Post Tagged with: "車牌"

日本新款車牌有特色圖案       熊本熊/富士山現身車牌
by / on 28/05/2018 at 7:23 am

日本新款車牌有特色圖案 熊本熊/富士山現身車牌

日本嘅車牌有標明地方名,最近仲加埋圖案。最近日本國土交通省公佈咗41款特製車牌,每個車牌後面有當地嘅特色圖案,例如奈良有鹿仔、富士山有富士山,熊本有熊本熊,全部都好正。想得到就要最少捐1000円,啲錢會作為推廣當地旅遊同埋改善交通,可惜仙台唔係JOJO車牌,亦唔見有箱根嘅Evangelion。

Read more ›

日本網民超古怪車牌相 經典四造型回帶睇
by / on 28/12/2017 at 7:43 am

日本網民超古怪車牌相 經典四造型回帶睇

早幾日介紹過呢位日本網民,佢將自己嘅頭髮同埋鬍鬚剃走一半,然後走去攞車牌影相,又俾佢成功影到喎。啱啱佢喺Twitter放多幾張相,原來影呢啲古怪車牌相係佢多年嚟嘅習慣。最先係紥孖辮,之後孖辮加執鬚,然後又玩過地中海,最後先進化到最近嘅一半剷青造型。難得嘅係佢每次都成功影到,相信嗰邊嘅職員都認得佢,影慣影熟嘞。

Read more ›
日本網民申請車牌 超強造型一半剃光Twitter熱傳
by / on 25/12/2017 at 1:56 pm

日本網民申請車牌 超強造型一半剃光Twitter熱傳

申請車牌張相點樣最好?好多人間中都想挑戰吓權威,做啲古怪造型。日本有網民就大膽嘗試咗,一邊長毛一邊剃光,好有個人風格,仲成功喺Twitter成為熱話。右邊張相喺剃光之前,睇得出好大對比。之後唔少網民出圖回應,有人幫佢用mirror效果還原返做兩個正常造型,點知發現長毛嘅佢好似邪教教主麻原彰晃,又有網民放自己cosplay嘅車牌照出嚟,另外樓主嘅Twitter頭像都係車牌嚟,當年嘅佢專登剃光頭頂扮地中海,一樣好正。入嚟有回帶。

Read more ›
【頂住先】自畫紐約車牌被捕 日本網民:「好想要!」
by / on 11/03/2016 at 7:12 am

【頂住先】自畫紐約車牌被捕 日本網民:「好想要!」

好佩服呢位美國28歲嘅女士Amanda Schweickert嘅創意,居然諗到用紙皮自己畫咗個車牌出嚟,仲掛上車喺道路上行駛,完全體現咗DIY精神。可能字體太可愛,喺街上好快俾警方截停,連警察見到都忍唔住笑。而家佢被控偽造車牌,獲准以美金$400保釋候審。件事傳到去日本,網民就話:「太可愛喇!」、「點解唔用金屬或者膠嚟製作呀?」、「好想要,有無得郵購?」、「警察係咪不滿啲字體呢?」而當地警方估計,佢應該係因為駕駛執照被用,所以諗倒自己畫一張用住先。

Read more ›
【星戰車牌】《Star Wars》超難測試題    自訂車牌可以參考
by / on 07/06/2015 at 11:58 am

【星戰車牌】《Star Wars》超難測試題 自訂車牌可以參考

星戰第7集今年12月先上,呢段時間當然係用嚟翻睇舊作啦,睇完想測試埋自己係咪真係夠hardcore,可以做埋呢個測試。外國網友David整咗個infographic表出嚟,有18個專為StarWars而設嘅車牌號碼,同埋18架星戰入面嘅運載工具,比你玩配圖。睇星戰淨係記角色?以後要記埋架太空船名嘞。我只係答啱咗兩題,好hurt,好彩入嚟有埋答案。BTW,星戰迷可以考慮喺香港申請呢啲車牌號碼喎,唔超過8個字母,又無I、O、Q。

Read more ›
日本網站女職員成功挑戰 春麗Cosplay造型駕駛證
by / on 21/01/2014 at 8:33 pm

日本網站女職員成功挑戰 春麗Cosplay造型駕駛證

之前都報道過,日本動漫迷興起一股Cosplay影相做駕駛證嘅熱潮,好多成功例子已經放咗上網。最近,日本有網站就派出員工去試一試係咪堅,呢位叫Angela嘅女職員Cosplay咗《Street Fighter II》嘅春麗去警局攞駕駛證(日本喺地方警局攞車牌),佢本來擔心警察要佢除咗春麗嘅頭飾,但最後成功通過!Yeah!阿隆!春麗考到車牌喇!

Read more ›