Post Tagged with: "迷你"

【極像真】俄羅斯100%像真迷你BB 真人一樣有啲驚
by / on 10/02/2017 at 11:05 am

【極像真】俄羅斯100%像真迷你BB 真人一樣有啲驚

俄羅斯真係高手輩出,之前介紹過一個做頭雕極像真嘅藝術家Michael Zajkov,100%像真,今日又見到另一個神人Elena Kirilenko嘅作品。佢主力整BB,而且係可以放喺掌心嘅「迷你版」,表情勁豐富,有啲喊緊有啲發緊脾氣。佢整嘅作品有男有女,每個都係度身訂造。用嘅材料係軟陶泥(polymer clay)加一對巧手。不過可能像真度太高,睇落其實有啲驚‥‥‥入嚟有頭先提過嘅另一位藝術家Michael Zajkov嘅美女作品,未睇過嘅要入嚟開吓眼界。

Read more ›

【有片】堅整!搓麵粉發酵 超小型焗爐焗麵包
by / on 02/01/2017 at 12:18 pm

【有片】堅整!搓麵粉發酵 超小型焗爐焗麵包

  迷你廚具見好多,不過真係拎嚟用嘅……由搓麵粉到發酵再放入焗爐,真係整到喎,之後仲要切片搽果jam……

Read more ›
【全部都係Melody】My Melody出層層叠迷你玩具 單眼伸脷扮可愛
by / on 02/01/2017 at 12:05 pm

【全部都係Melody】My Melody出層層叠迷你玩具 單眼伸脷扮可愛

終於都到My Melody嘞!呢款層層叠迷你玩具勁受歡迎,之前出過Star Wars、比卡超、Little Twins Star、龍貓、魔女宅急便,最近終於輪到好受女仔歡迎嘅My Melody。有齊紅色同粉紅色兩款,款款唔同表情動作,連單眼伸脷都有,擺明扮可愛!不過想買都要等多兩個月,因為2017年3月先推出。BTW,全部都係Melody,好暈呀!好嘈呀!

Read more ›
瑞典街頭出現迷你「老鼠舖」 賣芝士/堅果老鼠專用
by / on 14/12/2016 at 7:11 am

瑞典街頭出現迷你「老鼠舖」 賣芝士/堅果老鼠專用

估唔到喺瑞典做老鼠可以咁幸福!最近呢幾間「老鼠舖」喺網上好紅,有不知名人士喺瑞典Malmö街頭開咗幾間超迷你店舖,主要做老鼠仔生意,有芝士同堅果賣,仲有老鼠仔幫襯。唔單止店舖做得超細緻,旁邊仲有海報介紹老鼠展覽同唔同類型嘅活動,好似一個小社區咁,真嘅一樣!有興趣可以follow埋anonymouse_mmx呢個IG帳戶繼續追蹤!

Read more ›
【男神級數】代女朋友照顧喵     自製迷你版班戟冧爆全球女性
by / on 01/10/2016 at 2:06 pm

【男神級數】代女朋友照顧喵 自製迷你版班戟冧爆全球女性

女朋友Kenzie Jones要出trip,臨走前交帶男朋友Stout幫手餵隻新收養嘅喵星人Wilson,呢位男朋友好盡責,佢整班戟俾自己食之餘,竟然整多份迷你版餵養呢位喵星人貴賓!細細塊好可愛,仲有三層高。喵星人即時食到舔晒脷。輯相放咗上網後勁多人share,大家都讚呢位男朋友好可愛兼有愛心。之後佢仲講笑問女朋友可唔可以加朱古力,當然大家記住,貓係唔可以食朱古力架!!另外呢位男朋友屋企仲有隻狗狗Huey,仲好快同隻喵打成一片,玩得咁開心,女朋友返到嚟可能隻喵唔捨得走。

Read more ›
【有片】神級日本網民100円店買迷你磗 砌火爐再烤製迷你pizza
by / on 23/09/2016 at 7:12 am

【有片】神級日本網民100円店買迷你磗 砌火爐再烤製迷你pizza

最近呢輯相喺twitter熱傳,有位日本網民喺100円店買咗包迷你磗,然後發揮創意砌咗個迷你火爐出嚟,咁仲未夠,之後佢決定自己烘製埋迷你pizza!最後成功完成,製成品仲好高質。佢仲將隻李小龍玩具放埋喺輯相入面做主角,而且拍埋片有過程睇,超強!

Read more ›

【新片速報】棉花棒迷你弓箭 純觀賞睇見都痛
by / on 14/08/2016 at 1:49 pm

【新片速報】棉花棒迷你弓箭 純觀賞睇見都痛

衝擊你嘅耳膜,衝擊你對棉花棒嘅認知!呢個發明好創新,一支迷你弓箭,支「箭」就係我哋晚晚沖完涼用嚟撩耳仔嘅棉花棒,睇佢嘅影片示範,當然唔係用真人啦,但係一嘢射落耳仔度,嗚呀,睇見都覺得痛,小朋友千祈唔好去「Think Geek」網站買嚟玩。BTW,其實佢真正嘅用途係乜?

Read more ›
【連環圖】迷你coser鯉魚王超可愛 零戰鬥力唔願郁
by / on 03/08/2016 at 7:14 am

【連環圖】迷你coser鯉魚王超可愛 零戰鬥力唔願郁

早幾日回帶睇過外國coser「sev cosplay」cosplay「コイキング」鯉魚王,轉頭日本又有人喺Twitter瘋傳呢個小朋友cosplay鯉魚王嘅連環圖嘞。今次無爆肌,無池邊,無水著,不過就可愛度爆燈,而且呢隻鯉魚王唔多願意郁,好難服侍。唯一肯定嘅係,佢應該未進化做「ギャラドス」鯉魚龍。

Read more ›
【居酒狗屋】日本超正迷你狗屋     扮居酒屋狗狗做老闆
by / on 01/08/2016 at 7:14 am

【居酒狗屋】日本超正迷你狗屋 扮居酒屋狗狗做老闆

會唔會靚咗啲?日本呢間狗狗嘅屋仔超別緻,用木條搭建而成,最正係專登扮成一間迷你版嘅居酒屋,門口有晒食物牌、食物模型,住喺入面嘅狗狗就好似老闆咁喺入面坐陣,勁威,難怪放上Twitter後好多人RT。不過狗狗最希望應該係有「任食放題」。

Read more ›
【相集】結婚相另類玩法 情侶變迷你人仔
by / on 18/07/2016 at 7:13 am

【相集】結婚相另類玩法 情侶變迷你人仔

影結婚相仲有咩玩法?泰國攝影師Ekkachai Saelow就諗到將男女主角變成小人國嘅人仔,利用後期Photoshop加工整成好特別嘅相。間中仲有佢嘅私伙玩具出場,即係可以大條道理買「道具」,正。除咗結婚相之外,似乎好多情侶都鍾意搵佢影吓生活照,屋企擺滿玩具嘅,可以諗吓自己出動私伙影返輯,不過當然,首先你要有‥‥‥

Read more ›
【有片】超強!搓完再炸真嘅一樣 迷你冬甩製作過程
by / on 08/04/2016 at 9:59 pm

【有片】超強!搓完再炸真嘅一樣 迷你冬甩製作過程

近日7仔啲迷你廚具咁多人追,咁有冇諗過換咗返嚟做咩好?可以學吓佢拍條整嘢食嘅片……之前都睇過日本YouTube嘅「Miniature Channel」?今次就輪到韓國嘅「Mimine」。佢製作嘅就係肥到極但又好吸引嘅donut,由打雞蛋、搓麵粉到油炸都真嘅一樣!入嚟回埋帶睇佢點整迷你蛋。

Read more ›

【超迷你街機】OLED全彩玩《Space Invaders》   真係打得集資中
by / on 23/11/2015 at 7:13 am

【超迷你街機】OLED全彩玩《Space Invaders》 真係打得集資中

70、80後細個實有去過機舖打街機啦,呢部迷你版嘅街機Tiny Arcade,應該可以勾起好多人嘅童年回憶。首先尺寸真係超迷你,細過部iPhone6s,但個芒係OLED全彩色,有埋speaker、joystick同兩粒掣,可以玩到《Space Invaders》、《Outrun》、前排好興嘅《Flappy Birdz》等,仲有microSD咭位可以之後下載啲免費遊戲裝入去玩,最重要係買得起!不過最好加多副放大鏡或老花眼鏡。而家喺Kickstarter集緊資,有4個款揀,透明嗰款幾靚,買嚟當擺設都型。

Read more ›
iPhone專用迷你小枱燈 電筒燈光變柔和
by / on 20/11/2015 at 7:13 am

iPhone專用迷你小枱燈 電筒燈光變柔和

平時搵嘢都會開著手機嘅小電筒,即係閃燈模式,有公司就藉此發明咗盞小枱燈Luma,開著iPhone嘅電筒模式,再將盞迷你枱燈夾喺上面,照出嚟嘅燈光就柔和好多嘞!呢個設計由Peleg Design Studio嘅設計師同Holon Institute of Technology共同合作研發。價錢唔貴,賣美金$10,不過淘寶應該好快有。BTW,開著咗佢我咪無得瞓覺前玩手機?

Read more ›
黑武士/白兵層層叠 《Star Wars》迷你玩具一盒7件
by / on 16/08/2015 at 12:36 pm

黑武士/白兵層層叠 《Star Wars》迷你玩具一盒7件

噚晚有無睇明珠台重播《星戰》?雖然白兵同黑武士都未出場,但已經令星戰迷好興奮。我呢,就好想買埋呢套層層叠玩具「Star Wars Mania」返屋企玩。好似之前啲叠叠貓咁,不過今次主角換咗星戰角色,一盒7隻,最多都係白兵。總共有黑、白兩個款,前者有黑武士加6隻白兵陪襯。至於白色嗰款就有C3PO、R2D2同埋5隻白兵,要砌得有氣勢,起碼都要買兩盒先夠。每隻高40mm,慳位唔阻碇,一盒1980円,今個月推出。

Read more ›
迷你路牌比貓睇 刺猬仔行班馬線
by / on 30/07/2015 at 7:15 am

迷你路牌比貓睇 刺猬仔行班馬線

人類好自大,經常漠視其他同樣生活喺地球上嘅生物。外國藝術家Martynas Karpovičius決定為小動物平反,設計咗一系列迷你路牌,比一班貓仔、鴨仔、白鴿仔認路。呢個叫「Tiny Road Sign」嘅project吸引好多人share,最正係嗰條超迷你嘅班馬線,配埋隻路過嘅刺猬仔,好可愛。

Read more ›