by / on 08/04/2018 at 9:02 pm

東京35年遊戲店結業 星級遊戲製作人陣容到場 小島秀夫送花籃

賣遊戲嘅獨立遊戲佔可以賣到連遊戲製作人都尊重?日本有一間,就係東京都江戶川區、開業35年嘅「Games MAYA(ゲームズマーヤ)」。因為秋谷店長年紀漸大,醫生都勸佢退休,所以就有喺今日(8日)退休嘅決定,之前仲有報道話店長點都堅持要等埋《Monster Hunter: World》推出後先退休,因為想見證呢隻遊戲發售一刻。好喇,今日閉店,仲犀利到有直播,而出席嘅製作人陣容仲好勁,司儀有野晋哉,嘉賓包括《Monster Hunter》嘅辻本良三、《人中之龍》嘅名越稔洋、Level 5日野晃博、索尼互動娛樂日本亞洲(SIEJA)總裁盛田厚等人,仲有小野義徳、橋本真司、松山洋佢哋賀佢光榮結業,就連小島秀夫都有送花籃同寄語俾店長!香港有冇呢類老店?我細個幫襯土瓜灣德信、九龍城龍珠嗰幾間都執晒咯……

Read more ›