Post Tagged with: "遊戲"

遊戲主角食物Tee 之夏天食少啲
by / on 13/05/2013 at 7:23 am

遊戲主角食物Tee 之夏天食少啲

夏天,有咩服裝方便得過一件Tee,簡簡單單唔駛貴,最緊要有model身形,同埋唔好食咁多嘢。作為機迷,可以望梅止渴,好似呢件tee,有齊遊戲主角鍾意嘅食品,例如孖寶兄弟嘅增高蘑菇、Donkey大猩猩梳香蕉‥‥‥其他嗰幾款你認唔認得出自邊款遊戲?

Read more ›

新片速報 殺入遊戲戰場 新世代體感 挑戰機迷體力
by / on 20/04/2013 at 4:50 pm

新片速報 殺入遊戲戰場 新世代體感 挑戰機迷體力

體感遊戲淨係喺度fing手fing腳,踏前一步就叫行,又唔識轉身,似傻仔多過似槍手,邊夠好玩。咁如果將呢兩個打機新發明組合埋一齊就勁喇,首先係Omni,佢係類似一部跑步機,仲有個圈箍住你條腰,感應到你跑同轉身;另一樣就係Oculus Rift立體眼罩,戴埋佢上頭就好似入咗遊戲世界!呢條片示範緊《Team Fortress 2》,留意右下角,我諗真係勁好feel,不過攰啲。

Read more ›
神都係人 動畫人物打機場面大集合
by / on 18/04/2013 at 10:44 pm

神都係人 動畫人物打機場面大集合

歷年嚟,動畫同遊戲都好似分唔開。唔係話動畫改編做遊戲又或者遊戲反改編做動畫,而係動畫入面都少不免有打機嘅片段。咁到底佢哋打咩機呢?新至PS Vita、3DS當然有,舊至紅白機超任都一樣唔少得。有外國網站嚟咗個大集合,入嚟一齊睇吓你認得幾多?

Read more ›
獵奇神曲    俄羅斯/街霸/MJ / David Bowie混音特集
by / on 23/03/2013 at 6:27 pm

獵奇神曲 俄羅斯/街霸/MJ / David Bowie混音特集

星期六無嘢做,上YouTube搵嘢睇,居然見倒呢首正歌!由Ithaca Audio製作嘅Game Theory,將19首遊戲經典音樂例如俄羅斯方塊、太空侵略者、街霸、孖寶等等,同David Bowie、Michael Jackson嘅歌混合埋一齊,呢頭聽倒「Beat It!」,嗰頭又有超音鼠食金幣嘅聲畫彈出,充滿驚喜。最正係成首歌居然用特製嘅NES超任手掣混音,勁!

Read more ›
新片速報     企鵝仔玩iPad《Game for Cats》破紀錄
by / on 17/03/2013 at 11:17 am

新片速報 企鵝仔玩iPad《Game for Cats》破紀錄

好得意!呢段片拍攝企鵝仔Jeremy同埋Newsom玩iPad遊戲《Game for Cats》嘅片段,由於佢哋無手指,所以用個咀啄啄吓玩,Newsom仲破咗企鵝界紀錄,攞咗1600分!短片由非牟利海洋團體Aquarium of the Pacific製作,佢哋話:「春天時候,成年企鵝會出去覓食或者搵配偶,不過呢兩隻小朋友無嘢好做,所以用iPad比佢哋試吓捉老鼠。」由於要出動私伙機,工作人員貢獻咗部第一代iPad舊機出嚟,都啱嘅,啄爛咗都無咁傷嘛。

Read more ›
新片速報 《Arcade Cabinet》懷舊情懷 Capcom遊戲大集合
by / on 08/02/2013 at 12:04 pm

新片速報 《Arcade Cabinet》懷舊情懷 Capcom遊戲大集合

你機齡有幾深?198X年你做緊咩?打緊咩機?呢堆人物你又記唔記得?唔記得唔緊要,入嚟睇片睇圖你一定有那些年嘅印象!Capcom推出呢個《Arcade Cabinet》,就可以將你屋企部PS3/Xbox360變做懷舊模擬器,第一彈2月19日推出(Xbox360版2月20日),500円(400MSP)就有《1943》加《必殺無賴拳》兩隻遊戲,之後陸續會出嘅有3月5日嘅《魔界村》+《Gun Smoke》+《Section Z》,1000円,之後每半個月就有新遊戲,仲有《Side Arms》、《戦場の狼》、《1942》、《Son Son》等等,用手機始終唔同用主機玩嘅。

Read more ›

免費手機Game   幫阿伯生髮種菜
by / on 22/01/2013 at 12:08 pm

免費手機Game 幫阿伯生髮種菜

種蘑菇大家都玩到厭,不如試吓喺中年阿伯個頭上種菜?呢款《ハゲパラ Let’s 育毛》免費遊戲啱啱登陸Play Store,玩法可以用奇特同埋不可思議嚟形容。說話呢位中年阿伯有一日發現頭頂發光,甩晒頭髮,之後有神明比咗罐神秘生髮水佢,之後就變咗爆炸頭。夠騎呢未?最騎呢係玩家要好似種菇咁,不斷採收蔬菜或其他物品,幫阿伯升呢,然後佢個頭會長出西蘭花、保齡球樽、甚至槌仔‥‥‥

Read more ›
情人節噩夢「男女朋友襟章」魔鬼現身!
by / on 19/01/2013 at 3:57 pm

情人節噩夢「男女朋友襟章」魔鬼現身!

女讀者,如果你有個好鐘意打機儲白金獎盃嘅男朋友,啱晒嘞,今年情人節你可以買呢套「男朋友襟章」訓練佢。襟章總共12個,每個都係一個任務,例如見完家長可以獎一個襟章;交換鎖匙?頒獎啦!其他襟章仲有共用櫃筒放內褲、共同放屁、嘔吐時幫忙掃背等等。男讀者,係咪好驚?快啲盡可能冚住呢單消息唔比女朋友知,又或者,買埋呢套「女朋友襟章」,一式六個,有「接受打機」、「一齊食快餐店」、「胸部push up」、「月事情緒管理」等等,哈哈,真係好絕!

Read more ›
新片速報 12分鐘回顧機迷的1年
by / on 02/01/2013 at 10:24 am

新片速報 12分鐘回顧機迷的1年

知大家唔鍾意睇字,回顧2012有咩好game推出就梗係睇片開心啲。外國網站Gamespot就拍咗一段12分鐘嘅影片,由機迷第一身出發,2012年1月1日起身整個奄列之後就開機喇……雖然係西人口味,不過由主機大game至手機遊戲都有涉獵,都叫齊料,當然,日系遊戲如機戰就冇份啦。

Read more ›