Post Tagged with: "迷你"

《街霸II》Nanoblock第二彈    軍佬印度佬出擊
by / on 23/12/2014 at 7:21 am

《街霸II》Nanoblock第二彈 軍佬印度佬出擊

香港好多人鍾意砌嘅細細粒nanoblock,之前公佈今個月出嘅《街霸II》阿龍同埋春麗,我都好買返套。可能見反應好,官方最新公佈會喺15年4月出多兩個角色 ─ 軍佬同埋印度佬!同阿龍、春麗一樣都係出緊招,軍佬就出手刀,印度佬就出下重拳伸長對手,可惜唔係玩yoga fire噴火吖。軍佬賣1296円,印度佬1188円。可能軍佬大隻啲用多啲料,所以賣貴啲。

Read more ›

迷你人仔模型做主角    玩嘢相集超幽默
by / on 06/04/2014 at 12:17 pm

迷你人仔模型做主角 玩嘢相集超幽默

影相或者藝術並唔一定係高深嘅嘢,好似藝術家Roy Tysons為咗傳遞呢個訊息,就拍攝咗一個叫「Roy’s People」嘅相集,全部用迷你模型做主角,再搵日常生活嘅物品做場景,製造出小人國嘅效果。例如幾個人仔坐喺坑渠邊垂吊、陸軍大戰蝸牛‥‥‥全部都好好睇,好啱星期日打發時間。

Read more ›
迷你太空人枱燈   純裝飾用途
by / on 06/01/2014 at 7:18 am

迷你太空人枱燈 純裝飾用途

有啲嘢其實無實際用途,不過靚同埋得意已經係購買理由。好似呢隻太空人USB燈,迷你太空人一插電頭頂即刻會射出一道光。老實,當枱燈用應該唔係幾夠光,但得意喎!又吸引倒我令我好想買。售價美金$19.99,港幣$150有找,作為書枱上嘅小裝飾,買得過吖。

Read more ›
粗人免用!超迷你手掣   手機專用
by / on 03/01/2014 at 7:14 am

粗人免用!超迷你手掣 手機專用

PS Vita因為可以同PS4玩remote play最近賣得幾好,其實打開機嘅機迷,始終鐘意揸住個手掣,呢個新出嘅迷你手掣iMpulse勉強算止倒癮,有十字掣加四粒圓形掣,背面仲有兩粒掣,用藍芽連接,玩手機game時都算係有掣按吓。每次叉足電可以玩倒九粒鐘,賣美金$40,重點係手掣迷你到可以當鎖匙扣用,不過手指粗啲都唔啱玩。

Read more ›
紙箱人出新尿袋    雙眼發光識變色
by / on 06/12/2013 at 9:37 am

紙箱人出新尿袋 雙眼發光識變色

紙箱人我無特別偏好,不過之前出嗰個尿袋據聞賣得勁好,叉電期間流汗嘅標誌見到會忍唔住笑。好消息,最新官方公佈會出迷你版,嫌之前10400mAh拎出街太大嚿可以考慮新款。迷你版最吸引嘅地方係對眼識變色發光,電力充足時會著黃燈,得返半條命時會變橙,唔夠電就變紅,好得意。不過細嚿咗電力都弱咗,行6000mAh,夠叉iPhone大約2.5次,amazon有得訂,開價4340円,買嚟做聖誕禮物fit晒。

Read more ›
多啦A夢記憶麵包出配飾      唔放得入口
by / on 10/11/2013 at 12:19 pm

多啦A夢記憶麵包出配飾 唔放得入口

去得東京嘅多啦A夢博物館,一定要去埋入面間餐廳,食物靚之餘味道仲好得,諗起都肚餓。專出迷你呎吋玩具嘅日本RE-MENT最近就宣佈推出一套八件嘅多啦A夢食物配飾,最吸引我嘅梗係記憶麵包啦,最欣賞佢有少少蜜糖沾喺麵包邊,超細心。另外咖喱飯、豆沙飽都唔錯,可惜唔放得入口。12月2日有得賣,每盒380円,對比餐廳價格嚟講算好平喇。

Read more ›

車頭裝汽水  名車Fiat出雪櫃
by / on 12/06/2013 at 7:46 am

車頭裝汽水 名車Fiat出雪櫃

一到夏天,人同車都好容易熱到病,所以架車打開頭冚散熱都好合理吖。嘻,其實呢架唔係真車,而係流動雪櫃仔,由意大利Fiat車廠同出名生產雪櫃嘅品牌Smeg合作,將經典車款Fiat 500s切咗個尾變成小型雪櫃,打開車頭冚就可以拎汽水飲,爽!嚟緊會推出紅、白、綠三款顏色,不過估計應該貴到飛起,或者買架名車送雪櫃,你制唔制?

Read more ›
超迷你圖書館   圓蓋遮頭唔怕醜
by / on 03/06/2013 at 7:20 am

超迷你圖書館 圓蓋遮頭唔怕醜

香港都有流動圖書車,不過呢個紐約市Nolita嘅迷你圖書館真係好cute。體積細細最多容納倒4個人一齊睇書,加上黃色圓蓋設計同埋幾隻木腳,十足外星人飛船,走入去之後成個頭唔見咗,夠晒私人空間。呢個迷你圖書館由建築公司Stereotank設計,會一直擺放喺St.Patrick’s Old Cathedral School外直至九月,見到一定要去影張相留念。

Read more ›
文件夾枕頭   扮忙一流
by / on 20/05/2013 at 7:51 am

文件夾枕頭 扮忙一流

我懷疑自己比睡魔落咗降頭,每晚凌晨兩三點都唔眼瞓,但一返到公司就即時打喊露,由早「中」眼瞓到放工,好邪。由Donkey Creative Lab設計嘅呢款Office Pillow枕頭,擺明向office巨型文件夾致敬,而且單睇外形已經勁想瞓,最啱食完晏放上枱面眠一眠,令人錯覺呢位同事好勤力,以為你忙咗幾日幾夜通宵整理文件,不過瞓之前記住摷鬆個頭,增加同情分。

Read more ›
和風紙敞門   電插座專用
by / on 08/02/2013 at 7:35 am

和風紙敞門 電插座專用

呢個發明其實好無聊,一個傳統和風紙敞門,不過係迷你版,仲要安裝喺牆上嘅電插座外。如果諗住防止小朋友叉隻手指入電插頭,效果應該會適得其反。咁得意嘅裝置,即刻揭開嚟睇再搵手指篤吓佢啦!所以,呢個迷你敞門基本上無實際用途,但唔知點解,我又好想裝返個喺屋企。由日本博客Tori Sugimura設計,入去佢個Blog仲會教你點樣DIY親手製作,有閒情嘅,仲可以學佢喺上面畫花畫雀,悠閒到呢。

Read more ›