Post Tagged with: "邱瑞新"

抵讚!邱瑞新准許員工Home Office!
by / on 20/02/2020 at 8:45 pm

抵讚!邱瑞新准許員工Home Office!

確診人數已經去到60幾人,林奠都仲係唔肯完全封關,咁仲邊有人敢出街吖,所以Home office絕對係好事。好人做好事,瑞新喺呢方面就做咗好人嘞,佢喺今期第1061期《火武耀揚》「瑞新週記」話:「新帝國已經第一時間準備轉為家居工作,瑞新同組長軒過完新年第一Day,就商量點樣可以實行,然後設定工作流程表,研究點樣可以盡快進行應變計劃……呢一刻公司所有員工已經可以將返工嘅日子壓縮到最少,免除咗日日舟居勞頓,乘搭公共交通工具嘅感染風險。」呢啲咪好老闆囉,希望其他老闆都可以效法吓喇。And,疫情嚴峻,本網站提醒大家記得戴口罩,保持身體健康,好人一世平安。

Read more ›

「柒婆」突入《火武耀揚》 被割喉死不瞑目
by / on 05/12/2019 at 9:00 am

「柒婆」突入《火武耀揚》 被割喉死不瞑目

多謝邱瑞新,今期第1050期《火武耀揚》堪稱大快人心呀。話說劇情講到自石基慘死,長樂老頂文虎鐵了心挑戰華興元朗揸Fit人虎兒,爭取各鄉紳村長歸邊,人稱「柒婆」、性格寸寸貢牆頭草兩邊擺嘅嘅七姐成了爭奪對象。期間,暴風戰南京仔,暫時平手,各有損傷;小雨戰西人仔,各自拉住七姐一條手臂刀來拳往,亦係平手,但無損傷,因為unfortunately,混亂間一個唔小心,七姐俾小雨把一刀界喉,流到一頸血,成個頭幾乎界甩咁滯,死唔眼閉。呢個七姐面相似邊個?人物原型係邊個?我知邊個,我都知你知道係邊個,咁死法,有無人覺得便宜咗佢?

Read more ›
邱瑞新《火武耀揚》緊貼時事 石基變身火之魔法師
by / on 08/11/2019 at 9:29 pm

邱瑞新《火武耀揚》緊貼時事 石基變身火之魔法師

邱瑞新係好緊貼時事嘅,今期第1046期《火武耀揚》講石基俾洪興仔圍,一勇無懼誓保大佬圍頭佬地盤,喺貨Van掟出老早預備好嘅汽油彈,之後再瘋狂追殺對家。旁白說明直頭咁寫:「石基準繩命中不同位置,四散火頭唬得對方亡命逃奔,潰不成潰!石基如同香港傳說中出現的──火之魔法師!」古惑仔打交都識變身火之魔法師,間接向不屈不撓嘅抗爭者致敬,好嘢!

Read more ›
聽《火武耀揚》虎兒話 記得Fact Check咪信Fake News
by / on 10/10/2019 at 3:36 pm

聽《火武耀揚》虎兒話 記得Fact Check咪信Fake News

今期第1042期《火武耀揚》繼續密格,非常抵睇,亦繼續加入大量搞笑元素,長樂孖仔同文虎、失憶崩牙豹兩條線,啲對白笑到我Gap Gap聲。邱瑞新好貼地,書中虎兒寸串燒店老闆一幕,出現咗以下甚有教育意味嘅對白──「我Fact Check咗,唔係Fake News;Fake News即係假新聞,Fact Check就係驗證咗!」咁記住聽虎兒哥話,咪柒撚到上月球,因為家陣啲新聞有真有假有刪剪有帶風向,大家記得善用腦袋,先Fact Check再分析,慎防誤信Fake News呀。另,虎兒寸西人仔句對白又係正──「十足建制派議員啲九噏!」哈哈,諗深一層,其實建制派何只九噏,直頭無恥喇,所以咪無敵囉。

Read more ›
Happy伯突入《火武耀揚》 文虎廢老扮潮童
by / on 07/10/2019 at 4:08 pm

Happy伯突入《火武耀揚》 文虎廢老扮潮童

嗱,真心話,《火武耀揚》封面人物五官面相成日變,資深讀者如我有時都唔知邊個打邊個,今期第1041期個封面,如果唔係寫住「長樂文虎」,我真係唔知邱瑞新畫緊邊個。因乜畫到呢個老人家咁鬼潮?睇封面已經呱呱叫,睇埋內頁仲有幾啖笑,管家駝昌怒小文虎怯懦嗰幾格,對白異常啜核──「越講越火滾,你衰過老人院啲孤獨精!」、「你最仆街就係仲睇緊CCTVB!簡直罪撚大!惡撚極啦!X你!」──哈哈,CCTVB躺著也中槍,靚抽!精采到我拍手掌。故事繼續,翌日文虎廢老扮潮童相約屯門Peter仔一段,Peter仔一角擺明影射緊無限量派錢畀娜娜嘅Happy伯,仲畫埋佢如何表演絕招黃狗射尿添,文虎話:「YoYo!我都要學街舞!」呢句對白又係低能無極限。As a conclusion,呢期係睇得我開心嘅,而圍頭佬頭馬石基呢個角色,初頭我以為係兩三頁就收皮嘅二打六,搞搞吓家陣俾瑞新煲起咗,亦屬始料不及也。

Read more ›
邱瑞新無心機寫週記 《火武耀揚》替香港人打氣
by / on 09/08/2019 at 8:15 pm

邱瑞新無心機寫週記 《火武耀揚》替香港人打氣

呢排香港水深火熱,相信唔少人都情緒低落,彷彿唞啖氣都唔順,抽口煙都冒不出輕鬆。好明顯邱瑞新都心情麻麻,今期第1033期《火武耀揚》直頭無心機到唔想寫字,原因係「心情沉重,無法執筆,瑞新周記暫停一期。」並附璀璨維港夜景照一張,上書「天佑香港,香港人加油」。唉,真係「恐怕這個璀璨都市光輝到此」,天呀,幾時先可以畀番個無催淚彈嘅香港我呀?

Read more ›

《火武耀揚》加價至$23 邱瑞新講明100期內大結局
by / on 09/04/2019 at 8:52 pm

《火武耀揚》加價至$23 邱瑞新講明100期內大結局

曾經因《火武耀揚》1000期訪問過邱瑞新嘅面書專頁「卡卡多工作室」剛剛爆料,嚟緊《火武耀揚》會同《古惑仔》睇齊,加價至每本$23。加價唔係重點,講真三兩蚊有乜所謂吖,重點係瑞新決定會喺100期內End《火武耀揚》。嗚呼!100期,即係大約兩年後就大結局。慘了!兩年後又少一本公仔書睇,希望佢會開新書喇。

Read more ›
有片:邱瑞新專訪 點解摺《耀武揚威》同《火紅年代黑骨棠》?
by / on 19/12/2018 at 9:30 am

有片:邱瑞新專訪 點解摺《耀武揚威》同《火紅年代黑骨棠》?

熱烈推介「卡卡多工作室」,此面書專頁食住《火武耀揚》1000期個勢,剛同邱瑞新做咗個極詳細訪問,分享咗佢創作三本漫畫嘅心路歷程、如何以角色本身性格引導番自己創作故事、如何受日漫美漫風格影響,最重要係解答咗我一路都好想知嘅問題──《耀武揚威》同《火紅年代黑骨棠》因何摺書──想當年邱瑞新無厘頭摺書,我真係有啲嬲嬲哋兼失落。喺短片裡面,佢畀咗個答覆我,而呢個答覆都尚算令我滿意……原因係乜?自己睇喇。

Read more ›
網圖分享:甘小文賜畫賀《火武耀揚》1000期
by / on 18/12/2018 at 9:00 pm

網圖分享:甘小文賜畫賀《火武耀揚》1000期

記住,聽日《火武耀揚》豪華珍藏本第二輯與薄裝第1000期《火武耀揚》同步出版,大家記得捧邱瑞新場。又原來,甘小文都係火武同耀揚兩兄弟Fans,作畫一幅畀「至Goal Club」賀一賀呢個里程碑。小文即係小文,畫慣Q版即係畫慣Q版,依舊唔畫鼻哥,但依舊知道佢畫緊邊個,呢份功力旁人難及,係不得不服嘅。

Read more ›
第二輯《火武耀揚》豪華珍藏本 至Goal Club開訂送親筆簽名
by / on 13/12/2018 at 7:28 pm

第二輯《火武耀揚》豪華珍藏本 至Goal Club開訂送親筆簽名

邱瑞新喺今期第999期《火武耀揚》專欄,登咗第二輯《火武耀揚》豪華珍藏本嘅首期封面相,依舊係男一火武掛帥,背托大大個「忠」字,係型嘅。提提你,此書一套九期完,每本$48,鐵定12月19日出版,家陣去「至Goal Club」落訂,可以有埋瑞新親筆簽名,係咪爽皮先?

Read more ›
賀《火武耀揚》1000期 瑞新出第二輯豪華珍藏本
by / on 06/12/2018 at 8:16 pm

賀《火武耀揚》1000期 瑞新出第二輯豪華珍藏本

過多兩週,《火武耀揚》就會昂然進入1000期,為慶祝呢個里程啤,邱瑞新決定出第二輯豪華珍藏本,講到明係終極一輯,唔會有第三輯。輯錄範圍方面,會講彤彤俾臍環色魔禁錮搞到變植物人嗰段,話時話,火武個仔紅日到家陣都仲未正式出場,究竟去咗邊?Anyway,我仲記得彤彤跪低食臍環食魔腳趾公上面啖飯嗰一格,呢段故事係幾緊張刺激嘅。另,今期故事都唔錯,文虎好低B,佢句對白:「打機可以活化機能,以前我三個月叫一次雞,打咗機──十二個星期先叫一次呀!(其實一樣)」真係睇到我笑咗。再另,虎兒正式回歸,呢個角色已經Miss咗唔知幾多百期,可以出番場,希望可以做齣好戲喇。

Read more ›

《火武耀揚》長樂孖仔對話有共鳴 做香港人真係好辛苦呀
by / on 08/11/2018 at 10:00 am

《火武耀揚》長樂孖仔對話有共鳴 做香港人真係好辛苦呀

今期第994期《火武耀揚》好密格足料,相信好多邱瑞新死忠讀者都同我一樣,覺得襟睇之餘亦睇到笑中有淚。笑者,長樂社孖仔出場,西人仔一貫九唔搭八作風激到火武紮紮跳,句句對白都好低B,喺地鐵我真係睇到架架聲笑咗出嚟。悲者,來自南京仔一大堆負面說話,好惹香港人共鳴──「兄弟……呢個年代邊有人同你講兄弟。」、「男人響香港地冇樓?同賤人廢柴冇分別;返工得雞碎咁多,仲要日日受氣,帶埋老母返工都唔掂。」、「女人要靚係唯一生存意義,買化妝品,買靚衫,狂做尖……嘥晒啲錢仲要人X港女。」結論呢,瑞新透過路人甲對白講咗出嚟:「哇!做香港人真係好辛苦呀!」雖殘酷,但確係事實。而最最最最最可悲係呢句──「真你鹵味!香港立撚咗例,唔俾講真話,講真話會俾人拉架。」簡直突破越位陷阱,一語中的,悲乎,刻下香港,敢講真話嘅仲有幾人?

Read more ›
有啲唔捨得佢死 邱瑞新《火武耀揚》永別汗青
by / on 23/10/2018 at 8:42 pm

有啲唔捨得佢死 邱瑞新《火武耀揚》永別汗青

今期第991期《火武耀揚》書名叫〈殺汗青〉,初頭仲估瑞新會放呢個反骨仔一馬,講佢著草走咗唔知去邊度,隔番三五七十期復出報仇,誓要重掌「新記」龍頭寶座之類,點知真係如此這般俾班二打六斬為肉醬,死無全屍,著實有啲可惜。點解覺得可惜呢?因為瑞新都鋪排咗呢個角色好耐,花咗好多筆墨同情節,講佢如何由一個聰明絕頂嘅天之驕子,為財為勢為色而反臉不認人,期間害死飛龍迫害丹心,黐埋鐵頭勇同赤柱同盟,最後落得個眾叛親離嘅喪家犬下場。呢種一朝得志語無倫次嘅反派,好著重心態描寫,比一味大開大合崇尚暴力、殺人放火、變態嗜血、姦淫擄掠嘅典形奸角更難寫,唔捨得佢死,證明瑞新塑造呢個角色都好成功吓。

Read more ›
別矣《火武耀揚》飛龍!一路好走!
by / on 13/12/2017 at 9:30 pm

別矣《火武耀揚》飛龍!一路好走!

塵歸歸,土歸土,飛龍注定做得一日新記龍頭就收皮,喺今期第947期《火武耀揚》正式魂歸天國,佢同忍哥一Friend番做番好兄弟就要上路,臨死千叮萬囑要忍哥捧丹心上位,唔好俾汗青拖垮新記。兩個大男人攬住喊兼死唔肯放手一幕,睇到我眼濕濕就呃你嘅,但睇到耳仔一熱卻係不爭事實。睇到中段,甚麼胸肺科首席專家、國家級氣功大師、西藏密宗大師齊集醫院,我仲有一絲希冀,希望可以同N年前火武明明已經心臟停頓都唔使死,嗰次係黑骨棠唔畀佢死,一齊捱心臟起搏器強大電流,硬生生將火武帶離鬼門關,可惜今次無呢支歌仔唱……唉!別矣飛龍!一路好走喇!

Read more ›
《火武耀揚》震撼一期 跪求瑞新唔好整死飛龍
by / on 06/12/2017 at 11:01 pm

《火武耀揚》震撼一期 跪求瑞新唔好整死飛龍

久違了的激動,今期第946期《火武耀揚》睇到我好激動,忍哥呢個角色煲咗二十期左右,證明係煲得起嘅。睇完上期,原本諗住死嘅係佢,心底有啲Sad,點知今期一個屈尾十,死嘅居然係飛龍,仲要極諷刺地唔係被鐵頭勇一幫劈死,而係好唔覺意地俾差佬開槍殺死。下期直頭叫〈飛龍歸天〉,唔通大大話話出咗三四百期嘅新記第二把交椅真係要死得咁不明不白?唔知點解,心底下好唔捨得大環山飛龍打柴添。希望喇,我知機會甚渺茫,希望瑞新可以高抬貴手放佢一條生路喇,道理哥一槍爆面都唔死得,照計飛龍都可以嘅啫──呵?

Read more ›