Post Tagged with: "車站"

【新片速報】日本超恐怖車站 似玩《BIOHAZARD》網上熱傳
by / on 16/10/2017 at 7:12 am

【新片速報】日本超恐怖車站 似玩《BIOHAZARD》網上熱傳

日本上越線嘅土合站好出名,因為夠長夠恐怖,之前都有日本網民去挑戰然後寫埋觀光遊記。最近有日本網民直情拍埋片,由入閘至行到月台,睇片都感覺到陰森恐怖,十足玩《BIOHAZARD》咁,好似隨時會有喪屍走出嚟,夜媽媽一個人行都幾驚,去開日本可以挑戰吓。

Read more ›

日本「新小岩駅」防自殺設置 唔望路軌望隻狗
by / on 02/10/2017 at 10:41 am

日本「新小岩駅」防自殺設置 唔望路軌望隻狗

日本「新小岩駅」都係自殺勝地,理由就係因為來往市區同機場嘅成田特快列車,經過「新小岩駅」時時速可以去到120km/h……而且近年都好多人身事故發生。早前車站已經喺月台加咗藍色半透明頂,希望用藍色令人情緒穩定啲、輕鬆啲,除此外,喺車站、月台仲有啲可愛嘅動物相片,即係好似咁,啲座椅唔係向住路軌,而係向狗狗圖。又其實,會唔會試吓放啲性感囡囡大隻囝囝圖?

Read more ›
【有片】日本車站「電光掲示板」手錶 電車迷必入
by / on 30/09/2017 at 9:39 pm

【有片】日本車站「電光掲示板」手錶 電車迷必入

  之前都有類似產品,今次就係「小田急電鉄」授權製作嘅「小田急線ホーム電光掲示板」,合共有4種,分別係新宿・町田・藤沢・下北沢,由外形同顯示方式都超似車站塊電子板!o依家網上集資緊,一隻約14,000至14,800円,要晒4隻就55,000円,預定12月中出貨!聖誕禮物!聖誕禮物!自己買俾自己嘅……

Read more ›
日本超型車站 290級樓梯達地底似打機?
by / on 29/06/2017 at 10:37 pm

日本超型車站 290級樓梯達地底似打機?

似唔似啲射擊遊戲場景?或者啲末世遊戲畫面?其實呢個係日本新潟市筒石站。攝影師名為Lee Chapman,佢最近就去咗呢個車站影咗輯相,佢仲話筒石站1912年已經有,但當時係喺地面嘅,直到1969年新車站落成,月台就變成喺地底40米,而且車站冇電梯或扶手電梯,只有經過呢290級樓梯先去到月台……

Read more ›
【新片速報】橫濱車站播Final Fantasy音樂    6月FF迷必到
by / on 02/06/2017 at 7:54 am

【新片速報】橫濱車站播Final Fantasy音樂 6月FF迷必到

今年係Final Fantasy系列嘅30週年紀念,作為FF迷,今個6月應該要去日本橫濱走返轉。呢兩日Twitter好多人放片,因為佢哋喺車站聽到Final Fantasy嘅主題音樂呀!由噚日開始至7月7日,橫濱港未來站嘅列車會響起FF音樂,另外會有1000張FF紀念單日車票發售。仲有嚟緊喺140米高嘅「橫濱洲際酒店」外牆投射有巴哈姆特來襲嘅影片,FF迷快啲請假喇。

Read more ›
日本超巨大腐皮包烏冬 奈良車站附近有得食
by / on 25/04/2017 at 7:15 am

日本超巨大腐皮包烏冬 奈良車站附近有得食

通常呢個腐皮包都係作為一道餸陪襯,不過日本奈良車站附近嘅烏冬店「麺闘庵」,就將腐皮包巨大化,將烏冬放晒入去,效果好得意,仲好好味。有機會去開奈良又鍾意食烏冬嘅朋友記住試吓嘞!

Read more ›

【有片】點解會咁呢?車站職員廣播 大叔變女仔聲好好聽
by / on 06/04/2017 at 8:27 pm

【有片】點解會咁呢?車站職員廣播 大叔變女仔聲好好聽

呢條片一定要開聲睇,因為重點係把聲。呢位車站職員明明係男性,但當佢廣播嘅時候……據知拍攝地點係千葉縣大網駅,同埋,仲話佢平時講嘢把聲係正常o架喎。

Read more ›
【犯規】日本「黑毛和牛燒肉熱狗」賣300円 京都車站附近有得食
by / on 25/03/2017 at 1:00 pm

【犯規】日本「黑毛和牛燒肉熱狗」賣300円 京都車站附近有得食

咁好食嘅嘢唔可以只有我見到嘅!有日本網民喺京都車站附近發現呢款「黑毛和牛燒肉熱狗」,佢試完話好好味,而且只係賣300円!睇見塊燒肉同啲燒汁已經感覺到好好味,難怪張相喺Twitter被熱傳,樓主都分享埋店名,去開日本記住試吓!

Read more ›
札幌車站大雪下見「白兵」 唔通出嚟影造型照?
by / on 11/12/2016 at 11:24 am

札幌車站大雪下見「白兵」 唔通出嚟影造型照?

北海道札幌仲落緊大雪,噚日就報導過積雪達到50cm厚,準備去玩嘅要注意嘞。啱啱有住喺當地嘅網民影到有兩隻白兵竟然喺札幌車站前出沒,白茫茫嘅雪景, 配埋一身白兵嘅服飾,影造型照應該超型,不過就要貼多幾個暖包嘞。呢位網民係初音迷,佢仲帶埋初音喺落雪天出街,入去佢嘅Twitter有大量相睇。

Read more ›
日本上野車站機械熊貓     網民:「好想一棍毆落去!」
by / on 03/12/2016 at 10:47 am

日本上野車站機械熊貓 網民:「好想一棍毆落去!」

日本越出越多機械人,遲啲去酒店可能無人類接待員,不過機械人都無所謂,但個樣就好重要,最近日本網民喺2ch討論上野車站嘅熊貓Pepper機械「人」,話佢嘅表情令人好想一棍毆落去!睇返佢條八字眉,囧樣出晒嚟,擺明係專登玩嘢。有網民留言話:「呢個咩人嚟?好想打佢!」、「係咪山寨版嘅京成熊貓?」、「呢個表情令人好嬲!」件事仲勁到電視台都報導,之後網民仲喺Twitter不停惡搞,睇嚟呢隻熊貓走紅指日可待呀!

Read more ›
東京「清酒」自動販賣機    30款清酒任揀每杯300円
by / on 23/11/2016 at 7:11 am

東京「清酒」自動販賣機 30款清酒任揀每杯300円

日本周圍都有自動販賣機,想飲乜撳個掣就得。估唔到最近連清酒都有得撳嚟飲喎。嚟緊1月25日開始,呢33部自動販賣機就會喺東京JR「両国駅」旁邊「-両国- 江戸NOREN」有得試,總共30款清酒,每杯300円,個杯當然係細細隻嘅傳統清酒杯啦,喺販賣機嘅旁邊有得自取,感覺好得意,去開日本記住試吓!

Read more ›

【連環圖】日本喵星人坐車站發呆 表情煩惱twitter熱傳
by / on 21/11/2016 at 7:14 am

【連環圖】日本喵星人坐車站發呆 表情煩惱twitter熱傳

喵星人嘅動作、表情往往出人意表,好似呢幾張連環圖,最近就喺日本熱傳,相中嘅喵星人唔知點解坐咗喺車站嘅長櫈度,個樣仲好似有嘢諗緊好煩惱咁。不過睇佢又有蝙蝠衫著,又有貓帶,應該煩緊主人行咗去邊仲未返嚟接佢。話時話,放貓呢個行為真係囂張,不過唔係每隻貓都鍾意出街,貓奴試之前問清楚主人。

Read more ›
【好驚】日本網民車站去廁所 門罅收紙仔提供特別服務
by / on 16/09/2016 at 2:55 pm

【好驚】日本網民車站去廁所 門罅收紙仔提供特別服務

今次真係處境題,如果喺公共廁所去去吓廁所,有人喺門罅攝張紙仔入嚟,寫話可以提供服務……嗱,個重點嚟喇,佢寫強調「仲舒服過女仔」,最後話轉頭會敲門,如果OK嘅話開門就得……呢位日本網民就喺大阪梅田站去緊廁所時遇到,佢話之後仲真係有人敲門,喺呢個時候,就算去完都唔敢即刻出去啦?但又會唔會好奇想睇吓係咩人?

Read more ›
日本新宿驚現狂舞比堅尼女   網民:「全部都係醜女,解散!」
by / on 22/07/2016 at 7:10 am

日本新宿驚現狂舞比堅尼女 網民:「全部都係醜女,解散!」

嘩,日本新宿車站前突然有班女仔著比堅尼跳舞!點解每次去日本都見唔到呢啲盛況?件事放咗上2ch討論,不過今次日本網民唔係羨慕,而係評擊啲女仔嘅質素。有網民留言:「全部都係醜女,大家解散」、「恐怖表演?」、「突發嘅動物園」。有圖有真相,大家點睇?

Read more ›
【旅遊大使】熊本熊佔領新大阪車站 空群而出一齊等車
by / on 01/03/2016 at 7:14 am

【旅遊大使】熊本熊佔領新大阪車站 空群而出一齊等車

新大阪車站好大,2011年翻新後再開幕,而家車站裡面有8個唔同主題嘅廣場,其中時空廣場就成為好多人約會等人嘅地點。最近呢個時空廣場仲俾熊本熊成功侵領宣傳熊本市。有日本網民喺Twitter分享咗啲現場相,睇見大量熊本熊進佔車站,每個都有唔同造型,加埋個呆呆哋嘅傻樣,好可愛,難怪勁多人RT。官方Facebook都有公佈,由即日起至3月4日熊本熊都會喺大阪車站做旅遊大使,本尊仲會間中現身,去開大阪嘅熊本熊fans記住去埋參觀喇。

Read more ›