fbpx

Tag:

日本超可愛「umbrella bite」雨傘保護公仔      咬實遮柄可勾枱

日本超可愛「umbrella bite」雨傘保護公仔 咬實遮柄可勾枱

專門保護電話線嘅「cable bite」見得多,估唔到仲有「umbrella bite」,呢款雨傘配件有隻可愛動物咬住遮柄,尾部仲專登造長造彎曲,方便勾喺枱邊或其他位置,超細心。動物方面一共有六款,包括柴犬、黑柴、黃獅、熊貓、青蛙同埋獨角獸,每個賣1078円,入嚟有link。

Read more ›

【有片】日本奇妙發明炎夏必備 傘內有風扇識噴水

【有片】日本奇妙發明炎夏必備 傘內有風扇識噴水

佢表面上係一把遮,但實際上佢內藏風扇,只要撳遮柄個掣,就可以有涼風吹送,而且唔只,只要喺遮柄插支水,仲可以撳掣噴水,戶外活動擋太陽擋雨之餘,仲可以好涼快!產品名為「ファンブレラ」,價錢5,980円,入4粒電池就可以連續開5小時,咁重唔重呀?約513g。

Read more ›
日本超正八爪魚雨遮 手柄位大大條八爪魚腳

日本超正八爪魚雨遮 手柄位大大條八爪魚腳

落雨天拎把遮出街唔想同人撞款?日本呢位網民最近買咗把八爪魚遮,面層有八爪魚圖案,內層係大大隻八爪魚,再睇埋個手柄,係大大條嘅八爪魚腳呀!揸住把遮就好似捉咗隻八爪魚咁,超正超想買。入嚟有Link,賣3百零蚊左右。

Read more ›
日本「免提雨傘」預訂展開 騰空雙手去釣魚

日本「免提雨傘」預訂展開 騰空雙手去釣魚

有得預約嘞,日本呢把「免提雨傘」好實用,落雨天唔駛用手拎遮,好似頂帽咁戴住就得。騰空咗嘅手好多用途,官方提議例如shopping完可以用嚟拎重嘢,或者去釣魚、影相都好啱用,另外想喺街用兩隻手玩手機都得。而家網上有得預訂,每把1280円,即係港幣100蚊唔駛,都幾抵吖。

Read more ›
【多圖】超靚日本櫻花透明遮 啱晒香港落雨天

【多圖】超靚日本櫻花透明遮 啱晒香港落雨天

呢把日本嘅櫻花遮好靚,嚟緊落雨天啱晒。張相放上Twitter後好多人RT,樓主分享埋Amazon嘅連結,不過入到去得綠色同紫色,唔係櫻花嚟嘅。好彩有網民分享埋樂天網嘅連結,有粉紅、紫、綠同藍4隻顏色,賣1580円,即係港幣100蚊左右,嚟緊有排落兩,而家買定差唔多嘞。

Read more ›
【有片】雨傘運動 日本高手 VS 初學者

【有片】雨傘運動 日本高手 VS 初學者

據呢位出片嘅網民所講,第一位出場嘅係日本全國第2位嘅Baton(バトン)運動高手,冇Baton喺手,玩遮都一樣得。之後挑戰者就係一位初心者,不過講到娛樂性,兩位都一樣好高……

Read more ›

【有片】上班族「二傘流」 帶遮出街殺傷力強

【有片】上班族「二傘流」 帶遮出街殺傷力強

兩傘加功夫,以前睇港產片都睇唔少,不過落喺日本人手上,變成便利店好多有得賣嘅透明遮又會係點?之前都介紹過佢舞遮舞到出神入化,啱啱又有新片,以後喺街度見到拎住把遮嘅上班族真係要留意番,如果拎住兩把,更驚。

Read more ›
神級發明 日本「四軸飛行傘」 踩單車跟住遮

神級發明 日本「四軸飛行傘」 踩單車跟住遮

最怕落雨天,隻手又要擔住把遮,又要玩電話好鬼狼狽。咁如果有把遮唔駛用手拎住,自己識得跟住你飛……日本有人發明呢把「四軸飛行傘」「ドローン傘」,可以一路行一路用外,更加希望可以跟住單車、甚至電單車行,但如果普及嘅話,咪會好容易「撞遮」?似乎唔可以喺人多嘅地方用,同埋遇到大風嘅話……

Read more ›
擔遮再拖遮 日本雨傘加轆好處多

擔遮再拖遮 日本雨傘加轆好處多

其實我第一件事諗到,就係如果老人家鍾意用把遮篤吓篤吓地下撐住行嘅,就唔啱用喇。咁咩人啱用?懶到連把遮都唔想拎起,成日喺笪地度拖嘅,咁末端就冇咁易爛;又或者,你拎住把遮成日驚隊親後面嘅人,咁拖住行又啱用;再或者,你貪得意,身上某部位成日痕。4,400円。

Read more ›
【瀟洒的他】日本「r」手柄雨傘 勾住個袋好實用

【瀟洒的他】日本「r」手柄雨傘 勾住個袋好實用

成日落雨真係好麻煩,噚日黑雨我仲冇帶遮,唉濕晒。不過有帶遮都煩o架,搭車搭地鐵時一隻手拎遮,一隻手又要扶住扶手,好呢hea。如果你都有呢個煩惱,日本呢個新產品「rumbrella」就帶嚟唔少方便喇,「r」手柄除咗可以俾你拎住,仲可以勾埋個袋喺度,慳力之餘,瀟洒囉。開遮嘅時候,手柄凸出嘅位又可以頂住隻手,大風都唔怕把遮脫手咁話喎。6,000円,6種顏色,6月1日喺「東急ハンズ新宿店」、「SMARt LIFE TOKYO」等地方同Amazon都有得買。

Read more ›
新片速報 藍芽縮骨遮 留低即時通知你

新片速報 藍芽縮骨遮 留低即時通知你

你係咪成日都留低雨遮?之後又要買過把新?如果把遮有藍芽咁連住你部電話,行開30呎就會通知你,咁就一定唔會留低啦。呢把藍芽雨傘喺Kickstarter集資緊,用上手表電池,可以用一至兩年,對應iPhone同Android電話,裝個叫「Davek Alert」嘅app就得喇。好喇,問題嚟喇,首先,如果我留低咗喺車,離開30呎之後,架車應該開走咗,真係得個知字咋喎;第二,賣80美元,夠買幾多把遮?同埋如果我冇唔見,但把遮爛咗藍芽又未壞咁點……咁咪算囉。

Read more ›

有片     進化版雨遮    超輕物料易開關

有片 進化版雨遮 超輕物料易開關

梁志祥話雨遮喺黃飛鴻系列入面係武器,講嘅時候居然唔笑,佩服。為咗加強雨遮嘅威力,可以考慮吓呢款進化版嘅雨遮。名為Sa嘅雨遮參考日本嘅摺紙藝術,用嘅係超輕物料,只要扭一扭或者輕輕推個底部,就可以開或者閂遮,而家喺Kickstarter集緊資,顏色有藍、黃、紫、黑、灰、白,識揀嘅一定係揀黃色。

Read more ›
雨遮新設計     手柄可屈曲方便hea

雨遮新設計 手柄可屈曲方便hea

春天就嚟殺到,又係要隨身帶把遮出街嘅時候。縮骨遮太細把兼用完放落袋好易整濕其他物品,所以我偏向用直柄雨遮,不過要拎住出街都幾煩,尤其要搵位放置佢哋嘅時候。網上見倒呢把叫Flexiber嘅遮,手柄位可以屈曲,吊喺枱邊、勾喺門邊,甚至微微屈曲挨住牆邊都無問題,最正係繞兩個圈就可以將把遮掛喺背囊外,好實用,可惜尚未量產。

Read more ›
鬧市現500把雨傘   「幅蓋」範圍有免費WiFi

鬧市現500把雨傘 「幅蓋」範圍有免費WiFi

英國長期落雨,如果鬧市有500把遮同時打開都幾震憾。最近英國手機網絡商O2搞咗個活動,喺鬧市用500把遮砌成一個拱門,除咗經過可以避吓雨,把遮嘅「幅蓋」範圍仲可以有免費WiFi提供,實用度唔算高,不過夠晒搶眼,行過都會忍唔住望兩望,影張相放上facebook。

Read more ›