Post Tagged with: "超正"

海洋堂超正可動式兵仔 綠兵藍兵一齊出動
by / on 23/06/2018 at 12:16 pm

海洋堂超正可動式兵仔 綠兵藍兵一齊出動

有無人同我一樣,好鍾意呢啲綠色兵仔?海洋堂今個月推出呢款1/35可動式兵仔,一式六款,除咗有經典嘅綠色,仲有幾靚嘅海軍藍色,全部都係揸槍射擊動作,有企同埋瞓底嘅動作,由於可動式,可以將隻兵仔變成中槍姿勢,好正。官方仲有大量實物圖參考,入嚟有得睇。

Read more ›

日本超正錯覺圖集 網民Twitter熱傳搵公仔試玩
by / on 09/06/2018 at 6:09 pm

日本超正錯覺圖集 網民Twitter熱傳搵公仔試玩

一直對呢種3D畫好有興趣,最近日本Twitter好多人熱傳日本錯覺專家「Mozu君」嘅呢本薄,揭開每頁都有3D畫,好多人用佢嚟同自己啲公仔影相,唔少人留言話好好玩,仲令佢哋明白咗3D畫嘅原理。想買嘅可以去「ミラクルエッシャー展」,即日起至7月29日喺上野之森美術館舉行。

Read more ›
【圖集】超正街頭藝術家 改裝街頭佈置創意無限
by / on 07/06/2018 at 7:44 am

【圖集】超正街頭藝術家 改裝街頭佈置創意無限

Tom Bob呢位街頭藝術家成日偷偷哋粉飾街道,作品好色彩繽紛,仲好有創意。佢嘅作品主要出現喺紐約,不過間中去旅行例如台灣、杜拜,佢都會留低少少大作,我最鍾意係Leia公主嗰張,超正!鍾意佢嘅作品可以follow埋佢IG。

Read more ›
日本超正「烘燶多士」手機殼    加牛油做Wallpaper超美味
by / on 05/06/2018 at 7:22 am

日本超正「烘燶多士」手機殼 加牛油做Wallpaper超美味

日本嘅手機殼一向出色,好似呢個最近喺Twitter熱傳,就見識到日本人整嘅食物模型有幾像真。無論近睇定遠睇都似足一塊真嘅多士,仲要係燶燶哋啱啱好嗰款,加埋張半溶牛油嘅Wallpaper,睇見都肚餓。另外有一款有塊牛油喺埋背面,樓主話好後悔無買到,唯有用住牛油wallpaper代替,售價2千円起,入嚟有link,仲有多幾款選擇,包括果占版、蛋多士版。

Read more ›
日本超正設計     呔夾變飲管夏日透心涼
by / on 03/06/2018 at 4:02 pm

日本超正設計 呔夾變飲管夏日透心涼

日本嘅設計一向好有心思,最近有網民分享咗呢條呔,係一杯透心涼嘅薄荷特飲,特點在於個呔夾,竟然係一支飲筒仔!超有心思。另外仲有啤酒配枝豆同埋夏日煙花系列,每條賣2萬7千円,入嚟有得買。

Read more ›
日本超正設計師 「真實8bit食物圖」唔靠Photoshop
by / on 01/06/2018 at 7:57 am

日本超正設計師 「真實8bit食物圖」唔靠Photoshop

日本有好多好嘅設計,呢位美術總監「吉田ユニ」經常幫雜誌做美指,亦有做唔同嘅平面廣告創作,佢嘅作品偏向大膽搶眼,佢自己都話希望作品會令人忍唔住望然後欣賞。其中呢個8bit系列就好正嘞,將漢堡包、蘋果、香蕉變成8bit,不過唔係用Photoshop,而係真真正正用返食物去造類似8bit嘅效果,好正!入嚟仲有多啲佢嘅作品回帶。

Read more ›

《Dark Souls》超正角色設計 怪物精細設計睇到心寒
by / on 29/05/2018 at 7:14 am

《Dark Souls》超正角色設計 怪物精細設計睇到心寒

《Dark Souls Remastered》應該唔少人玩緊啦,其實佢啲角色設計一直好正,好似最近有日本網民就喺美術集入面搵咗其中一隻出嚟研究,對巨眼已經夠恐怖,zoom近啲睇,原來個口上面仲有對眼,睇到人個心寒一寒。

Read more ›
《Deadpool 2》外國超正電影宣傳     惡搞知名電影封面
by / on 18/05/2018 at 7:15 am

《Deadpool 2》外國超正電影宣傳 惡搞知名電影封面

《Deadpool 2》啱啱上畫,出名過份嘅佢,宣傳都創意過人。最近電影公司同Walmart合作,喺店內放咗個宣傳架惡搞16套電影,全部知名電影嘅封面都變晒Deadpool,拎走個套就係套真電影。啲設計好有創意,例如死侍個頭變咗《Cast Away》嘅Wilson,仲有《X-Man》、《LOGAN》、《Fight Club》、《Predator》等等全部俾佢騎劫晒,超正!入嚟有得睇。

Read more ›
池袋超正沾烏冬麵      日本網民Twitter推介
by / on 10/05/2018 at 7:17 am

池袋超正沾烏冬麵 日本網民Twitter推介

有無人同我一樣好鍾意食沾麵?日本網民最近推介呢間位於池袋嘅「うちたて家」,嚴格嚟講佢賣嘅係沾烏冬而唔係沾麵,睇相見到啲湯汁掛晒喺啲烏冬麵條上面,真係口水都滴埋出嚟,去開日本記住幫我試吓!

Read more ›
東京銀座隱世甜品店 超正雪條Twitter熱傳
by / on 12/01/2018 at 7:37 am

東京銀座隱世甜品店 超正雪條Twitter熱傳

  呢間開喺東京銀座大型商場「GINZA SIX」嘅和服店JOTARO SAITO,一睇就知賣貴嘢,估唔到嘅係入面有超美味嘅甜品!有日本網民分享,話店入面嘅cafe有得賣雪條,唔止外形靚,仲超好味!佢就推介朗姆酒葡萄乾味,每支賣626円。話聽講個設計師本身好鍾意食雪糕,所以就開咗呢間cafe喺和服店入面嘞。而個post喺Twitter勁多人RT,另外有網民都試過呢間店嘅甜品,都話勁好味,絕對係間隱世甜品店,有興趣嘅記住bookmark去試試。

Read more ›
【男人嘅夢想】日本超正車房 玻璃幕牆屋內隨時睇到
by / on 06/01/2018 at 12:29 pm

【男人嘅夢想】日本超正車房 玻璃幕牆屋內隨時睇到

喺香港地想養架車都唔易,最煩惱應該係泊車問題,貴之餘仲未必有位。所以睇到日本人呢個車房應該會令好多車主好羨慕。有日本網民新居入伙,仲有個佢夢寐以求嘅車,其中兩邊裝咗玻璃,喺飯廳睇睇吓電視可以望到旁邊架車,喺書枱做做吓嘢有可以望到架車,勁爽。

Read more ›

《Splatoon 2》超正武器食玩    一式八款最想要傘彈槍
by / on 05/12/2017 at 7:54 am

《Splatoon 2》超正武器食玩 一式八款最想要傘彈槍

Switch遊戲《Splatoon 2》好好玩,入面啲武器都好正,之前Bandai Candy出過武器食玩,今次嚟到第四彈,睇官方相見到每件產品都超細緻,特別係傘彈槍(パラシェルター)同埋模型職人MG(プロモデラーMG),一式八款,睇見都想儲,預計下年3月發售。

Read more ›
一蘭拉麵自閉位都有得買 超正套裝全方位體驗
by / on 09/11/2017 at 7:47 am

一蘭拉麵自閉位都有得買 超正套裝全方位體驗

去過一蘭食拉麵嘅,實記得佢哋嘅自修室式設計,一格格自閉位等食客可以專心食麵。而家除咗佢哋嘅拉麵可以買走,連呢個自閉式食枱都有得買嘞!不過係用紙摺成嘅,仲有埋教學,坐喺屋企自己食特別有風味。而家喺一蘭嘅網店有得買,盛惠3500円,有麵又有枱,不過暫時都係要有日本地址先登記到,想買嘅要搵吓代購網幫手嘞。

Read more ›
超正真人錯覺相       見唔見到隱藏動物?
by / on 19/04/2017 at 7:38 am

超正真人錯覺相 見唔見到隱藏動物?

呢輯相好得意,不過一定要離遠少少先睇到狗仔、貓仔同白兔仔。呢類錯覺(Illusion)相我哋由細到大都睇唔少,不過呢輯係由三個真人構成,影嘅時候好花心機。今次輯相由攝影師Amol Jadhav同美術總監Pranav Bhide共同製作,目的係為印度孟買「World For All Animal Care And Adoptions」呢個鼓勵領養動物嘅非牟利機構做宣傳。各位鍾意小動物嘅記住都要支持領養呀。

Read more ›
日本超正打機專用椅 手腕唔怕攰投入感大增
by / on 23/01/2017 at 7:33 am

日本超正打機專用椅 手腕唔怕攰投入感大增

  作為一個資深機迷,應該好想買呢張打機專用椅。呢張圖最近喺Twitter熱傳,「ゲーム専用座椅子」勝在前後都用得,將椅背放喺身前面,就可以將對手放上去,打得耐雙手都無咁攰,而且個人可以前傾,投入感大增。如果坐坐吓覺得條腰攰,又可以將張椅轉一轉,改為挨後嘅模式,唔打機坐喺度睇書撳電話都得,好實用。日本Amazon而家有得買,開價4980円,買嚟招呼朋友都正吖。

Read more ›