by / on 15/09/2016 at 8:45 pm

【跟進】:《不是人間2》撞網次貨 漫道願意回收退款

《不是人間2》次貨流出市面,謝森龍異喺面書公開致歉,大部份讀者不但無怪佢,仲叫佢加油誓撐娜姐云云。至於出版社漫道,亦剛剛作出回應,喺面書話:「首先謝謝你對漫道和《不是人間》的支持,我們會個別回收,若讀者不滿(撞網)令《不是人間2》失去儲存價值,可親臨本公司退還款項。」雖然無正式道歉,但肯補鑊回收次貨兼退款,始終係一件好事,勉強都叫做肯負番責任。如果你買咗次貨,又無打算當錯版咁儲,咁勞煩你去出版社退番錢。最後,希望以後唔會再發生同類事件,大家齊齊支持港漫,好唔好?

Read more ›