fbpx

Post Tagged with: "選手"

游泳選手游足163公里    手腳浸足55小時變成點?
by / on 25/08/2018 at 3:08 pm

游泳選手游足163公里 手腳浸足55小時變成點?

喺水入面游足55小時啲手腳會變成點?荷蘭游泳選手Maarten van der Weijden最近參加咗一場慈善賽,最終喺55小時內游咗163公里,雖然同佢預期嘅目標200公里有距離,但都已經勁到癲。不過好多人留意嘅仲有佢游足55小時之後對手同埋腳,皺晒腫晒,好似吹漲咗又縮返埋嘅汽球,好彩今次活動成功籌到超過4百萬美金。講多少少,呢位選手其實喺19歲時發現患上癌症,之後抗癌成功,仲喺2008北京奧運攞到金牌,由於今次馬拉松式嘅游水活動係為癌症研究做籌款,所以佢特別落力。而原本預計嘅200公里路程係喺3日內完成,中間會有短暫時間歇一歇嘅,但最終佢完成唔到,所以個樣有少少失望,入嚟有多啲相片睇。

Read more ›

日本溜冰選手「宇野昌磨」雀仔對比圖    超神似Twitter熱傳
by / on 06/06/2018 at 7:18 am

日本溜冰選手「宇野昌磨」雀仔對比圖 超神似Twitter熱傳

Shoma即係日本花式溜冰選手「宇野昌磨」,亦即係「羽生結弦」嘅好好好朋友啦,最近有網民搵到Twitter呢個「birds that look like Shoma」嘅專頁,入面有宇野昌磨由細到大嘅相,特色係每張相都配搭一隻相類似嘅雀仔,無論顏色同神情都激似,精細度超高,真心佩服製作呢個專頁嘅心思,入嚟有得慢慢睇。

Read more ›
【最後一屆】日本種子島馬拉松 跑前送「燒酒」選手扮火箭
by / on 13/03/2017 at 7:22 am

【最後一屆】日本種子島馬拉松 跑前送「燒酒」選手扮火箭

日本呢兩個月好多馬拉松賽事,啱啱星期日就有「名古屋女子馬拉松」同「種子島馬拉松」。咁一般跑馬拉松前,大會都會送返啲食品飲品俾選手,有日本網民參加種子島馬拉松,得到嘅飲品唔係能量飲品或者水,而係一支「焼酎」!佢自己都話呢份紀念品好特別,不過跑馬拉松前都係唔好飲酒好啲嘞。BTW,種子島位於鹿兒島南部,有睇《秒速5厘米》嘅應該都有印象嘞,呢個地方仲係日本最大嘅宇宙航空基地,所以馬拉松個名都型過人,叫「Rocket Marathon」!不過好可惜今年係最後一年主辦,睇返Twitter嘅相,可以圍住沙灘跑,仲有1:1火箭模型睇,仲有選手扮火箭跑,氣氛唔錯,跑完張「完走証」都好特別,入嚟有相睇。

Read more ›
【有片】英國奧運選手機場好無奈    行李全部一樣認唔到
by / on 25/08/2016 at 7:13 am

【有片】英國奧運選手機場好無奈 行李全部一樣認唔到

里約奧運完滿結束,各國選手係時候返屋企嘞。不過英國一班運動員就遇到一大難題,因為每個運動員嘅行李都係一式一樣嘅紅色背包,好嘞去到機場等行李,一大堆紅色包入面點搵返自己件行李呢?體操運動員Becky Downie拍咗段片放上Twitter,自我安慰話好好玩,其他運動員都爭相留言。其實呢個安排究竟係邊個諗嘅呢?

Read more ›
【圖集】日本奧運選手「福島千里」 6嚿腹肌超搶眼
by / on 21/08/2016 at 1:32 pm

【圖集】日本奧運選手「福島千里」 6嚿腹肌超搶眼

日本奧運選手「福島千里」最近喺2ch好多網民討論,今次大家研究嘅係佢嗰6嚿腹肌,呢位日本田徑運動員出生於北海道,擅長跑100米同200米,係日本紀錄保持者,可惜今年里約奧運,呢位最速女王喺預賽輸咗,不過依然好受網民歡迎,而且睇佢操練得咁fit嘅身形,就知佢付出咗好大努力,運動唔係只睇輸贏,過程都好重要,呢啲先係體育精神。

Read more ›
【圖集】日本乒乓球選手「水谷隼」 動漫潛力圖Twitter熱傳
by / on 21/08/2016 at 12:37 pm

【圖集】日本乒乓球選手「水谷隼」 動漫潛力圖Twitter熱傳

日本乒乓球選手水谷隼喺奧運拎咗男單銅牌,佢最出名係唔著底褲比賽,另一樣出名嘅就係表情夠多,作為動漫大國嘅日本,最近有網民放咗輯對比圖上Twitter,吸引好多人RT,原來水谷隼嘅激動表情,同好多動漫場面都好吻合,啲動作仲好有潛力。

Read more ›

德國跳高選手激似《美少女戰士》 日本網民:「根本就係天王遙」
by / on 20/08/2016 at 1:07 pm

德國跳高選手激似《美少女戰士》 日本網民:「根本就係天王遙」

其實呢位德國嘅跳國選手Ariane Friedrich今屆無參加奧運,但係近幾日日本網民摷返佢啲相出嚟回味,之後喺Twitter引起好多人討論,勁多人分享佢嘅相集。短金髮、長腿,加埋一副超完美嘅格鬥身型,網民話佢激似《美少女戰士》嘅天王遙。另外佢經常喺場上做出好型好chok嘅動作,大家又話好正,似乎日本人真係好鍾意佢呢類型。可惜佢2010年因為受傷,之後無再再參加大型比賽,2014年仲生咗B,如果唔係大家就可以喺電視欣賞佢嘅英姿嘞。

Read more ›
【新片速報】日本金牌角力選手影片熱傳 失驚無神摔跤你
by / on 19/08/2016 at 7:14 am

【新片速報】日本金牌角力選手影片熱傳 失驚無神摔跤你

日本角力選手川井梨紗子啱啱喺奧運拎咗金牌,佢嘅教練好開心衝前想攬吓佢祝賀,唔知係咪條件反射,佢一嘢就將對方摔跌,對方再起身佢又再摔,到第三下先真正可以嚟個開心擁抱。影片喺Twitter被瘋狂RT,睇得出佢真係好熱愛摔跤,而且心情應該好興奮未平復到。再睇埋其他相,原來佢哋平時都玩得好癲,呢個應該係基本打招呼方式嚟嘅。

Read more ›
日本網民熱烈討論奧運「腋毛」 內村航平唔剃毛感覺好H?
by / on 11/08/2016 at 7:12 am

日本網民熱烈討論奧運「腋毛」 內村航平唔剃毛感覺好H?

奧運除咗睇選手間嘅競爭,討論吓靚仔靚女,最近日本網民仲搵到另一樣討論焦點,就係日本體操選手內村航平嘅腋毛嘞。有網民發現佢嘅腋毛好濃密,而且唔會好似其他選手例如白井健三咁選擇剃毛。大家開始討論佢點解唔剃,有人話:「佢可能有剃刀過敏症」、「靠腋毛喺空中保持平衡」、「靜電放電」、「通過空氣嘅阻力令自己可以輕鬆著地」,不過亦有人發現另外兩位選手加藤同田中都無剃腋毛,但就無內村航平咁濃密,而且話咁濃密嘅腋毛配埋內村航平個樣感覺好H‥‥‥

Read more ›