!希望下期《火紅年代》嘅圓滿結局篇,可以與你共同渡過,成為瑞新同你嘅珍貴回憶之一!多謝!」呢下真係非常突然,好好哋點解要停刊?

Read more ›
樣惡但心地好 瑞新八號波義載路人抵讚
by / on 04/11/2016 at 10:00 am

樣惡但心地好 瑞新八號波義載路人抵讚

N年前訪問過邱瑞新,為佢本《董先生:中產階級大屠殺》宣傳,記得初見面,佢係擔住口煙嘅,當時我真係咁諗:「嘩,乜個樣咁惡,咁似黑社會?」之後傾落,越傾越發覺佢好友善,好鍾意笑,粗口就無得免架嘞,但毫無架子亦係事實,予人感覺好真,係有嗰句講嗰句嗰類人。之所以佢喺今期第889期《火武耀揚》專欄「瑞新週記」講述上個禮拜八號風球開車義助路人一事,我完全唔感覺得意外,成件事好切合佢性格……

Read more ›
邱瑞新出《火武耀揚》珍藏本?出新書好過喇!
by / on 29/09/2016 at 11:45 pm

邱瑞新出《火武耀揚》珍藏本?出新書好過喇!

邱瑞新喺今期第884期《火武耀揚》「瑞新週記」透露:「……瑞新近期都著力緊另一件事,就係重溫《火武耀揚》創刊號嘅故事,而且已經部署剪輯同修改,準備推出一本真係極具紀念價值嘅珍藏本……」瑞新Under新帝國牌頭嘅作品好多,而《火武耀揚》又由1999年連載至今,將之復刻亦無可厚非,不過純個人意見,不喜勿插,既然有心搞壇大嘢,點解唔考慮出多本新書?我諗以「邱瑞新」三個字,始終有一定號召力,實有好多讀者捧場喎。驚編唔切畫唔切?出類似《新著龍虎門外傳之皇者之路》咁上下書度嘅雙週刊又得唔得?兩個禮拜出一本,得嘞啩?Fine,如果硬係要推出珍藏本,又可唔可以復刻《耀武揚威》、《火武英雄》或者《紅棍王》?呢三本書我反而更加有興趣囉。

Read more ›
瑞新又玩嘢!東方升亂入《火武耀揚》!
by / on 10/06/2016 at 10:00 pm

瑞新又玩嘢!東方升亂入《火武耀揚》!

一早知瑞新係好關心時事嘅人,透過漫畫月旦政治係佢強項,今期《火武耀揚》佢又發功嘞,今次直頭將毛記東方升畫入漫畫,配對白謂:「嘩!我地偉大祖國嘅一帶一路工程又有新發展!要娼有娼,要炮有炮!呢種為國捐精嘅精神,真係值得我東方升欽敬。」寸緊邊壇嘢?畫公仔唔使畫出腸,瑞新,你係得嘅!我Like呀!

Read more ›
邱瑞新加價 《火武耀揚》+《火紅年代黑骨棠》賣$19
by / on 25/05/2016 at 9:45 pm

邱瑞新加價 《火武耀揚》+《火紅年代黑骨棠》賣$19

《火武耀揚》同《火紅年代黑骨棠》拖到依家先加價,算係咁咯,每本加到$19,同《鐵將縱橫》看齊。加價原因,「瑞新週記」咁話:「講真!對仍然熱情捧場又出錢購買嘅讀者而言,向你地爭取每期多兩蚊使費,對你有點不公,而我有點慚愧!但喺讀者人數不變,而銷路變嘅情況之下,瑞新無奈地無其他方法,我唯一可以做到嘅係更加俾心機,更加倍用心創作,回饋最好嘅港漫娛槳俾讀者朋友們。」其實計我話,兩蚊直頭加得少喇,估計真心讀者唔會為呢區區兩蚊而放棄捧場,努力加油喇瑞新。不過話時話,小弟有一個問題,點解第865期《火武耀揚》期名咁特別嘅?《雲中 霧中 霜雪中》下面,仲有小字寫住「青雲Sir被林國魂邗教魅力感染」,植錯字?唔覺意當期名一齊出咗?有無人答到我?

Read more ›

瑞新加油 《火紅年代黑骨棠》700期
by / on 03/04/2016 at 6:15 pm

瑞新加油 《火紅年代黑骨棠》700期

唔講唔覺,原來《火紅年代黑骨棠》已經出到700期,喺呢個紙媒步入夕陽嘅年代,一本公仔書可以連載到700期,總算係一個值得鼓舞嘅里程碑。有人話瑞新拖橋又犯駁,打來打去都係嗰幾兜友,又話乜又話物,呢啲嘢我係統統唔理嘅,你話我傻仔都好,我認我係盲撐港漫嗰批死忠,老實講只要睇得明,公仔唔畫得太過份,呢十七蚊我一定畀瑞新賺嘅。瑞新喺今期序言咁寫:「未知的前路是困難的,但路仍要繼續,心仍要熱血!尤其有你!親愛長情的讀者在遙遠的地方看顧我們,愛惜屬於我們香港人的港漫!」無錯,真係希望多啲人識得珍惜「屬於我們香港人的港漫」,瑞新,加油呀。

Read more ›
The city is dying 邱瑞新與道理哥對談
by / on 02/03/2016 at 9:00 pm

The city is dying 邱瑞新與道理哥對談

雖則好多人話《火武耀揚》拖橋,五大天王講成二三百期先捨得完,但邱瑞新有樣嘢同牛佬一樣,係好值得敬佩嘅──敢言。今期第854期《火武耀揚》無咗開書版頭畫,換來嘅係瑞新同尖東之王道新記坐館道理哥對談,談話內容圍繞依家香港局面,結論係──「東方之珠已經褪色!我最怕係佢會時光倒流,返番六十年代,The City is dying。」返番六十年代又點?六十年代香港係未成立ICAC嘅,咁你可以想像係點嘞。之後語帶雙關,將故事重新納入赤柱同盟打大Boss林國魂身上。就係呢種表態,我會Keep住每個禮拜繼續畀$17瑞新賺。

Read more ›
《火武耀揚》下期起加價 每本$17
by / on 26/11/2014 at 10:00 pm

《火武耀揚》下期起加價 每本$17

邱瑞新曾經喺第766期《火武耀揚》話過:「漫畫加價!不過無新帝國份,一來無行家探問我意見,二來我暫時亦無加價壓力。」此一時彼一時,家陣「暫時」變「過時」,下期《火武耀揚》會正式加價至每本$17。

Read more ›
《火武耀揚》南京仔看透世局 香港人超勁
by / on 14/11/2014 at 9:30 pm

《火武耀揚》南京仔看透世局 香港人超勁

哈哈,今期第786期《火武耀揚》真係睇到我爽皮,長樂社孖仔之一嘅南京仔耷低頭繼續抑鬱,話題由爭女開始,講講吓居然變咗解構香港政局,有紋有路咁話畀所有讀者聽,香港絕對唔會俾上海取替。

Read more ›
【編輯Blog】尉遲一:如此閃縮 不如不畫
by / on 11/11/2014 at 10:22 pm

【編輯Blog】尉遲一:如此閃縮 不如不畫

十月九日,因雨傘革命,我與馬龍在面書隔空展開激烈討論,對,就是那個在《蘋果日報》畫四格漫畫「江湖滾熱辣」的馬龍;那時佔旺開始差不多一周,因有示威者抬來碌架牀,擺放彌敦道中心準備作長期抗爭,惹怒了他老人家。先得聲明,他是站在黃絲帶一邊的,我也是,照理應理念一致,但我倆還是爭拗得頭崩額裂,不過猶幸,雖然最後誰也沒成功說服誰,但討論當中沒有片言隻語的人身攻擊,也沒有把爹娘搬上天,所以我說是「激烈討論」而非罵戰。

Read more ›

有牌爛仔終極體成形 柱過爆粗鬧放催淚彈
by / on 22/10/2014 at 9:16 pm

有牌爛仔終極體成形 柱過爆粗鬧放催淚彈

依然係呢一句──亂世無中立!食花生無人怪你,不過我最憎啲人話自己保持中立但又好發議論!唔黃唔藍又唔敢承認自己係綠。呢啲唔係叫中立,係叫牆頭草兩邊擺,根本就無腰骨,做人要有立場,要不撐黃或藍,要不就收聲喇唔該!

Read more ›
網圖分享:表態筆伐 港漫人的心聲(五)
by / on 15/10/2014 at 12:31 pm

網圖分享:表態筆伐 港漫人的心聲(五)

今日周三,返工落街如常買《火武耀揚》,平時揭書循例必先睇「瑞新週記」,點知今期無,反而換來嚟黑底白字黃絲帶。邱瑞新大字標題表態:「向您們致敬:和平抗爭的學生,勇敢罷課的同學!心懷仁義的義工!守護學生的熱血市民!香港!以您為榮!」無多餘廢話,無語言偽術,立場鮮明好Sharp醒。

Read more ›
幾個門生同一面相,唔通七月又十四?
by / on 13/08/2014 at 9:15 pm

輕量級複製道《火武耀揚》幾個門生同一面相

瑞新每周都賺我三十蚊,捧場心態係睇佢點扭橋,畫功就一向都無太大期望。同一個面相表情,加減鬍鬚疤痕、改髮型髮色、改眉毛粗幼、加減飾物耳環等等,就可以無限複製出十個八個唔同角色嘅相頭,原本睇慣晒都無乜好嘈,但今期《火武耀揚》實在離譜,同一格內幾個門生居然有同一面相,唔係咁嘛?

Read more ›
《火紅年代黑骨棠》 Beyond做封面
by / on 05/07/2014 at 4:45 pm

《火紅年代黑骨棠》 Beyond做封面

邱瑞新喺上個禮拜話會畫Beyond做封面,今個禮拜嘅第609期《火紅年代黑骨棠》果然兌現承諾,雖然明知係電腦加工,當中有幾多成份係「畫」,大家心中有數,不過呢個封面著實唔錯。

Read more ›