fbpx

Post Tagged with: "返工"

【有片】全球最凍地方 跌破零下62度一樣要返工
by / on 17/01/2018 at 7:56 am

【有片】全球最凍地方 跌破零下62度一樣要返工

喺香港10度以下都覺得好凍,但其實全球最凍嘅地方喺Oymyakon,啱啱跌到落零下62度!置身其中連眼睫毛都會結冰。而魚市場啲魚全部唔駛雪,因為本身已經夠晒凍。呢個地方係俄羅斯西伯利亞東北部一個村莊,海拔大約741米,係有人定居之中最凍嘅。村入面住咗500人,不過零下62度都一樣要返工,學生就好啲,低過零下52度就唔駛返學嘞!不過佢哋嘅夏天都好似香港咁熱,6-8月有時會高過30度。呢個咁特別嘅地方都吸引咗好多遊客,例如之前就有幾個中國籍男人唔著衫喺池入面潑水,仲拍埋片‥‥‥入嚟有大量相同片睇。

Read more ›

【P圖戰】實習生第一日返工瞓著咗 網民瘋狂惡搞
by / on 06/02/2016 at 1:06 pm

【P圖戰】實習生第一日返工瞓著咗 網民瘋狂惡搞

外國Reddit呢幾日好多人瘋狂惡搞呢張圖,左上角張相中間嗰位肥仔去咗間科技公司做實習生,點知第一日返返吓工就瞓著咗,班同事梗係唔放過呢個機會,即刻湧埋去同佢影合照,之後張相放上網後好快就有人喺Reddit開post召集網民玩P圖戰,啲改圖仲要勁精彩,例如變喪屍、幫佢戴VR眼罩、全部員工變晒佢嘅瞓覺樣、主角復活識眨眼嘅GIF圖、全部變晒萬能key尼古拉斯基治等,有人突破盲點發現原來佢激似美劇《Game of Thrones》嘅肥仔Sam,仲幫佢神還原,入嚟慢慢睇。

Read more ›
返工Last Day玩cosplay 幪面超人個個爭住影
by / on 11/09/2015 at 7:11 am

返工Last Day玩cosplay 幪面超人個個爭住影

返工Last Day你會點做?多謝每日幫你洗杯嘅姐姐?鬧爆處處挑剔你嘅上司?呢位馬來西亞打工仔Shafiq選擇咗喺最後一日cosplay做返自己,仲要cosplay佢好鍾意嘅幪面超人Dark Kabuto!睇佢離職最後一日影嘅相,張張都好精彩好開心,有坐喺reception扮傾電話,亦有坐喺寫字枱扮打字,啲女同事見佢呢身造型咁突出都爭住同佢影合照,可能係佢返工有史以嚟最受女同事歡迎嘅一日添。Shafiq本身係一個超級幪面超人迷,之前結婚都係以幪面超人做主題,今次cosplay返工佢應該想咗好耐但一直唔敢做,今次終於吐氣揚眉嘞!

Read more ›