Post Tagged with: "辦公室"

【有片】超可愛辦公室「貓職員」 玩轉Office影片IG爆紅
by / on 04/07/2019 at 7:58 am

【有片】超可愛辦公室「貓職員」 玩轉Office影片IG爆紅

呢兩隻喵仔超可愛,佢哋一隻叫Credit一隻叫Debit,係美國一間運輸公司嘅「新職員」。最近有職員放咗上Reddit後爆紅,而家仲有專屬嘅IG帳戶,睇相見佢哋平時喺公司好百厭,又玩紙箱又玩電話,不過佢哋好親近人類,會跳上辦公枱或者人類大髀,對住佢哋好難專心工作呀!入嚟有多啲相同片睇。

Read more ›

日本網絡紅人發明      「辦公室減零食」文具變零食
by / on 19/02/2019 at 7:10 am

日本網絡紅人發明 「辦公室減零食」文具變零食

日本網絡紅人ARuFa最叻創作無聊嘢,最新喺Twitter分享咗呢幾款文房四寶。表面睇佢哋係膠水、擦膠、漿糊、橡筋盒,不過其實俾佢改造成不同嘅零食,包括茶(膠水)、軟糖(擦膠)、煉奶(漿糊)同埋炒麵(橡筋),據佢所講,咁做可以減低喺辦公室食零食嘅意欲,有無人想挑戰吓?

Read more ›
【相集】辦公室偷時間影相自娛 超正場景相勁到出相集
by / on 10/08/2017 at 7:06 am

【相集】辦公室偷時間影相自娛 超正場景相勁到出相集

我諗好多人都想返工可以好似佢咁,有時間有閒情砌吓公仔影吓相。Derrick Lin喺廣告公司返工,佢經常會喺公司砌起唔同嘅模型場景然後影相,話咁做可以減壓,佢班同事都好支持佢,仲出埋力幫手。佢仲勁到將會喺10月推出相集《Work, Figuratively Speaking》,而家喺Amazon有得預訂。

Read more ›
世上最巨型藤籃辦公室 夜晚著燈更靚
by / on 28/09/2016 at 7:14 am

世上最巨型藤籃辦公室 夜晚著燈更靚

喺個巨型藤籃入面返工係咩玩法?呢楝建築唔係最新,不過啱啱喺Twitter有日本網民分享,翻查資料,其實佢係專出藤籃嘅品牌Longaberger喺美國俄亥俄州嘅總公司。呢個巨型藤籃足足係原來佢哋產品嘅160倍,夜晚著埋燈感覺更靚。

Read more ›
【新片速報】辦公室搭建「紙皮城堡」 打工仔趁新年僭建
by / on 22/01/2016 at 11:11 am

【新片速報】辦公室搭建「紙皮城堡」 打工仔趁新年僭建

打工仔最開心梗係自己個位唔駛成日比老細望住,最好個芒後面無人望,鍾意上咩網都得。外國辦公室出名用開放式設計,最近有間公司Viking嘅老細就自掘墳墓嘞,佢叫同事新一年裝飾吓自己個位,咁班好同事諗咗陣,最後決定幫自己個區域整個城堡,為咗降低成本,佢哋用咗係辦公室實有剩嘅紙皮。最後花2小時計劃同準備,7小時建築,然後成功完成圖中嘅紙皮堡壘,佢哋仲整埋吊門同城堡上嘅旗仔,好認真。以後老細要嚟搵你哋就要入城堡參見,幾爽!

Read more ›
有片:超無聊但好笑!人肉版貪食蛇出現了!
by / on 11/11/2015 at 9:45 pm

有片:超無聊但好笑!人肉版貪食蛇出現了!

智能電話出現後,我諗都無乜人會玩貪食蛇,想當年仲用緊Nokia,靠呢個Game都不知贏過同事幾多罐Coke,一切俱往矣咯。所以,如果可以,我都想同同事們玩片中嘅人肉版貪食蛇,方法係每人一張四轆辦公凳,每人手持一支手電筒,之後熄燈,玩拉龍式凳接凳行來行去扮蛇身,電筒扮食物,越多同事Join蛇身就越長,Top shot望落去,真係幾似貪食蛇個畫面架。咁都俾佢哋諗到,好嘢!

Read more ›

Google新落成辦公室     有桑拿有草地
by / on 21/02/2015 at 1:05 pm

Google新落成辦公室 有桑拿有草地

Google嘅辦公室出名每個國家都有唔同設計,最近就有呢間喺匈牙利布達佩斯新落成嘅office,入面有埋桑拿房,好正。呢間office嘅主題係水上運動water polo,因為布達佩斯之前喺奧運贏過9次金牌,睇見佢哋嘅桑拿房、草地工作室,我就好想搬入去住,不過間桑拿房應該係齋睇無得焗,因為入面放咗電腦。

Read more ›
直擊LEGO辦公室    開放式設計紅黃主調
by / on 21/08/2014 at 8:04 am

直擊LEGO辦公室 開放式設計紅黃主調

LEGO作品介紹得多,LEGO總壇都係第一次睇。今次呢個辦公室位處土耳其嘅伊斯坦堡,佔地350平方米,一入面口有大大個LEGO招牌喺接待處,採用開放式設計,紅加黃嘅經典主色調,不過LEGO製品比想像中少喎。另外,原來office只有23名員工,但係可以用咁大嘅環境,身心特別舒暢,尤其是對比起香港嘅豆潤辦公室。

Read more ›
辦公室影相新潮流    合併螢幕玩獅身人面
by / on 11/08/2014 at 7:13 am

辦公室影相新潮流 合併螢幕玩獅身人面

返工咁悶,除咗上fb八卦吓或者睇吓Gameover之外,仲可以好似外國呢班人咁扮吓動物。最近外國網上超流行影「office safari」主題嘅相,即係將自己同螢幕入面嘅動物二合為一,佢哋玩得好認真,好有心思配合得天衣無縫,亦都證明呢班友仔真係好得閒。睇完想玩?不如邀請你嘅女上司扮老虎吖,如果你唔怕死嘅話。

Read more ›
有片  自製《飢餓遊戲》十字弓     辦公室最強武器
by / on 14/06/2014 at 11:17 am

有片 自製《飢餓遊戲》十字弓 辦公室最強武器

睇完《飢餓遊戲》之後,有無想自製返個十字弓(crossbow)玩吓?外國YouTuber Dave Hax就教大家用幾樣簡單文具自製,睇片見倒只需4支鉛筆、1支鉛子筆、幾條橡筋同埋一個夾就做到,連我呢個工具白痴都有信心自己搞得掂!整完最啱用嚟射房入面經常鬧到我體無完膚嘅老細,不過我唔夠膽。

Read more ›
森林辦公室   超靚view廁所喺邊?
by / on 05/02/2014 at 7:10 am

森林辦公室 超靚view廁所喺邊?

生活喺石屎森林嘅香港上班族,返工對住四面牆,真係灰灰哋。呢間西班牙建築公司Selgas Cano就唔同,辦公室地點喺馬德里外嘅森林,大大塊玻璃,一邊工作一邊望住四周圍嘅花草樹木,超爽!有理由相信喺呢個環境返工,命都長幾年。辦公室嘅下半部仲埋喺地底位置,夏天做嘢特別涼快。不過我好好奇廁所喺邊?

Read more ›