日本今日開始正式踏入「令和」年，由平成至令和嘅30年期間，女性嘅化妝同髮型潮流都轉變好大，仲記唔記得油到黑晒、個嘴白晒嘅渋谷系造型？Shiseido之前拍咗段片，搵嚟同一個model示範由1989年至2019年嘅不同經典造型，好多你同我都見過甚至跟過，入嚟有回帶可以睇返段片。

第一眼睇仲以為係中國嘅老翻Hello Kitty，原來係來自日本。有日本網民分享咗呢套Hello Kitty 50音表，每個平假名字都係由Hello Kitty公仔砌成，有啲動作仲好搞笑，充滿活力！之後有網民分享埋Hello Kitty嘅英文字母表，入嚟有回帶。

龍珠睇得多，變晒武士裝嘅佢哋估唔到型成咁。外國藝術家Guillem Daudén設計咗一系列新造型俾佢哋，悟空、比達、杜拉格斯、笛子魔童、莊子‥‥全部都好正，我同日本網民一樣，最鍾意係比達，超型！

真係睇住佢大，2月3日係橋本環奈20歲成人之日，佢之前都出咗圖賀一賀，噚晚佢再出圖，今次拎住嘅係《銀魂》作者「空知英秋」老師送嘅親筆畫，當然唔少得「神樂」經典嘅挖鼻造型，超可愛！入嚟有得回帶埋橋本環奈近期嘅Twitter靚相，仲有幫《Vivi》宣傳寫真集時拍嘅影片。

又發生撞樣事件，今次係歌手Céline Dion出席活動時嘅衣著，個打扮好潮令人一見難忘，而網民就發現佢好似《幽遊白書》嘅戸愚呂弟‥‥‥仲引到好多網民改圖同埋出圖回應，入嚟有回帶。

呢隻新加坡XM Studios出嘅《銀河守護隊》浣熊「火箭」Rocket同樹人Groost雕像的確幾正。特別係火箭懶係惡嘅兇狠樣，配埋重裝備武器，好正！1/4比例，賣新加坡幣1399，即係大概港幣8千蚊港幣左右，都幾貴，有興趣可以去返官網，噚晚開始開放預訂嘞。

藝人兼模特兒山本美月本身個樣已經好可愛，最近仲cosplay埋Pokemon嘅伊貝影相，全身毛毛造型嘅佢超可愛，最特別係對耳仔，用返頭髮包實，好似佢天生就係伊貝一樣，網民留言問邊度可以捉到佢，入嚟有片睇。其實佢今次係宣傳首飾品牌「Q-pot」首次同Pokemon聯乘出飾物，女仔見到應該好想買，入嚟有得睇。

萬聖節都未完，就要諗定聖誕節嘅貓造型嘞，好忙呀！日本Kitan又有新扭蛋發佈，今次係白色聖誕造型嘅貓頭套，除咗基本聖誕帽款式，當然唔少得誇張搞笑嘅款，你睇吓個雪人！

嘩，好驚呀，想嚇死人咩？萬聖節又到，除咗人可以cosplay之外，動物都可以，好似網民分享嘅幾隻狗狗，一塊白布就搞得掂，材料又簡單又平，效果仲超正！不過首先要有一隻白色嘅狗先得。

一到萬聖節又係日本人cosplay嘅時候，唔止人類，貓都有份cosplay。最近Twitter熱傳有呢段片，隻貓嘅造型超恐怖，媽呀！入嚟有得睇埋佢！網民都出圖回應，原來呢種食人花嘅造型古今都好流行。BTW，樓主特別聲明個頭套嘅物料絕對安全，大家唔駛擔心，有無貓奴好想買返個？

一直覺得Cara Delevingne超有型，最近佢出席英國皇室婚禮嘅一身造型，更加喺日本Twitter好多人RT，樓主話正到唔知用咩形容詞嚟形容。身為公主Eugenie好朋友嘅Cara，出席佢嘅婚禮當然要隆重啲，身穿一身西裝燕尾服嘅Cara，當日配咗頂黑色禮服帽同埋一對高踭鞋，中性打扮好特別，好多網民話型過晒旁邊嘅男士，有眼利嘅日本網民仲發現佢好似咬住支牙籤，連咬支牙籤都型過人。BTW，Cara之前有份拍過Call of Duty: Black Ops III嘅宣傳片，女槍手嘅造型超正，入嚟有回帶。

呢類型嘅充電線保護套之前都出過唔少，不過今次呢款就喺日本Twitter熱傳，唔單止有條煲呔保護條線，仲有頂帽仔可以保護叉電位，位紳士可以自己除帽，超可愛！好多網民睇完都話想買，之前喺Tokyu Hands有售，亦有網民分享咗amazon嘅link，有唔同表情可以自己貼，仲有惡魔版，537円唔算貴，入嚟有得睇。

好可愛，好想抱佢返屋企。有睇動畫《龍貓》嘅應該都會鍾意呢個超可愛嘅小妹妹「メイ」，最近有日本網民分享咗囡囡嘅相，全身「メイ」嘅造型，咁啱仲要踎喺地下，還原度極高！網民都讚佢超可愛。

日本扭蛋品牌「熊貓之穴」出名創意爆棚，最近佢哋又有新作，今次嘅主題係「生果鳥」，仲有埋故事背景。話相傳日本最南邊嘅海洋有一座未俾人發現嘅小島，上面住咗好多「熱帶生果鳥(トリピカルズ)」，例如有「奇異果鳥」、 「香蕉鳥」、「蜜柑鳥」、「蜜瓜鳥」等等，全部造型都好可愛，仲令我諗起本地嘅「叔叔不行鳥」。預計2018年8月發售，鍾意嘅記住留意返嘞。

女僕造型本身已經好吸引，仲要著喺喵星人身上，萌嘅程度爆晒燈。隻白喵本身好靚，仲要有對異色瞳，再加埋呢身Lolita造型，臨尾仲停停眼，超可愛！