《The Elder Scrolls》、《Fallout 76》嘅Bethesda，喺Twitter出咗條短片，見到有地圖、指南針，冇手提電話但有頂帽同鞭，老鬼見到呢兩件嘢，都會諗起《Indiana Jones》啦？繼而仲出埋文，表明新遊戲已經開發中，期唔期待？會唔會有啲似《Uncharted》？

  呢個調查嘅機構係外國Royal Panda，經營賭博遊戲網站嘅，咁調查主題就係玩唔同主機嘅機迷智商，都搵咗1001人嚟測試，最後得出結果就係玩PC遊戲最多嘅機迷，智商平均去到112.3！其他……咦？咁如果玩PS5或者Xbox Series X代表咩？代表你心急，有錢或者好彩或者早起身排隊囉。

曾經得過好多跳舞遊戲世界冠軍嘅りりぃ，早前喺Twitter出咗一段片，當中提到太太好理解佢嘅興趣，而且仲發展成為共同興趣，仲話太太越跳越好，有超越自己嘅趨勢……睇番條片，真係好凸顯到夫婦嘅默契，真係好勁，令人羡慕呀！

如果你已經立地成佛，講一句唓我睇人打機之嘛，駛乜佢靚樣好身材？咁冇乜事可以出番去喇。因為啱啱見到有日本網民就推介呢個嚟自美國嘅直播主Kson，特別之處係佢鍾意日系遊戲又識日文，有時仲會開台教英文，仲有最重要，你睇佢Cos魔女個樣！仲要戴眼鏡！

有一定機齡嘅，都知咩叫SFC啦？但KFC……係，肯德基，上校，炸雞，唔知係咪趁近日新一代遊戲主機好有話題，於是出咗呢條片，4K，120FPS，而且仲有一格可以順便用打機時嘅熱力翻熱炸雞……2020年11月12日，到底會有咩事發生？

戴得口罩耐隻耳仔會痛，於是日本遊戲角色設計師「齋藤幸伸」諗到可以出動呢個大隻佬，一手拉一邊就唔會勾住隻耳仔勒住痛嘞，而且仲好突出！之後仲有個下蹲造型，入嚟有得睇埋。

呢排最人氣一定係網上漫畫《100日後に死ぬワニ》啦，出咗好多商品之餘又會出實體書版，而且仲會遊戲化，除咗電話App之外，係咪會有任天堂Switch版？點解咁講，因為有網民發現隻鱷魚拎住Switch個手掣囉。

玩音樂節拍game玩到出神入化喺點？就係唔駛用自己雙手都玩到full combo。日本呢位網民就用自己隻公仔代勞，睇佢完美嘅動作同埋自信嘅笑容，好治癒，入嚟有片睇，仲有得回帶睇埋佢1月時表演嘅另一首歌，好勁。

合共有Nintendo DS、Wii、PSP、Nintendo Switch、PlayStation、Sega Saturn、Game Boy Advance、WiiU等等，用電子琴完美重現開機音樂！你擁有過幾多部？

喺沙灘岸邊見到一個勇者之盾，的確會令人有無限聯想。最近有日本網民喺Twitter分享咗呢輯相，當時佢喺屋企附近嘅沙灘散步時發現個盾，佢好想知個「勇者」係咪已經出咗海冒險。唔少網民留言回覆話諗起RPG冒險遊戲，有網民仲分享咗史萊姆沙灘版，入嚟有回帶。

細個讀書好多時間剩，可以好好心機成日畫公仔，日本有位網民最近就喺屋企搵返小學時嘅筆記薄，入面竟然畫滿晒遊戲嘅地圖同關卡，專業到好似彩色攻略本，啲圖超整齊超靚，難怪佢而家嘅工作主要係ドット絵(Dot Painting)，入嚟有片睇。

呢隻日本遊戲超正，最近喺Twitter好多人RT，個名叫「Play Dog Play Tag」，由獨立遊戲廠商ProjectPegasus開發。玩家扮演隻好曳嘅柴犬，拖住主人不斷橫衝直撞，摧毀附近嘅建築物，玩法好簡單，睇落仲好爽，有養狗嘅朋友應該勁有共鳴。有網民話究竟邊個先係主人，有人話平時自己拖狗散步時就係咁，入嚟有片睇。遊戲會喺6月1至2日喺京都嘅BitSummit 7 Spirits展出，到時應該會有更多情報嘞。

街霸《Street Fighter》經常同不同品牌聯乘，最近就有春麗聯乘波鞋品牌Onitsuka Tiger。跟返春麗套衫嘅主色推出咗白底同黃底兩款波鞋，仿照Mexico 66 D鞋款改良，張宣傳照見到春麗著住都幾靚，而對鞋本身嘅設計亦好含蓄，著咗都未必知你係街霸fans。限量5千對，每對18000円，另外每對鞋會跟多個code可以unlock返《Street Fighter V: Arcade Edition》入面春麗嘅特別服裝，即係買一對，就可以遊戲內外都著到，7月27日起喺全國Onitsuka Tiger店有得買，入嚟有多啲資料。

日本好多動漫遊戲迷，所以結婚都有晒主題，之前有比卡超婚禮，又有VR結婚體驗，仲試過喺機舖搞婚禮，最近又有婚禮設計師將一對新人變成遊戲主角，本賓客紀念冊變到好似隻遊戲軟件咁，入面仲有齊70位賓客嘅設計角色，仲有埋遊戲玩，好勁，而Logo就係模仿當年嘅PS彩色Logo，入嚟有片睇。

老鬼們，有冇覺得以前啲遊戲多好多隱藏嘢同秘技？例如……如果你玩過初代PS，或者Saturn等遊戲主機，有冇遇過啲遊戲放入CD機或電腦都會有特別嘢？記憶中都好多，有啲可以聽歌，有啲有特別聲音同圖像，係咪？