fbpx

Post Tagged with: "遊客"

日本MariCar遊客鏟上行人路 網民鬧爆影響任記形象
by / on 04/05/2018 at 7:58 am

日本MariCar遊客鏟上行人路 網民鬧爆影響任記形象

好多外國遊客鍾意去日本揸呢款MariCar,間公司而家面對緊任天堂嘅版權訴訟問題,後者索償緊1千萬円,同時間佢哋嘅安全問題都成為好多人嘅討論焦點。近來有越嚟越多意外發生,最近又有一單,事發地點係東京六本木,有架MariCar鏟咗上附近一間餐廳嘅門口,撞爛咗個招牌停咗喺道牆前面,司機據知係一個30幾歲嚟自新加坡嘅女士,件事喺Twitter好多日本人討論,有人話會影響任天堂嘅形象,有人話遲早有更嚴重嘅意外發生,政府應該要收緊對呢類型車嘅監管,如果準備去日本揸MariCar嘅記住要小心,唔好影響其他人甚至危害到自己嘅性命,諗清楚先好。

Read more ›

日本「角島大橋」遊客坐公路影合照      網民:「想集體自殺?」
by / on 07/09/2017 at 7:59 am

日本「角島大橋」遊客坐公路影合照 網民:「想集體自殺?」

日本嘅「角島大橋」被評為死前必去嘅世界絕景第三位,一場去到,點都要打吓卡影吓相放上網,不過坐喺條公路上影相就‥‥‥日本有網民將呢張相放上Twitter,一大班後生仔女坐正喺橋嘅中間影合照,引嚟好多人留言。有人問佢哋係咪想集體自殺,亦有人話呢條橋係去醫院嘅救護車必經之路,咁做好唔啱。BTW,如果人人都咁樣影法,的確會嚴重影響道路嘅日常運作。

Read more ›
【新片速報】日本遊客打乞嚏嚇親「狐獴」 反應超大Twitter熱傳
by / on 19/12/2016 at 7:21 am

【新片速報】日本遊客打乞嚏嚇親「狐獴」 反應超大Twitter熱傳

慘慘豬,有日本網民最近去咗動物園睇好可愛嘅「狐獴」,不過天氣凍佢又病病哋,忍唔住打咗個大乞嚏,可憐嘅狐獴俾個乞嚏嚇親,反應勁大,雖然樓主不停say sorry,但隻受驚嘅狐獴嚇到即刻返入屋唔敢出嚟。段片喺Twitter超過7萬個RT,雖然可憐,但個反應真係幾好笑嘅‥‥‥

Read more ›
遊客奈良自拍鹿仔怒啤相熱傳 日本網民:「雌性對雌性嘅眼神呀!」
by / on 19/09/2016 at 7:13 am

遊客奈良自拍鹿仔怒啤相熱傳 日本網民:「雌性對雌性嘅眼神呀!」

去奈良探鹿仔餵脆餅、自拍,呢啲都係遊客嘅指定動作,不過最近有外國媒體刊登咗一張相,有個女仔同鹿仔自拍時,隻鹿居然露出咗一個好不屑嘅眼神啤住佢。件事喺日本2ch引起熱烈討論。有人留言話:「雌性對雌性嘅眼神呀!」、「係咪覺得佢可愛所以偷望一眼呀?」、「超乎想像嘅厭惡表情」。之後有網民放咗其他遊客同鹿仔自拍嘅相,全部都好可愛,好明顯,今次事件應該係有俾脆餅同無俾嘅分別嘞!

Read more ›
【新片速報】最憎自拍神棍 外國YouTuber拍片怒剪遊客神棍
by / on 06/09/2016 at 7:12 am

【新片速報】最憎自拍神棍 外國YouTuber拍片怒剪遊客神棍

出街成日見人揸住支自拍神棍,有時係幾炆嘅,不過好似呢個YouTuber Buddy Bolton咁,快閃狂奔去剪爛人哋嘅自拍神棍,行為又似乎激咗啲。佢哋話好唔滿意紐約市經常有遊客拎自拍神棍出嚟影相阻街,於是做咗呢個行動,見人拎自拍神棍出嚟影相,就馬上衝出去一把較剪剪爆人哋支自拍神棍,被剪嘅人錯愕完之後十居其九會衝上去追打佢。喂,支自拍神棍剪斷事小,部手機跌爆芒事大,憎還憎,千祈唔好亂試。

Read more ›
日本餐廳拒做日本人生意    居酒屋/ 百貨公司主攻中國遊客
by / on 29/11/2015 at 1:05 pm

日本餐廳拒做日本人生意 居酒屋/ 百貨公司主攻中國遊客

中國旅客已經全面入侵各國旅遊點,日本當然唔例外,之前聽聞好多餐廳唔做外國人生意,不過最近相反,繼香港人熟悉嘅居酒屋「和民」今年1月都喺銀座開咗間只接待外國遊客嘅分店「銀政-GINMASA」之後,最近越嚟越多日本餐廳加入「只限遊客,拒絕接待日本人」嘅政策,百貨公司都越嚟越多專為遊客而設嘅新設施。呢單新聞上咗日本2ch討論區後,唔少網民好嬲嬲,話呢啲餐廳老闆個腦有問題,有人就鬧和民係黑心企業,不過估唔到都有人力撐,留言話:「咁幾好喎,即係隔離分區」、「咁日本人就可以唔去呢啲接待中國人嘅餐廳啦。」正如香港都有唔少酒樓專門接待國內旅行團,將佢哋聚埋一堆,其實更安全。不過睇見咁多新措施,香港人應該好有同感,鍾意日本嘅當然會有啲心嗡。

Read more ›

日本新書網民熱論     中國人:「日本公廁好似酒店咁乾淨!」
by / on 06/05/2015 at 7:11 am

日本新書網民熱論 中國人:「日本公廁好似酒店咁乾淨!」

最近好多日本網民熱烈討論呢本新書,本書由中島美編著,主要係從日本嘅廁所,探討點解中國人會愛上日本,書入面提到有中國人去完日本後,最驚訝係當地嘅公共廁所全部都好似酒店咁乾淨,而且有廁紙!街上面又無垃圾,同上海完全唔同。不過日本網民嘅留言更值得睇,例如有人話:「所以希望你哋用嘅時候保持乾淨啦!」、「你哋嚟完之後就變污糟了‥‥‥」、「係呀你哋用之前都係好清潔嘅。」親身經驗,最近去日本旅遊區,廁所的確比以前污糟,不過唔係針對中國遊客,其實香港嘅女廁都經常污糟到嘔,所以無謂五十步笑百步,大家去廁所嘅時候都要諗吓下一位用家嘅感受。 

Read more ›