Post Tagged with: "軟糖"

有片:天氣凍啱睇!好彈!軟糖彈屁股!
by / on 16/01/2016 at 9:00 am

有片:天氣凍啱睇!好彈!軟糖彈屁股!

天氣好凍呀呵?搵啲嘢睇Warm一Warm都好呀呵?好,就睇慢鏡短片,今次又兩個比堅尼靚女,前突後兀嗰隻。雙姝齊齊兀起八月十五,任由五顏六色嘅軟糖散落渾圓Pat Pat,透過慢鏡頭,你會Feel到有幾彈,邊度彈?自己睇喇,總之就啱睇喇。

Read more ›

【中伏】日本慈母三文魚便當     UHA軟糖魚目混珠
by / on 25/08/2015 at 7:08 am

【中伏】日本慈母三文魚便當 UHA軟糖魚目混珠

UHA味覚糖好多人鍾意食,呢隻上個月出嘅三文魚味我未試過,但就好有興趣試吓。而悲劇就係咁樣發生嘞,話說有位日本網友放咗幾張相上Twitter,原來當佢打開當日嘅便當時,發現今餐食三文魚飯,都正吖,但睇真啲,入面居然混入咗一粒三文魚味嘅味覚糖。事主阿媽仲專登加咗少少獻汁淋喺面,令粒糖更似一嚿肥美嘅三文魚,網友都大讚auntie好有幽默感,不過當事人食落應該好無奈,估計盒便當咸咸哋又甜甜哋,味道應該幾怪‥‥‥

Read more ›
新片速報    自製大熱LEGO軟糖     玩得又食得
by / on 28/05/2015 at 7:24 am

新片速報 自製大熱LEGO軟糖 玩得又食得

好正!好想即刻返屋企試!呢條短片教人自製LEGO軟糖,兩日已經過百萬點擊,做法唔難,最重要都係個倒模,可以用之前出過嘅LEGO冰模,而最麻煩都係要整齊咁多隻色,食唔晒仲可以儲起佢。整完仲可以又玩又食,雖然污糟啲,但係有滿足感喎!鍾意食軟糖嘅應該好想試,鍾意LEGO嘅,更加好想搵人整比自己食!BTW,完成品睇落幾硬淨,唔知會唔會好難咬開呢?

Read more ›
不要玩食物! 黑武士bear bear熊軟糖頭盔    好易惹蟻
by / on 24/01/2015 at 3:16 pm

不要玩食物! 黑武士bear bear熊軟糖頭盔 好易惹蟻

勁喎!呢個由Crummy Gummy整嘅黑武士1:1頭盔,全部由bear bear熊軟糖砌成,總共用咗超過1千粒,睇見都覺得sweet。最近喺美國佛羅里達州嘅Wyn317 Gallery展出,本來黑色型爆嘅黑武士,變咗甜心軟糖,一世英名比佢搞到一面口水,仲唔知會唔會惹蟻?話時話,把激光劍可以用超長蚯蚓糖整喎!

Read more ›
食物畫家神人    牛奶速畫李小龍MJ
by / on 24/07/2013 at 7:33 am

食物畫家神人 牛奶速畫李小龍MJ

呢條片千祈唔好比阿媽睇倒,唔係實比佢鬧浪費。法國畫家Vivi Mac強項係用飲品畫畫,一盒奶一支飲管,就可以畫成李小龍、Michael Jackson等多位名人,仲開埋YouTube頻道將過程任你睇。最快4分鐘之內可以畫起一個人像,技術超班。除咗牛奶,仲有用Rum酒畫成嘅海盜Johnny Depp、麥樂雞BBQ醬嘅蒙娜麗莎、幼條軟糖砌成嘅尤達大師,基本上放得落肚嘅都可以當畫筆顏料,好瘋狂。

Read more ›
新片速報  Jellybeans砌乜都得
by / on 25/06/2013 at 7:36 am

新片速報 Jellybeans砌乜都得

你怕唔怕聽人長篇大論講道理?我好怕,尤其上得網多專注力不足,真係聽見「道理」兩個字都恰眼瞓。不過呢個由Ze Frank拍嘅短片講嘅道理,我又好認真咁睇晒,仲覺得好有型。影片將Jellybeans軟糖比喻為人生,再用指定數量嘅Jellybeans砌成不同圖案,代表不同年齡嘅經歷。結尾嘅問題令人反思,不過好似好沉重,我淨係想食返粒糖平衡返。

Read more ›

有片  牙刷版Guitar Hero氹細路
by / on 27/01/2013 at 10:54 am

有片 牙刷版Guitar Hero氹細路

大人細路都鐘意食嘅HI-CHEW糖,有啲似軟糖好好o趙,Reika都好鐘意食。至弊佢嘅糖份超高,咁o趙法小朋友好快爛晒啲牙。出產商Morinaga於是研發咗個類似Guitar Hero嘅小遊戲,將支牙刷無線駁上PC後感應動作,小朋友跟住遊戲畫面刷呀刷,就可以氹佢哋乖乖刷牙!遊戲暫時開發緊,不過已經搵嚟一班小朋友試玩,條片網上有得睇,好開心。不過我最怕啲小朋友玩得太開心,日刷夜刷,刷到牙肉都腫埋,到時糖都食唔倒,陰功。

Read more ›