Post Tagged with: "迷你"

【男神級數】代女朋友照顧喵     自製迷你版班戟冧爆全球女性
by / on 01/10/2016 at 2:06 pm

【男神級數】代女朋友照顧喵 自製迷你版班戟冧爆全球女性

女朋友Kenzie Jones要出trip,臨走前交帶男朋友Stout幫手餵隻新收養嘅喵星人Wilson,呢位男朋友好盡責,佢整班戟俾自己食之餘,竟然整多份迷你版餵養呢位喵星人貴賓!細細塊好可愛,仲有三層高。喵星人即時食到舔晒脷。輯相放咗上網後勁多人share,大家都讚呢位男朋友好可愛兼有愛心。之後佢仲講笑問女朋友可唔可以加朱古力,當然大家記住,貓係唔可以食朱古力架!!另外呢位男朋友屋企仲有隻狗狗Huey,仲好快同隻喵打成一片,玩得咁開心,女朋友返到嚟可能隻喵唔捨得走。

Read more ›

【有片】神級日本網民100円店買迷你磗 砌火爐再烤製迷你pizza
by / on 23/09/2016 at 7:12 am

【有片】神級日本網民100円店買迷你磗 砌火爐再烤製迷你pizza

最近呢輯相喺twitter熱傳,有位日本網民喺100円店買咗包迷你磗,然後發揮創意砌咗個迷你火爐出嚟,咁仲未夠,之後佢決定自己烘製埋迷你pizza!最後成功完成,製成品仲好高質。佢仲將隻李小龍玩具放埋喺輯相入面做主角,而且拍埋片有過程睇,超強!

Read more ›
【新片速報】棉花棒迷你弓箭 純觀賞睇見都痛
by / on 14/08/2016 at 1:49 pm

【新片速報】棉花棒迷你弓箭 純觀賞睇見都痛

衝擊你嘅耳膜,衝擊你對棉花棒嘅認知!呢個發明好創新,一支迷你弓箭,支「箭」就係我哋晚晚沖完涼用嚟撩耳仔嘅棉花棒,睇佢嘅影片示範,當然唔係用真人啦,但係一嘢射落耳仔度,嗚呀,睇見都覺得痛,小朋友千祈唔好去「Think Geek」網站買嚟玩。BTW,其實佢真正嘅用途係乜?

Read more ›
【連環圖】迷你coser鯉魚王超可愛 零戰鬥力唔願郁
by / on 03/08/2016 at 7:14 am

【連環圖】迷你coser鯉魚王超可愛 零戰鬥力唔願郁

早幾日回帶睇過外國coser「sev cosplay」cosplay「コイキング」鯉魚王,轉頭日本又有人喺Twitter瘋傳呢個小朋友cosplay鯉魚王嘅連環圖嘞。今次無爆肌,無池邊,無水著,不過就可愛度爆燈,而且呢隻鯉魚王唔多願意郁,好難服侍。唯一肯定嘅係,佢應該未進化做「ギャラドス」鯉魚龍。

Read more ›
【居酒狗屋】日本超正迷你狗屋     扮居酒屋狗狗做老闆
by / on 01/08/2016 at 7:14 am

【居酒狗屋】日本超正迷你狗屋 扮居酒屋狗狗做老闆

會唔會靚咗啲?日本呢間狗狗嘅屋仔超別緻,用木條搭建而成,最正係專登扮成一間迷你版嘅居酒屋,門口有晒食物牌、食物模型,住喺入面嘅狗狗就好似老闆咁喺入面坐陣,勁威,難怪放上Twitter後好多人RT。不過狗狗最希望應該係有「任食放題」。

Read more ›
【相集】結婚相另類玩法 情侶變迷你人仔
by / on 18/07/2016 at 7:13 am

【相集】結婚相另類玩法 情侶變迷你人仔

影結婚相仲有咩玩法?泰國攝影師Ekkachai Saelow就諗到將男女主角變成小人國嘅人仔,利用後期Photoshop加工整成好特別嘅相。間中仲有佢嘅私伙玩具出場,即係可以大條道理買「道具」,正。除咗結婚相之外,似乎好多情侶都鍾意搵佢影吓生活照,屋企擺滿玩具嘅,可以諗吓自己出動私伙影返輯,不過當然,首先你要有‥‥‥

Read more ›

【有片】超強!搓完再炸真嘅一樣 迷你冬甩製作過程
by / on 08/04/2016 at 9:59 pm

【有片】超強!搓完再炸真嘅一樣 迷你冬甩製作過程

近日7仔啲迷你廚具咁多人追,咁有冇諗過換咗返嚟做咩好?可以學吓佢拍條整嘢食嘅片……之前都睇過日本YouTube嘅「Miniature Channel」?今次就輪到韓國嘅「Mimine」。佢製作嘅就係肥到極但又好吸引嘅donut,由打雞蛋、搓麵粉到油炸都真嘅一樣!入嚟回埋帶睇佢點整迷你蛋。

Read more ›
【超迷你街機】OLED全彩玩《Space Invaders》   真係打得集資中
by / on 23/11/2015 at 7:13 am

【超迷你街機】OLED全彩玩《Space Invaders》 真係打得集資中

70、80後細個實有去過機舖打街機啦,呢部迷你版嘅街機Tiny Arcade,應該可以勾起好多人嘅童年回憶。首先尺寸真係超迷你,細過部iPhone6s,但個芒係OLED全彩色,有埋speaker、joystick同兩粒掣,可以玩到《Space Invaders》、《Outrun》、前排好興嘅《Flappy Birdz》等,仲有microSD咭位可以之後下載啲免費遊戲裝入去玩,最重要係買得起!不過最好加多副放大鏡或老花眼鏡。而家喺Kickstarter集緊資,有4個款揀,透明嗰款幾靚,買嚟當擺設都型。

Read more ›
iPhone專用迷你小枱燈 電筒燈光變柔和
by / on 20/11/2015 at 7:13 am

iPhone專用迷你小枱燈 電筒燈光變柔和

平時搵嘢都會開著手機嘅小電筒,即係閃燈模式,有公司就藉此發明咗盞小枱燈Luma,開著iPhone嘅電筒模式,再將盞迷你枱燈夾喺上面,照出嚟嘅燈光就柔和好多嘞!呢個設計由Peleg Design Studio嘅設計師同Holon Institute of Technology共同合作研發。價錢唔貴,賣美金$10,不過淘寶應該好快有。BTW,開著咗佢我咪無得瞓覺前玩手機?

Read more ›
黑武士/白兵層層叠 《Star Wars》迷你玩具一盒7件
by / on 16/08/2015 at 12:36 pm

黑武士/白兵層層叠 《Star Wars》迷你玩具一盒7件

噚晚有無睇明珠台重播《星戰》?雖然白兵同黑武士都未出場,但已經令星戰迷好興奮。我呢,就好想買埋呢套層層叠玩具「Star Wars Mania」返屋企玩。好似之前啲叠叠貓咁,不過今次主角換咗星戰角色,一盒7隻,最多都係白兵。總共有黑、白兩個款,前者有黑武士加6隻白兵陪襯。至於白色嗰款就有C3PO、R2D2同埋5隻白兵,要砌得有氣勢,起碼都要買兩盒先夠。每隻高40mm,慳位唔阻碇,一盒1980円,今個月推出。

Read more ›
迷你路牌比貓睇 刺猬仔行班馬線
by / on 30/07/2015 at 7:15 am

迷你路牌比貓睇 刺猬仔行班馬線

人類好自大,經常漠視其他同樣生活喺地球上嘅生物。外國藝術家Martynas Karpovičius決定為小動物平反,設計咗一系列迷你路牌,比一班貓仔、鴨仔、白鴿仔認路。呢個叫「Tiny Road Sign」嘅project吸引好多人share,最正係嗰條超迷你嘅班馬線,配埋隻路過嘅刺猬仔,好可愛。

Read more ›

船梨精出迷你figure     扭手指撳面好好玩
by / on 02/05/2015 at 3:33 pm

船梨精出迷你figure 扭手指撳面好好玩

人紅真係特別忙,好似日本嘅非官方吉祥物船梨精,經常都有新產品推出,最新有呢隻由BANDAI出品嘅迷你figure,唔止條腰扭得,連對咁短嘅手都做咗個關節位可以扭動,做出少少活力嘅動作,不過最正都係用嘅軟膠質地,令到大家可以用手指撳佢塊面,做返佢最經典嘅表情,好過癮!7月開賣,賣810円,呎吋20.5 x 15 x 6.4 cm。

Read more ›
新片速報 日本食神專煮迷你菜式 日式炒麵好想食吧?
by / on 31/03/2015 at 7:05 am

新片速報 日本食神專煮迷你菜式 日式炒麵好想食吧?

最近日本似乎好興整迷你版食物,即係細到好似比玩具玩嗰啲size呢。之前介紹過一款迷你生日蛋糕,最近呢個YouTube頻道Miniature Space再挑戰自己,整咗日式炒麵同迷你芝士漢堡,材料有洋蔥、麵、生菜、紅蘿蔔、肉、蝦,淨係切已經超高難度,仲要起火真炒,唔係講笑,堅好睇!BTW,煮得咁細碗,嘥啲喎。

Read more ›
全球最細迷你馬仔    探訪病童傳歡樂
by / on 25/03/2015 at 7:11 am

全球最細迷你馬仔 探訪病童傳歡樂

星期三又到跑馬日,利申我唔賭馬,所以比我揀,我都係比較鍾意呢隻迷你馬仔Thumbelina。呢隻全球最細嘅馬只得17.5吋重57磅,無得落場跑,但係周不時會去探訪童病童,好有善心。佢而家住喺美國密蘇里州嘅Goose Creek農場,可能好食好住,有個幾明顯嘅小肚腩,遠睇仲以為係一隻狗,勁得意!入嚟仲有好多相可以慢慢欣賞佢賣萌。

Read more ›
新片速報    迷你生日蛋糕DIY    一個人慶祝啱啱好
by / on 18/03/2015 at 7:03 am

新片速報 迷你生日蛋糕DIY 一個人慶祝啱啱好

生日蛋糕好多時得個切字,最後經常都食唔晒好浪費,可能因為咁,有日本人就發明咗呢個超迷你生日蛋糕,仲拍埋片示範教大家點整。製作過程好認真,同平時整生日蛋糕嘅工序差唔多,倒模、唧忌廉、舖士多啤梨,最後切埋餅,一絲不苟,切開入面一層層,簡直真嘅一樣,加上呎吋夠迷你,其實最啱一個人慶祝生日,唱Happy birthday to me嘅時候食‥‥‥

Read more ›