fbpx

Post Tagged with: "輪椅"

【新片速報】日本人氣發明家發表「新型輪椅」 輕易做到站立/平躺姿勢
by / on 06/02/2020 at 7:20 am

【新片速報】日本人氣發明家發表「新型輪椅」 輕易做到站立/平躺姿勢

科技進步可以令人類生活更加便利,特別係對本身有障礙嘅人士,最近日本Twitter熱傳呢段介紹新型輪椅嘅片段,製作者係好出名嘅日本發明家「吉藤健太郎」(吉藤オリィ),佢之前試過將LABO改裝成遙控輪椅,又為ALS漸凍人患者設計支援視覺控制嘅機械人,最新影片睇到架新輪椅可以做到站立、平躺嘅姿勢,好厲害!入嚟有片睇。

Read more ›

【感人】有片 喵星人勇士坐輪椅 兩條腿繼續食玩瞓
by / on 24/10/2015 at 7:08 am

【感人】有片 喵星人勇士坐輪椅 兩條腿繼續食玩瞓

每次睇見呢啲新聞都好心痛,不過從另一個角度睇,佢哋有人愛錫,食得玩得,勇敢生存落去,已經好值得高興。呢隻喵星人Clark喺4星期大時俾慈善團體TAAG收養,當時已經無咗兩隻後腿,院方估計佢應該係比狗襲擊造成,由於佢太細隻,所以訂造唔倒輪椅,但係每日拖住下半身行實在太辛苦,對身體亦有不良影響。最後院方幫佢整咗架輪椅,當佢一路長大就一路換,而家已經坐緊第4架。不過由於佢嘅醫藥費太昂貴,最近TAAG就喺網上籌緊款,多多益善少少無拘,唔少外國人都捐$10美金左右,積少成多,各位有心貓奴可以入去支持吓!

Read more ›
兩位殘障人士cosplay《Mad Max》 輪椅改裝/ 機械臂堅型
by / on 12/09/2015 at 2:41 pm

兩位殘障人士cosplay《Mad Max》 輪椅改裝/ 機械臂堅型

每次見到殘障人士玩cosplay都好替佢哋高興,佢哋一樣可以好似普通人咁豁達生活,做自己鍾意做嘅事。最近《Mad Max》喺外國好紅,外國分別有兩位殘障人士都cosplay入面嘅角色,其中一個坐輪椅嘅男仔Ben Carpenter索性將自己架輪騎改裝成Blodbag-mobile,仲搵埋個朋友扮Amy一齊玩!另一位無咗一隻手嘅女士Laura就得到Michelle Sleeper嘅協助,整咗隻T-800機械臂比佢扮Arnie at Miles Dyson’s house,堅型!

Read more ›
【以人為本】輪椅新設計 一人操控上落樓梯更方便
by / on 20/06/2015 at 12:41 pm

【以人為本】輪椅新設計 一人操控上落樓梯更方便

好多輪椅都唔可以上落樓梯,不過本港發明家李少麟喺2014年設計咗全球首張用「二段式履帶」上落樓梯嘅電動輪椅,為港爭光,最近喺網上又見到另一張上落樓梯嘅輪椅,而且設計好科幻,同樣利用好似坦克車嘅履帶上落樓梯,就算一個人操控上落都無問題。唔駛再依靠斜坡道上落,對行動唔方便嘅人士嚟講實在係天大嘅福音。今次呢個設計由Swiss Federal Institute of Technology同Zurich University of the Arts嘅學生共同研發,入嚟有片睇,希望未來呢類型嘅產品可以更加普及,價錢更大眾化,令更多有需要嘅人士受惠。

Read more ›
自己金魚自己救     外國網民自製「金魚輪椅」網上熱傳
by / on 31/05/2015 at 1:41 pm

自己金魚自己救 外國網民自製「金魚輪椅」網上熱傳

有養金魚嘅可能知,金魚有種病叫金魚浮鳔病(Swim Bladder Inflection),病嘅時候會失去平衡力同飄浮力,游唔倒水,外國有個愛心金魚佬研發咗呢副金魚輪椅比自己隻患病嘅金魚,好多外國網站報導。佢用嘅工具就係類似紅酒用嘅木塞,再加一條白布吊住,簡簡單單仲價錢實惠。據知只可以解決倒因為因為便秘而導致浮力失衡嘅浮鳔病,如果因為其他原因而導致嘅浮鳔病就未必得嘞。BTW,其實仲有專業醫生嘅輪椅版,勁好多,咁當然都貴好多啦。

Read more ›
3D印刷造福狗狗    特製輪椅度身訂造
by / on 15/08/2014 at 7:07 am

3D印刷造福狗狗 特製輪椅度身訂造

3D印刷可以印人樣figure、槍械甚至食物,不過我最欣賞係今次嘅製成品 ─ 狗狗輪椅!由3dyn公司嘅Mark Deadrick設計,專為一隻天生少咗一對前腿嘅芝娃娃Turbo.Roo度身訂造,而且只係根據狗狗嘅相片,再用4小時完成設計,完成品直接寄去比狗狗,今次呢架已經係第三代設計,越嚟越好用。睇相見倒Turbo.Roo用得好開心,有咗佢可以自由自在行嚟行去,呢個3D製成品抵讚!

Read more ›

新片速報   輪騎變滑板  鐵騎士跌低再嚟過
by / on 25/11/2013 at 7:03 am

新片速報 輪騎變滑板 鐵騎士跌低再嚟過

呢條片我睇得好開心,邊個話殘障人士唔型得唔飛得? 呢個外國男士Aaron ‘Wheelz’ Fotheringham用輪騎表演freestyle,滑板變輪騎,大量翻身動作單手一樣做倒,360度旋轉、後空翻一樣得,好勁!當然,佢間中都有失手,不過跌低之後咪起身再嚟過囉,成日郁啲嗌放棄嘅老中青要學吓喇。

Read more ›