fbpx

Post Tagged with: "路不拾遺"

有片:太易偷!擋風玻璃有錢!你會唔會順手牽羊?
by / on 03/05/2016 at 9:30 am

有片:太易偷!擋風玻璃有錢!你會唔會順手牽羊?

好鍾意睇Social experiment一類短片,因為喺偷拍鏡頭下,人性就最最最最表露無遺。今次實驗都係離唔開錢,泊喺路邊車一架,車門窗打開,擋風玻璃擺咗幾張紙幣,路人經過會點?路人甲,順手牽羊,俾人識穿後發老爛,掉番啲錢畀主持人轉身走;路人乙,都係順手牽羊,俾人識穿後唔抗辯,第一時間開步轉身跑,不過無交代走唔走得甩;路人丙,一樣敵唔過金錢誘惑,不過有番啲羞恥心,俾人篤爆後將啲錢畀番主持人;路人丁,就真真估佢唔到嘞,但見佢烏低身入車廂,搞咗一輪,到主持人衝出嚟兜截佢,先發覺怪錯好人,原來阿路人丁深知財不可露眼嘅道理,只係將啲錢由擋風玻璃擺番入儲物格。都好,係就係少啲,不過始終人性都尚有光輝在。

Read more ›

【有片】路不拾遺 日本小朋友抵讚
by / on 05/06/2015 at 9:00 am

【有片】路不拾遺 日本小朋友抵讚

大人世界充滿爾虞我詐、勾心鬥角,那及小朋友思想單純、知所為而為。際此香港昏亂時刻,鬥唔過奸險小人,惟有獨善其身教好我哋嘅下一代喇。呢條短片睇得我好開心,片中個個日本小朋友都好有教養,大人專登跌銀包,佢哋個個都路不拾遺,雖然性格各異,有小朋友會顯得不知所措,諗緊點出聲提醒大人好;有小朋友執番銀包畀大人,大人無理佢,佢又擺番喺地下,好搞笑;有小朋友考慮好耐,終於鼓起勇氣同大人講跌咗銀包;有小朋友就第一時間執起銀包畀番大人,甚至拍走銀包上面嘅灰塵添。人善良正直,連個樣都可愛啲嘅,希望我哋嘅下一代,都可以咁有教養喇。

Read more ›