Post Tagged with: "進擊"

《進擊之巨人》第11卷震撼預告!巨人兵團登場!?
by / on 08/08/2013 at 6:32 pm

《進擊之巨人》第11卷震撼預告!巨人兵團登場!?

嘩!好恐怖呀!8月9日推出嘅《進擊之巨人》第11卷已經流出,裏頭有張宣傳單張確定咗會今年內推出3DS遊戲,已經震撼?未算!第12卷嘅預告先恐怖,大家有眼睇,係巨人兵團!三笠、阿爾敏等人都咬自己隻手,之後……不過咁,呢啲預告都有前科,入嚟睇吓,當冇發生過。

Read more ›

今年推出確認!3DS《進擊之巨人》遊戲登場!
by / on 06/08/2013 at 11:07 pm

今年推出確認!3DS《進擊之巨人》遊戲登場!

《進擊之巨人》今年大人氣,之前都講咗會出主機版遊戲,但估唔到嘅係趕得切喺今年內推出!喺今期第11卷漫畫嘅封入宣傳單張中就有見到宣佈會喺3DS呢個平台推出,未有機嘅巨人迷,買機事在必行!另外開發商會係Spike Chunsoft,仲宣佈會喺9月9日發售嘅《別冊少年マガジン》10月號發表詳情,連官網都有喇,不過未有嘢睇啫,連機協力殺巨人,指日可待呀呀呀呀!

Read more ›
5.4m X 3m《進擊之巨人》沙雕 8月9日展出
by / on 04/08/2013 at 1:09 pm

5.4m X 3m《進擊之巨人》沙雕 8月9日展出

噚日朝早share咗呢隻《進擊之巨人》嘅60米巨人加艾倫沙雕,今日就搵到多幾張圖同資料。原來呢個喺「江の島東浜海水浴場」嘅沙雕係為咗慶祝《進擊之巨人》11卷發行而製作嘅,製作嗰位師傅叫保坂俊彦,而呢個沙雕就闊5.4米深4.2米高3米,睇阿師傅拍埋去,細過真實比例。另外,呢個沙雕用咗80噸沙嚟製作,過程只係用水同沙,係完成之後先噴上天然成份嘅固定劑,可以抵擋一定程度嘅風吹雨打,喺8月9日至5日會展出。

Read more ›
1/8兵長 動漫女最愛 下年1月推出
by / on 29/07/2013 at 3:52 pm

1/8兵長 動漫女最愛 下年1月推出

噚日(28日)個東京幕張「Wonder Festival 2013(夏)」,除咗figma嘅艾倫、三笠同黏土人外,仲有呢隻「1/8 リヴァイ」,堪稱係最受女性歡迎嘅人類最強士兵……暫時得白模睇,預定2014年1月發售。另外60米巨人嘅黏土人都有新圖,超正!有埋圍幅同嘍囉巨人,加埋啲兵仔,好想要一套!

Read more ›
會場「Good Smile Cafe」有得食 配給食品700円
by / on 28/07/2013 at 6:13 pm

會場「Good Smile Cafe」有得食 配給食品700円

《進擊之巨人》可以話係攻陷咗今日個Wonder Festival 2013(夏),除咗有figma實物同大量新產品睇之外,會場入面嘅「GOOD SMILE CAFE」都玩《進撃之巨人》主題,分別推出咗60米巨人飯盒「超大型巨人オムライス」同埋配給食物套餐「サシャのご馳走プレート」,賣1,000円同700円!最正都係個配給套餐,有白薯又有麵包,好似入咗巨人世界咁!

Read more ›
《進擊之巨人》Wonder Festival 2013會場新產品補完
by / on 28/07/2013 at 2:59 pm

《進擊之巨人》Wonder Festival 2013會場新產品補完

早前中午時間報道咗即將推出嘅《進擊之巨人》艾倫、三笠figma情報,啱啱又有多幾張圖,而發售日就分別係2014年春天同1月。除咗佢兩個同兵長、60米巨人嘅figma外,仲有就係展出咗三笠嘅黏土人公仔,另外亦有艾倫巨人嘅胸像景品,加埋9月發售嘅毛巾,勁大量搶你錢。

Read more ›

新片速報 兵長又惡搞 日巨人迷2,206張圖自製掃除版OP
by / on 28/07/2013 at 2:06 pm

新片速報 兵長又惡搞 日巨人迷2,206張圖自製掃除版OP

《進擊之巨人》兵長一早已經成為被惡搞嘅熱門對象,自從大掃除一段出咗之後,佢個戴圍巾造型更加得到巨人迷愛戴。呢位日本巨人迷就用咗兩個月時間,合共2,206幅圖,製作咗呢個專為兵長而設嘅OP,兩個月喎,梗係仲係我最愛嗰首OP〈紅蓮の弓矢〉啦。

Read more ›
《進擊之巨人》figma現身 艾倫三笠加兵長武裝登場
by / on 28/07/2013 at 1:00 pm

《進擊之巨人》figma現身 艾倫三笠加兵長武裝登場

今日(28日)喺東京台場幕張舉行嘅Wonder Festival 2013(夏),又有巨人新情報,就係《進擊之巨人》嘅figma終於現身!除咗主角艾倫同三笠之外,仲有60米巨人都有份!新展示圖見到兩個主角無論個樣或者裝備都好對辨,尤其係Mikasa,加上figma嘅活動能力極高,可以話係《進擊之巨人》推出咁耐以嚟唯一玩得嘅玩具,巨人迷可以話係必買!另外展場都擺咗未有成品睇嘅預告牌,就係160cm嘅兵長都有份!

Read more ›
進擊車友必備 調查兵團單車衫褲 13,440円
by / on 26/07/2013 at 5:27 pm

進擊車友必備 調查兵團單車衫褲 13,440円

人氣咁爆,輪到佢啦。之前日本已經出過初音嘅單車衫褲,今次就係《進擊之巨人》版,分上下半身兩件,每件13,440円。上半身前面就有圍牆有巨人又有艾倫,背部最型,係調查兵團團徽!由即日起喺「GOODSMILE ONLINE SHOP」有得預訂,10月派貨,如果有埋立體機動裝置就最好啦。

Read more ›
推出1周即破今年紀錄《進撃之巨人》BD第1巻超熱賣
by / on 24/07/2013 at 6:25 pm

推出1周即破今年紀錄《進撃之巨人》BD第1巻超熱賣

之前出動到法拉利痛車嚟宣傳,當然,唔係咁玩我深信都會勁賣。今年爆發人氣嘅動畫《進擊之巨人》第1卷BD喺17日發售,今日就公佈咗第一週銷量達3萬7000隻!即時打敗4月發售《少女與戰車(ガールズ&パンツァー)》第4卷嘅3萬6000隻紀錄,躍升做今年首發最高TV動畫BD。睇呢個走勢,紀錄應該陸續有得破!

Read more ›
新片速報 悶未?《進擊之巨人》真人學生版OP
by / on 18/07/2013 at 6:14 pm

新片速報 悶未?《進擊之巨人》真人學生版OP

其實我未悶。新OP出咗,好多人都好懷念〈紅蓮の弓矢〉版本,夠激昂嘛。之前有「鎖音版」,今次就嚟學生版,呢班學生仔臨放暑假玩得好癲,著晒調查兵嘅制服,喺學校天台、班房模擬《進擊之巨人》OP片段,當中最震撼一幕,係好多好多巨人喺班房行……仲有!佢哋逐個跳上「屋頂」嗰吓都好有型。總之就有誠意啦。

Read more ›

加片再推 《進擊之巨人》X 法拉利現身秋葉原
by / on 18/07/2013 at 11:42 am

加片再推 《進擊之巨人》X 法拉利現身秋葉原

噚日都出過報導話《進擊之巨人》為宣傳推出Blu-ray/DVD,而整咗架法拉利痛車,用價值幾百萬嘅法拉利458 Spider嚟做痛車更係堅,仲要加埋60米巨人襯番個紅色!噚日有相,今日就有埋片,睇到巨人好似好享受被閃光燈狂閃,坐喺法拉利度個樣仲相當得戚,都係虛榮。

Read more ›
唔夠160cm!?《進擊之巨人》兵長攬枕9月推出
by / on 17/07/2013 at 7:54 pm

唔夠160cm!?《進擊之巨人》兵長攬枕9月推出

自從兵長出場之後,風頭蓋過咗男主角艾倫,成為被惡搞嘅最熱門對象,當然,都有真心腐女希望可以攬住佢瞓覺豬。機會嚟喇,9月19日呢兩款攬枕就會推出,有艾倫又有兵長……9,450円,50cm x 150cm,咦?160cm。

Read more ›
豪到爆!法拉利超跑《進擊之巨人》痛車現身
by / on 17/07/2013 at 6:45 pm

豪到爆!法拉利超跑《進擊之巨人》痛車現身

繼上次超長嘅《薔薇少女 ローゼンメイデン(Rozen Maiden)》豪華痛車之後,今次又有宣傳新招。為咗宣傳《進擊之巨人》Blu-ray同DVD第1卷喺今日發售,秋葉原又出現一架巨人痛車,呢架痛車就勁咯!係法拉利458 Italia,幾球嘢一架嘅458呀!車頭係兵長加艾倫,車身就Cute版調查兵團,巨人原來咁有錢!

Read more ›
秋葉原推出《進擊之咖哩》 白飯城牆 香腸做巨人!?
by / on 16/07/2013 at 3:18 pm

秋葉原推出《進擊之咖哩》 白飯城牆 香腸做巨人!?

咩都進擊,不過今次真係勉強咗啲。呢間秋葉原有嘅「マンモスカレー」食咖哩都算出名,最新推出就係呢碟「進撃のカレー」,點進擊法呢?用白飯圍成城牆,外面就係咖哩汁,60米巨人就係半截香腸,細粒啲企起「城牆」上面嘅就係艾倫……如果投入啲再加啲幻想,你就可以將隻60米巨人放入口喇……呢碟咖哩即日開始至8月尾供應。

Read more ›